रोमी 5:7 - जिरेल

⁷ था ङुरूङगी बातज्‍यीक विचार खाला तेइ। छ्याःङ दोष मेताते मिला जोए खिताप सिन दाक्‍पोन ज्‍यानगी माया मारे खित्‍कान्‍ते मि काल्‍बा च्‍योक सुङ मेथेनो। ज्‍येनला लेमु खित्‍कान्‍ते मि लाईदुचेन सुइँदा थोक खित्‍कान थेन्‍दाङ थुप्‍क्‍यो। ईन्‍सीनोङ मेलेबा मि लाईदु दाक्‍पोन ज्‍यान तेरकान्‍ते मिनी सुङ थेनराङ मेथेनो।

रोमी 5:7 Iomraidhean Croise

मत्ती 13:15

च्‍यिला सासीन थेबा छ्याःङ खोबा मुथुप्‍च्‍या गाल्‍ला दुक। थेबे नामज्‍योक थुक्‍पु गाल्‍ला दुक। थोकराङ खाईन थेबेकी छ्याःङ मोथोङस्‍यीत सिन खोपरोङ मिक चुम्‍ला दुक। थोक मेन्‍दा ईन्‍सीन थेबे मिगी थोङच्‍या ओतान, नामज्‍योककी थोच्‍या ओतान थेमे बात लेमु खाला खोला ङे छ्य्‌वापा लै खित्‍च्‍या ओतान। थेमे थोक खानामेई ङा थेबाला थेबे पापदुकी टाल्‍ला लेमु खित्‍च्‍या ओतान,’ सिन सिर च्‍युता ओतान।

यूहन्‍ना 15:13

दाक्‍पोन र्‍वाओन लाईदु दाक्‍पोन ज्‍यान तेरच्‍येते छेत ङिङज्‍ये ज्‍येनतोक छ्याःङ मेन।

शक्ति काम 11:24

बारनाबास लेमु मि ओतान। थेचेन परमेश्‍वर आत्‍मेकी खाङाते थेमे येशूकी जेङ खिता थुप्‍क्‍यो सिन थेला आउदी खाला विश्‍वास खित्‍कानज्‍यीक ओतान। थे एन्‍टिओखियादु देते बेलाला थे बात ङेन्‍गीन मि काल्‍बेईकी प्रभु येशूला विश्‍वास खिताला स्‍यूसुङ।

रोमी 16:4

थेबेकी ङाला जोए खिताला झन्‍दै खोपरोङ ज्‍यानोङ तेरा फापा ओतान। ङाला थेबेकी थोक लेमु खाबा ओतान। थेबेकी थोक खाबाते बात ठाउँ ठाउँला जम्‍मा ओङकान्‍ते ज्‍येन ज्‍येन जातकी येशू ख्रीष्‍ट मिओनगीङ गाङेकी खिदुक।

रोमी 5:6

चुक सासीन ङुरूङगी परमेश्‍वरगी खि साबाते ङेन्‍गीन लेमु काम खिता थुपा मेतान। दोक खाईन ङुरूङ परमेश्‍वरगी माकेत साबा साबा खिन देता ओते बेलालाराङ ख्रीष्‍ट ङुरूङ लाईदु थे खोरोङ ज्‍यान बिन्‍गीन स्‍यिसुङ। परमेश्‍वरगी तोके खाबाते ठीक बेलाला थे दोक खाईन स्‍या ओतान।

रोमी 5:8

तर ख्रीष्‍टचेन ङुरूङ पापी ओत्‍कीन ओत्‍कीनोङ ङुरूङ लाईदु थे खोरोङ ज्‍यान बिन्‍गीन स्‍यिसुङ। ङुरूङ लाईदु ख्रीष्‍टला थोक खिताला ताङगीन परमेश्‍वरगी ङुरूङला आउदी खाला ङिङज्‍ये खिओ सिन छ्या स्‍ये च्‍युत्‍सुङ।

१ यूहन्‍ना 3:16

ज्‍येनला ङिङज्‍ये खित्‍च्‍येते च्‍यि ईन्‍दे सिन ङुरूङगी येशू ख्रीष्‍टकी खाबाते काम ताला छ्या स्‍येक्‍यो। थेकी ङुरूङ लाईदु थे खोरोङ ज्‍यानराङ बिन्‍दा ओतान। ङुरूङगीङ दाक्‍पोन आज्‍यो न्‍वाकी लाईदु दाक्‍पोन ज्‍यान तेरा फाप्‍क्‍यो।