रोमी 6:12 - जिरेल

¹² थोगी दाक्‍पोन खुशी खाला मेलेबा कामताङ बात खिन देता माफाप्‍स्‍यीत सिन था पालोई स्‍यिला दि जीउ रूल्‍ला डुइओ सिन सम्‍झे खाला पाप खिता थोङ।

रोमी 6:12 Iomraidhean Croise

रोमी 13:14

खेराङला जे जे खिता सेम लाङगीदुक थे थेराङ माकेत। दाक्‍पोन खुशीला ख्‍याम्‍बा लेमु मेन साला बरू ख्‍योकोनगी जे खासीनोङ प्रभु येशू ख्रीष्‍टकी खित ज्‍युता चाला च्‍योक्‍तेकामा खि।

रोमी 2:8

परमेश्‍वरगी छ्या स्‍ये च्‍युताते सत्‍यते बात मेङेन्‍दा खाला खोपरोङ खुशी खिन मेलेबा काम खित्‍कान्‍ते मिओनलाचेन थेकी स्‍येदाङगी चूर गाल्‍ला सजाय तेरग्‍यो।

रोमी 5:21

थोगी पाप खाबेकी खित्‍सादु पापकी सजाय भोगे खाला मि गाङे स्‍या फाप्‍च्‍या ओङा ओतान। तर थाचेन परमेश्‍वरगी दया खाला थेबाला दोषी मेन साला थेबेकी नोमुङ मिसिन्‍च्‍येते जुनी ङेत्‍क्‍यो। ङुरूङ प्रभु येशू ख्रीष्‍टकी खित्‍सादुराङ दोक ओङाते ईन।

रोमी 6:14

ख्‍योकोनगी था पाप खिन देता माफाबो। च्‍यिला सासीन था ख्‍योकोन परमेश्‍वर नियम अधीनला मेत। परमेश्‍वरगी दया खाबेकी थानी ख्‍योकोन थे अधीनलाका ओत।

रोमी 6:16

दाक्‍पोन खुशीकीराङ ज्‍येन मि काम खित गाल्‍नामेई थे मिकी मालिकतेकी कोताते मिक्‍किओ सिरा मेङेदो। जे खि सासीनोङ थेकी ङेन्‍दाराङ फाप्‍क्‍यो सिन ख्‍योकोनला छ्याराङ ओत। होदि बात च्‍योकराङ ख्‍योकोनगी पाप खासीन ख्‍योकोन पापकी योक्‍पो च्‍योकराङ ओङला पाप खिन देता फाप्‍क्‍यो। दोक खिन देत्‍नामेई ख्‍योकोन पापकी सजाय ङेत्‍ला स्‍यिइओ। परमेश्‍वरला दाक्‍पोन मालिक सिन थेकी साबाते ङेन्‍सीनचेन थेकी ख्‍योकोनला सजाय मेतेरा खाला दोषी मेन सिओ।

रोमी 8:11

परमेश्‍वर थे खोरोङ आत्‍मा ख्‍योकोन सेमदु ओतेकी येशू ख्रीष्‍टला स्‍यिसादुकी सोम्‍बो लोक्‍कान्‍ते परमेश्‍वरगीराङ था स्‍यिनामेई रूल्‍ला डोच्‍येते ख्‍योकोन जीउ खुदुक जोला सोम्‍बो लोइओ। दोकचेन थेकी ख्‍योकोन सेमदु ओताते थे खोरोङ आत्‍मे छ्य्‌वापेई खिओ।

रोमी 8:13

च्‍यिला सासीन काम बात जे खित्‍जीनोङ दाक्‍पोन खुशीराङ खिन देत्‍सीनचेन ख्‍योकोन स्‍या फाप्‍क्‍यो। परमेश्‍वर आत्‍मे छ्य्‌वापेई दाक्‍पोन खुशी खिता ताङला होथोक्‍ते कामताङ बात खिता ताङसीनकामा ख्‍योकोनगी नोमुङ मिसिन्‍च्‍येते जुनी ङेत्‍क्‍यो।

