रोमी 6:16 - जिरेल

¹⁶ दाक्‍पोन खुशीकीराङ ज्‍येन मि काम खित गाल्‍नामेई थे मिकी मालिकतेकी कोताते मिक्‍किओ सिरा मेङेदो। जे खि सासीनोङ थेकी ङेन्‍दाराङ फाप्‍क्‍यो सिन ख्‍योकोनला छ्याराङ ओत। होदि बात च्‍योकराङ ख्‍योकोनगी पाप खासीन ख्‍योकोन पापकी योक्‍पो च्‍योकराङ ओङला पाप खिन देता फाप्‍क्‍यो। दोक खिन देत्‍नामेई ख्‍योकोन पापकी सजाय ङेत्‍ला स्‍यिइओ। परमेश्‍वरला दाक्‍पोन मालिक सिन थेकी साबाते ङेन्‍सीनचेन थेकी ख्‍योकोनला सजाय मेतेरा खाला दोषी मेन सिओ।

रोमी 6:16 Iomraidhean Croise

मत्ती 20:4

‘ए होइबावे, ख्‍योकोनोङ बरू ङे स्‍यीङला काम खित ग्‍युक। ङा ख्‍योकोनला थोई तेरा डिगीका ताला निमेक तेरग्‍यो,’ सिन सानामेई

मत्ती 6:24

योक्‍पोकी जुन खाम्‍बादु देत्‍ला दुक थे खाम्‍बे धनीकी कोताते बातकामा ङेन्‍दा फाप्‍क्‍यो। ज्‍येन मालिककी कोताते थेकी ङेन्‍दा मुथुबो। मालिक ङि ओङसीन थेला खाङ मालिकते मन परे खिका थेकी कोताते ङेन्‍ला थेलाराङ खुशी जोइओ। ज्‍येनतेकी कोतातेलाचेन थेकी नामज्‍योकराङ मेसेदो। योक्‍पोज्‍यीगी मालिक ङिला लेमु खिता माथुपा च्‍योकराङ खाला ख्‍योकोनगीङ परमेश्‍वरलाङ सम्‍पत्तिलाङ माया खिता मुथुबो। परमेश्‍वरला माने खासीन सम्‍पत्ति माया मारे खिता फाप्‍क्‍यो, सम्‍पत्ति माया खासीन परमेश्‍वरला माने खिता मुथुबो।

यूहन्‍ना 8:34

थेमे थेकी थेबाला “ङा ख्‍योकोनला दि बात सिओ। च्‍यि सासीन जसकी पाप खिदुक, थेचेन पापकी योक्‍पो ओङला पाप खिन देता फाप्‍क्‍यो।

रोमी 11:2

परमेश्‍वरगी थे खोरोङ मि ईन सिन छाने खाबाते मिओनला नोमुङ ताङा मेत। परमेश्‍वर बातला साबाते एलिये पालोला ओङाते दि बात सम्‍झे खि। थेजीन इस्राएली गाङेराङ परमेश्‍वर बात मेङेन्‍कान गाल्‍गीन सिन्‍सुङ सिन परमेश्‍वरताङ बात खिन एलियेकी

रोमी 12:1

थेमे था आज्‍यो न्‍वावे, परमेश्‍वरगी ङुरूङला थोक आउदी खाईन ङिङज्‍ये खाबा ओतेकी ङा ख्‍योकोनला दोक खि सिन सिओ। ओर्च्‍ये ख्‍योकोनगी खेराङ जीउ परमेश्‍वरतेराङ ईन सिन साला थेकी साबा साबा च्‍योकराङ खिओ सिन थेलाराङ सोम्‍पे खि। थेला मन परे खित्‍च्‍येते भोग बिन्‍दाच्‍योक ओङस्‍यीत सिन ख्‍योकोनगी होदोक खाला खेराङ जीउ थेला सोम्‍पे खि। थे खोरोङगी साबाच्‍योक खाला थेला माने खित्‍च्‍येतेङ होदोकराङ खाला ईन।

रोमी 6:17

गोमा ख्‍योकोन पापकी योक्‍पो च्‍योकराङ ओता ईन्‍सीनोङ थाचेन ख्‍योकोनगी खेराङला लापाते परमेश्‍वर बात सत्‍यते दुका सिन लेमु खाईन ङेन्‍गीन थेरू खि साबा च्‍योकराङ खिताला स्‍यूसुङ। ख्‍योकोन दोक खुदुक गालाते बातकी लाईदु परमेश्‍वरला धन्‍यवाद तेरगी।

१ कोरिन्‍थी 3:16

ख्‍योकोन खेराङराङ परमेश्‍वर मन्‍दिर ईन थेमे परमेश्‍वर आत्‍मा ख्‍योकोन नाङ देत्‍क्‍यो सिन च्‍यि ख्‍योकोनला छ्या मेत?

