रोमी 5:18 - जिरेल

¹⁸ थोगी चुक ओङसुङा सासीन मिज्‍यीगी परमेश्‍वरगी माकेत साबाते काम खाबेकी खित्‍सादु मि गाङेकी सजाय ङेत्‍कीन स्‍या फापाते ईन। लोक्‍ला ज्‍येनज्‍यीगी परमेश्‍वरगी खि साबा च्‍योकराङ खाबेकी खित्‍सादुचेन मि गाङेकी पापकी सजायदुकी ठाल्‍ला नोमुङ मिसिन्‍च्‍येते जुनी ङेत्‍च्‍येते ईन।

रोमी 5:18 Iomraidhean Croise

यूहन्‍ना 1:7

वाकीन यूहन्‍नेकीचेन थे नाम्‍दाक सिराते सु ईन्‍दे, थेकी च्‍यि खिते सिन मिओनला लाप्‍सुङ। थेकी लापाते बात थोला थे नाम्‍दाक सिरातेला मि गाङेकी विश्‍वास खित्‍स्‍यीत सिनराङ परमेश्‍वरगी यूहन्‍नाला ताङा ओतान।

यूहन्‍ना 12:32

थेमे ङाला स्‍यिङगी थामला टाँए खानामेई ङा मि गाङेला ङाराङ छ्य्‌वापा ओङ ज्‍युत्‍क्‍यो,” सिन सिदुक।

यूहन्‍ना 3:26

थोगी थे चेलातेबेकी यूहन्‍ना ओत्‍सादु गाल्‍गीन “गुरू, यर्दन चाङबो फारकेनपा ओत्‍जीन खुई बात खाबाते मि खोल्‍ला ठेम्‍बा लाङगीकाना मालाङका? थे छ्येते मि ईन सिन खुई बात खाबा ओतान। थानी बप्‍तिस्‍मा नाङ सिन गाङेराङ थे ओत्‍सादुका डोच्‍याक्‍वा। थेमे थेकीङ बप्‍तिस्‍मा तेरच्‍याक्‍वा,” सिन सिदुक।

शक्ति काम 13:39

येशूला विश्‍वास खित्‍कान गाङेला परमेश्‍वरगी थेबे पापबरी माफ बिन्‍ला थेबाला दोषी मेन सिन सिओ। मोशेकी टिबाते परमेश्‍वर नियम तालाचेन परमेश्‍वरगी ख्‍योकोनला दोक खाला दोषी मेन सिरा थुप्‍च्‍या मेतान।

रोमी 3:25

मिओन पाप माफ ओङस्‍यीत सिन स्‍याप्‍ला परमेश्‍वरगी येशू ख्रीष्‍टला देमा ताङाते ईन। थेमे येशू ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु खोपरोङ पाप माफ ओङगो सिन थेला विश्‍वास खित्‍कान्‍ते मिओन पाप परमेश्‍वरगी माफ तेरग्‍यो। परमेश्‍वरचेन मिओनगी गोमामेकी खाबाते पापकी सजाय मेतेरा खाईन देता ओतान। येशू ख्रीष्‍टकी खाबाते कामगी खित्‍सादु थेबे पाप माफ तेराप सिन थे थोक खाईन देत्‍कीन थेकी थे खोरोङ जे खित्‍जीनोङ ठीक खाला खित्‍कान्‍ते ईन सिन मिओनला छ्या स्‍ये च्‍युत्‍सुङ।

रोमी 4:25

ङुरूङगी पाप खाबेकी खित्‍सादु ङुरूङला पापदुकी डेलाला परमेश्‍वरगी थेला ङुरूङ लाईदु स्‍याप्‍ला ताङसुङ। थेमे ङुरूङला दोषी मेन सिराला थेकी थेला स्‍यिसादुकी सोम्‍बो लोक्‍सुङ।