२ कोरिन्‍थी 4:11

ङीमाई स्‍यिला डोच्‍येते दि जुनीला दोक दुक्‍पा ओङसीनोङ येशू मि ईन्‍देकी दोक खाला नाम स्‍यिइताना सिराच्‍योक खाला देत्‍जीनोङ ङ्योकोन थोरूमसाक सोन्‍गीन देता ओता थोङला येशू सोम्‍बो लोगीन ङेताते जुनी ङ्योकोनगीङ ङेता ओताक्‍वा सिन मिओनगी छ्या स्‍येक्‍यो।

२ कोरिन्‍थी 5:4

थरिङोले दि जीउकी साटोला थे जीउ नामराङ ङेदोङा सिराच्‍योक खाईन रकस्‍यिकोङ सेम ढुक्‍क मिक्‍किता खाईन ङुरूङ गुकीन देता ओत। दोक खाबाते था नाम स्‍यिरोङा सिन साबाते मेन, बरू नोमुङ स्‍यिला रूल्‍ला मोन्‍डोच्‍येते जीउ होत्ता ङेत्‍सीन ओङच्‍या ओतान सिन ईन। स्‍यिला रूल्‍ला डोच्‍येते दि जीउकी साटोला होथे जीउ ङेत्‍ला नोमुङ मिसिन्‍च्‍येते जुनी ङेत्‍स्‍यीत सिन ईन।

गलाती 5:16

था ङा ख्‍योकोनला च्‍यि खि सिते सासीन परमेश्‍वर आत्‍मेकी खित ज्‍युता चाला च्‍योकराङ खि। दोक खासीन ख्‍योकोनगी खेराङ सेमला जे जे खिता सेम लाङगीदुक थे थेराङ खिता माफाबो।

गलाती 5:24

येशू ख्रीष्‍टताङ जीउज्‍यीकराङ ओङाते मिओनगीचेन थानामेई थोक मिक्‍किओ सिन दाक्‍पोन खुशीला ख्‍याम्‍च्‍येते बानी येशू ख्रीष्‍ट टाँए खाईन स्‍याप्‍ते स्‍यिङगी थामला टाँए खाईन सिन्‍दा ओत। थोक खाईन दाक्‍पोन खुशीला ख्‍याम्‍च्‍येते बानी ताङगीन सिन्‍दा ओतेकी था थेबेकी दाक्‍पोनला च्‍यि च्‍यि खिता सेम लाङगीका थोकराङ खिता माफाबो।

एफिसी 2:3

ईन्‍दाका गोमाबा ङुरूङ गाङेराङ ज्‍येन च्‍योकराङ दाक्‍पोन खुशीला ख्‍याम्‍गीन दाक्‍पोनला च्‍यि च्‍यि खिता सेम लाङगीका थोकराङ खिन खिता मेङच्‍येते कामताङ बात खिन ओतान। थोक खाबेकी ङुरूङगीङ होथेबा ज्‍येनगी च्‍योकराङ खाला परमेश्‍वरगी स्‍येदाङगी चूर गाल्‍ला तेरच्‍येते सजाय ङेता फाप्‍च्‍या ओतान।

एफिसी 4:22

था खेराङला लापा च्‍योकराङ खि। च्‍यि सासीन गोमा खिन ओताच्‍योक खिन मेदेता खाला मेलेबाते कामताङ बात खित्‍च्‍येते बानी थोङ। गोमाबा ख्‍योकोन दाक्‍पोन सेमला लाबा लाबाच्‍योक खासीन लेमु ओङगो सिन थोकराङ खिन ओतान। होथोक खाबेकी ख्‍योकोन ङ्येला डुइन ओतान।