१ कोरिन्‍थी 5:6

ख्‍योकोन खेराङ आउदी लेमुतेबा ईन सिन छ्ये खिदुक। थोक खिता लेमु मेन। सोडा टिक्‍पीस्‍यिककामा लुक्‍सीनोङ ज्‍येन्‍ताक गाङेपा ठाम्‍ग्‍यो सिन च्‍यि ख्‍योकोनला छ्या मेत?

१ कोरिन्‍थी 6:2

परमेश्‍वर सन्‍तानओनगीराङ दि सा लुङबे मि न्‍याय खिओ सिन च्‍यि ख्‍योकोनला छ्या मेत? थोक छ्येते कामनी खिओ सासीन च्‍यि थोम्‍मु स्‍योराते बातज्‍यीगोङ ख्‍योकोनगी डिक्‍पा खिता मुथुप्‍तुक?

१ कोरिन्‍थी 6:3

थेमे परमेश्‍वर दूतओनते समेदोङ ङुरूङ न्‍याय खिओ सिन ख्‍योकोनला छ्या मेताना च्‍यिन्‍दे? तिरी ङुरूङ थोक्‍ते कामनी खिओ सासीन दि जुनीला दाक्‍पोन नाङ खइँदा मिडिक्‍च्‍येते बात ओङजीन च्‍यिला डिक्‍पा खिता मुथुप्‍तेरो?

१ कोरिन्‍थी 6:9

ज्‍येनला अन्‍याय खित्‍कानताङ मेलेबा काम खित्‍कान्‍ते मि सुङ परमेश्‍वर राज्‍यने स्‍यूक्‍पा मेङेदो सिन च्‍यि ख्‍योकोनला छ्या मेत? ख्‍योकोन सुङगीङ दाक्‍पोनगी ठुबाते डालुम नाङ दाक्‍पोनराङ स्‍यूक्‍च्‍येते काम माकेत। चुक सासीन रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबा, ल्‍हा लु माने खित्‍कान्‍तेबा, मि ख्‍यावा फेम्‍मेताङ ङ्याल्‍कान्‍तेबा, ख्‍योओ मिकी फेम्‍मे मि च्‍योक खाला ख्‍योओ मि ज्‍याक्‍ला खिता मेङच्‍येते काम खित्‍कान्‍तेबा,

१ कोरिन्‍थी 9:13

परमेश्‍वर मन्‍दिर नाङ काम खित्‍कान्‍ते मिओनगी थेरू चढे खाबाते नाङदुकी दाक्‍पोन बो ङेत्‍क्‍यो। थोकराङ खाला थेरू भोग तेरकान्‍ते मिओनगीचेन थे पूजा खाबाते नाङदुकी खोपरोङ बो ङेत्‍क्‍यो सिन च्‍यि ख्‍योकोनला छ्या मेत?

१ कोरिन्‍थी 9:24

थेमे दि बातनी ख्‍योकोनला छ्याराङ ओतासीन। बत्ते खित्‍जीन मेरा काल्‍बेई छ्य्‌वासीनोङ थेबे नाङ ग्‍याल्‍कान्‍तेकीकामा पुरूस्‍कार ङेत्‍क्‍यो मेन? थोगी ख्‍योकोनगीङ होथे बत्ते खित्‍जीन ग्‍याल्‍कान्‍तेकी पुरूस्‍कार ङेताच्‍योक खाला इनाम ङेत्‍स्‍यीत सिन थुपासम्‍म लेमु काम खि।

२ पत्रुस 2:19

थेबेकी मिकी दाक्‍पोन खुशीकी जे खासीनोङ ओङगो, छ्याःङ मेलेबा मेङगो सिन ज्‍येनला लोप्‍कीदुक। तर खोपरोङला खिता सेम लाबाते काम मिक्‍किता खाला देताराङ माथुप्‍ला थेबेकी दाक थोक्‍ते मेलेबा काम खिदुक। दोक खाला थेबा पापकी योक्‍पो च्‍योकराङ ओङगीन देत्‍ला दुक। च्‍यिला सासीन जेकी मिला ग्‍याल्‍गीदुक मिचेन होथे योक्‍पोराङ ईन।