रोमी 5:12

बात चुक ईन्‍दे सासीन मिज्‍यीगी पाप खाबेकी खित्‍सादु दि सा लुङबादु पाप खित्‍च्‍येते सिराते शुरू ओङगीन थे तिरी मि गाङेकी पाप खिताला स्‍यूसुङ। थेमे पाप खाबेकी खित्‍सादु थे मि कालगी खाला फाप्‍ला स्‍या फाप्‍च्‍या ओङसुङ। थोक ओङगीन थे तिरी मिङ गाङेराङ स्‍या फाप्‍च्‍या ओङसुङ। च्‍यिला सासीन थेबाङ गाङेराङ पापीराङ गाला ओतान।

रोमी 5:15

चुक खाला सासीन आदम दोक्‍पोईकी परमेश्‍वरगी माकेत साबाते काम खाईन पाप खाबेकी खित्‍सादु मि काल्‍बेईला चुक मेलेबा ओङसुङा सिरच्‍येते बातताङ येशू ख्रीष्‍टकी खाबाते कामगी खित्‍सादु परमेश्‍वरगी मि काल्‍बेईला दया खित्‍च्‍येते बातचेन खापान खापान खुदुक ईन। आदमगी खित्‍सादु मिओन स्‍या फाप्‍कीन ओतान सासीन येशू ख्रीष्‍टकी खित्‍सादुचेन परमेश्‍वरगी थे खोरोङ दयेकी मिओनला पापकी सजाय मेतेरच्‍या ओङसुङ।

रोमी 5:19

थोक खाईन मिज्‍यीगी परमेश्‍वरगी साबाते माङेन्‍देकी खित्‍सादु मि काल्‍बेई पापी ओङाते ईन। लोक्‍ला ज्‍येनज्‍यीगी थेकी साबाते ङेन्‍देकी खित्‍सादुचेन परमेश्‍वरगी मि काल्‍बेईला दोषी मेन सिरच्‍येते ईन।

रोमी 6:14

ख्‍योकोनगी था पाप खिन देता माफाबो। च्‍यिला सासीन था ख्‍योकोन परमेश्‍वर नियम अधीनला मेत। परमेश्‍वरगी दया खाबेकी थानी ख्‍योकोन थे अधीनलाका ओत।

१ कोरिन्‍थी 15:22

च्‍यिला सासीन मि गाङे आदम सन्‍तान ईन्‍देकी पालोई गाङेराङ स्‍यिइओ। ख्रीष्‍टताङ जीउज्‍यीकराङ ओङाते मिओनलाचेन परमेश्‍वरगी तिरी सोम्‍बो लोइओ।

हिब्रू 2:9

तर ङुरूङगी येशू बात विचार खिइ। परमेश्‍वरगी मिला दया खाईन मि गाङे लाईदु स्‍याप्‍ला थेकी येशूला टिक्‍पी दिनगी लाईदु थे खोरोङ दूतओनला छेदोङ मान बिन्‍दा मेतान। मि गाङे लाईदु दुक्‍पा भोगे खाईन स्‍याप्‍की खित्‍सादु थाचेन परमेश्‍वरगी थेला छ्येज्‍यीक शक्तिताङ मान बिन्‍दा ओत।

२ पत्रुस 1:1

दि चिट्ठी टिक्‍कान्‍ते ङा शिमोन पत्रुस ईन। ङा येशू ख्रीष्‍ट काम खित्‍कान्‍ते थेकी खटे खाबाते मि ईन। ङा दि चिट्ठी जे खित्‍जीनोङ ठीक खाला खित्‍कान्‍ते ङुरूङला पापदुकी डेल्‍कान्‍ते येशू ख्रीष्‍टकी खित्‍सादु ङेराङ च्‍योकराङ पक्‍का खाला थेला विश्‍वास खिता ङेताते मिओनला टिगीन ओत। येशू ख्रीष्‍टराङ ङुरूङ परमेश्‍वर ईन।

१ यूहन्‍ना 2:20

दोक ईन्‍सीनोङ सेमला पाप सिराते छ्याःङ मेताते ख्रीष्‍टकी ख्‍योकोनलाचेन परमेश्‍वर आत्‍मा बिन्‍दा ओत। थेमे ख्‍योकोन गाङेकी सत्‍यते बात छ्या स्‍येबा ओत।