रोमी 6:10 - जिरेल

¹⁰ येशू ख्रीष्‍टचेन मिओनगी ङेत्‍च्‍येते पापकी सजाय भोगे खाईन स्‍यिसुङ। पालोई थे थोक खाईन स्‍यिइन सिन्‍दा ओतेकी था थेकी दि काम याङराङ खिता माफाबो। स्‍यिसादुकी सोम्‍बो लोगीन थेनी परमेश्‍वरताङ नोमुङ ठाला माफाप्‍च्‍या खाईन देता ओत।

रोमी 6:10 Iomraidhean Croise

लूका 20:38

मि स्‍यिनामेई थोकराङ तोरला डोच्‍या ईन्‍दा ईन्‍सीन परमेश्‍वरला मोशेकी स्‍यिइन सिन्‍दाते ज्‍युज्‍युतेबे परमेश्‍वर ईन सिन सिरच्‍या मेतान। स्‍यिनामेकीङ मि गाङे परमेश्‍वर दोन्‍दु सोम्‍बोराङ ओङगो,” सिन सिदुक।

रोमी 6:11

होदि बातओन सम्‍झे खाला था ख्‍योकोनगी पापकी लाईदु खेराङ स्‍याप छेतराङ ईन्‍देकी गोमाबा च्‍योक पाप खिन देता माफाबो। बरू येशू ख्रीष्‍टताङ जीउज्‍यीकराङ ओङगीन था ख्‍योकोन परमेश्‍वरगी खि साबा साबा च्‍योकराङ खिता थुप्‍क्‍यो सिरच्‍येते बात छ्या स्‍येबा खि।

रोमी 6:9

चुक खाला सासीन परमेश्‍वरगी ख्रीष्‍टला स्‍यिसादुकी सोम्‍बो लोक्‍पा ओत। थे याङराङ नोमुङ मिस्‍यिओ। था थेला कालगी छ्याःङ खिता मुथुबो।

रोमी 8:3

ङुरूङ परमेश्‍वरगी खि साबाच्‍योक खिता मुथुप्‍कान्‍ते मि ईन्‍देकी ङुरूङला पापदुकी डेल्‍च्‍येते थेमे स्‍यिसादुकी जोए खित्‍च्‍येते काम परमेश्‍वर नियम छ्य्‌वापेकी ओङा थुपा मेतान। थोगी दि काम खिताला मि जुनीराङ लाला केला च्‍याला स्‍याप्‍ला परमेश्‍वरगी थे खोरोङ फुज्‍युङराङ देमा ताङसुङ। मि जुनी लासीनोङ थेकी नोमुङ छ्याङ पाप खाबा मेतान। थेमे पापकी सजाय जति परमेश्‍वरगी थेलाराङ भोगे खित च्‍युत्‍सुङ। थे थोक खाईन स्‍याप्‍की खित्‍सादु परमेश्‍वरगी मिओनला पाप खित्‍च्‍येते बानीदुकी टाल्‍गीन बिन्‍सुङ।

२ कोरिन्‍थी 5:15

मि गाङे लाईदु थे स्‍याप्‍ते ईन्‍देकी नोमुङ मिसिन्‍च्‍येते जुनी ङेताते मिओनगी था दाक्‍पोन खुशी खिता मेङगो। बरू थे थोक खाईन खोपरोङ लाईदु स्‍या ओतान थेमे परमेश्‍वरगी थेला सोम्‍बो लोक्‍पा ओतान सिन टोक मेज्‍येता खाला थेला मन परे खित्‍च्‍येते काम खिता फाप्‍क्‍यो।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

१ पत्रुस 3:18

मिओनला पापदुकी डेलाला ख्रीष्‍ट पापकी सजाय भोगे खाईन थे खोरोङ ज्‍यान बिन्‍गीन स्‍या ओतान। दोक खाईन छ्याःङ गल्‍ती मेताते ख्रीष्‍ट परमेश्‍वरगी माकेत साबा साबा खित्‍कान्‍ते मिओन लाईदु स्‍या ओतान। थे थोक खाईन बाजिई मि गाङे लाईदु स्‍यिइन सिन्‍दा ओतेकी था लोक्‍ला नोमुङ दोक खिता माफाबो। थे थोक खाईन स्‍याप्‍की खित्‍सादु ख्‍योकोन परमेश्‍वर दोन्‍दु ड्वा थुपा ओत। मिओनगी थेला सेता ओतान। ईन्‍सीनोङ परमेश्‍वरगी थेला थे खोरोङ आत्‍मे छ्य्‌वापेकी सोम्‍बो लोक्‍पा ओत।

१ पत्रुस 4:6

ङीमाई परमेश्‍वरगी दोक खाला न्‍याय खित्‍च्‍येते ईन्‍देकीराङ स्‍यिइन सिन्‍दाते मिओनलाङ गा लाङच्‍येते बात लापाते ईन। थोक खाबातेचेन थेबेकी सोन सोनसाक चुक खाला दुका थे ताला थेबे न्‍याय खिता थुप्‍स्‍यीत थेमे परमेश्‍वरगी तेरा चालाते नोमुङ मिसिन्‍च्‍येते जुनी ङेत्‍स्‍यीत सिन ईन।