१ थिस्‍सलोनिकी 4:5

परमेश्‍वरला छ्या मास्‍येबाते मिओनगी खोपरोङ सेम थामे खिता माथुप्‍ला फेम्‍मेतेबाला चुक खिता सेम लाङगीका थोकराङ खिओ। ख्‍योकोनगीचेन थेबेकी च्‍योक माकेत।

२ तिमोथी 2:22

थोगी खुईचेन स्‍यारातेबाला खिता सेम लाङच्‍येते दाक्‍पोन सेमला लाबा लाबाच्‍योक खित्‍च्‍येते मेलेबा काम सिराते नोमुङ माकेत। परमेश्‍वरगी खि साबा च्‍योकराङ खि, येशूला विश्‍वास खिन देत, ज्‍येनला ङिङज्‍ये खि थेमे ज्‍येनतेबाताङ डिक्‍ला थुन्‍ला देत। येशू ख्रीष्‍टला प्रभु सिन सिरकान्‍ते सेमला छ्याःङ पाप मेताते मिओनताङ खुई होदोककामा खिन देत।

तीतस 2:12

परमेश्‍वर दयेकी खित्‍सादु चुक चुक खिता फाप्‍कीते सिन ङुरूङ लोप्‍कीन ओत। थोगी ङुरूङगी परमेश्‍वरगी माकेत साबाते काम खित्‍च्‍येते थेमे पापताङ लोभ खित्‍च्‍येते ताङला दाक्‍पोन सेम काबूला ज्‍य्‌वाबा थुप्‍क्‍यो थेमे दि कलि जुगला थेकी खि साबा साबाच्‍योक खिन थेला झन लेमु खाला माने खिता थुप्‍क्‍यो।

तीतस 3:3

गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।

१ पत्रुस 1:14

लाःपा कोताते ङेन्‍कान्‍ते फिजा च्‍योकराङ ओङला परमेश्‍वरगी कोताते ङेन। गोमाबा ख्‍योकोन छ्याःङ छ्या मेस्‍येकान्‍ते मि च्‍योक दाक्‍पोन सेमला लाबा लाबा खिन ओतान, था थोक माकेत।

१ पत्रुस 2:11

ङिङज्‍येते आज्‍यो न्‍वावे, ख्‍योकोन दुरू टिक्‍पी दिनकामा देत्‍च्‍येते ईन्‍देकी मि लुङबे मि च्‍योकराङ ईन। थोगी ओर्च्‍ये, ख्‍योकोन ङे दोक्‍ते कामताङ बात खिता मेङगो सिन छ्या ओत्‍कीन ओत्‍कीनोङ ङे दोक माक्‍याबाला ओङराङ मेङगो सिराच्‍योक खाला खेराङ सेमला लाबा लाबा खित्‍च्‍येते नोमुङ छ्याःङ माकेत।

यहूदा 1:16

ख्‍योकोन नाङ स्‍यूबाते होथे मिओन नोमुङ खुशी मेङा खाला दि काम लेमु मायाङसुङ, थे थोक ओङसुङ सिन जुन बातलाङ खालि गनगनकामा खिन देत्‍क्‍यो। थेबे सेम मेलेबा ओतेकी खोपरोङला जे खिता सेम लाङगीदुक थेराङ खिओ। थेबेकी खोपरोङ जे बादोङ छ्या स्‍येकान ईन सिराच्‍योक खाला बात खिओ। थेमे खोपरोङ फाइदा ताला खो आउदी लेमु मि ईन, दोक दोक खित्‍कान्‍ते ईन सिन मिला तेक्‍ला बात खिओ।

यहूदा 1:18

थेबेकीचेन “प्रभु येशू ख्रीष्‍ट ग्‍युरला ओङा भन्‍दा गोमा थेला विश्‍वास खित्‍कान्‍ते मिओनला खिस्‍यी खित्‍कान्‍ते मितेबा ओङगो। खोपरोङ सेम मेलेबा ओतेकी थेबेकी खोपरोङला जे खिता सेम लाङगीदुक थेराङ खिओ,” सिन साबा ओतान, मेन?