रोमी 5:14 - जिरेल

¹⁴ थोक ईन्‍सीनोङ परमेश्‍वरगी गाङे भन्‍दा गोमा जोबाते मि आदम पालोमेकी मोशे पालोसाक मि सुङ कालगी खादुकी थारा माथुप्‍सुङ। च्‍यिला सासीन आदमगी च्‍योक परमेश्‍वर थे खोरोङ खेकीराङ दोक माकेत साबाते माङेन्‍गीन पाप खाबाच्‍योक मेन्‍सीनोङ थेबेकीङ पापचेन खाबा ओतान। थेमे परमेश्‍वरगी तोङगो साबाते मित्ताङ आदमला दाँजे खाला ताजीन थेबे नाङ कोई कोई बात डिक्‍च्‍या कोई बात मिडिक्‍च्‍या थोङगीदुक।

रोमी 5:14 Iomraidhean Croise

रोमी 5:12

बात चुक ईन्‍दे सासीन मिज्‍यीगी पाप खाबेकी खित्‍सादु दि सा लुङबादु पाप खित्‍च्‍येते सिराते शुरू ओङगीन थे तिरी मि गाङेकी पाप खिताला स्‍यूसुङ। थेमे पाप खाबेकी खित्‍सादु थे मि कालगी खाला फाप्‍ला स्‍या फाप्‍च्‍या ओङसुङ। थोक ओङगीन थे तिरी मिङ गाङेराङ स्‍या फाप्‍च्‍या ओङसुङ। च्‍यिला सासीन थेबाङ गाङेराङ पापीराङ गाला ओतान।

रोमी 5:17

थोक खाईन मिज्‍यीगी पाप खाईन थेकी खित्‍सादु कालगी खादुकी सुङ थारा मुथुप्‍च्‍या ओङगीन मि गाङेराङ स्‍या फाप्‍च्‍या ओङा ओतान। तर येशू ख्रीष्‍टकी खाबाते कामगी खित्‍सादु परमेश्‍वरगी आउदी दया खाईन दोषी मेन साबाते मिओनगीचेन नोमुङ मिसिन्‍च्‍येते जुनी ङेत्‍ला येशू ख्रीष्‍टताङराङ राज्‍य खिओ।

रोमी 5:21

थोगी पाप खाबेकी खित्‍सादु पापकी सजाय भोगे खाला मि गाङे स्‍या फाप्‍च्‍या ओङा ओतान। तर थाचेन परमेश्‍वरगी दया खाला थेबाला दोषी मेन साला थेबेकी नोमुङ मिसिन्‍च्‍येते जुनी ङेत्‍क्‍यो। ङुरूङ प्रभु येशू ख्रीष्‍टकी खित्‍सादुराङ दोक ओङाते ईन।

रोमी 8:20

च्‍यिला सासीन सा नाम ईन्‍स्‍यीत, मि ईन्‍स्‍यीत, जीव जन्‍तु ईन्‍स्‍यीत परमेश्‍वरगी जोबाते जति गाङेला थे खोरोङगीराङ सजाय बिन्‍गीन काम लै मिक्‍किच्‍या जोबा ओत। ईन्‍सीनोङ थेकी था ङीमा लेनज्‍यीक थे खोरोङगी जोबाते जति गाङेला दि सजायदुकी डेल्‍ग्‍यो साबा ओत।

रोमी 8:22

तर थोरूमसाक थे दिन लेपा मेतेकी फिजे सुक ग्‍यापाते फेम्‍मे मि सुगी खुम्‍बु खिन बेटेक बेटेक खाबा च्‍योकराङ परमेश्‍वरगी जोबातेबरीङ जेसुकै स्‍यिच्‍येतेताङ नाश डोच्‍येते छ्य्‌वापेकी डेल्‍च्‍येते दिन नामराङ लेबोङा सिराच्‍योक खाईन देता ओत सिरच्‍येते बात ङुरूङला छ्याराङ ओत।

१ कोरिन्‍थी 15:22

च्‍यिला सासीन मि गाङे आदम सन्‍तान ईन्‍देकी पालोई गाङेराङ स्‍यिइओ। ख्रीष्‍टताङ जीउज्‍यीकराङ ओङाते मिओनलाचेन परमेश्‍वरगी तिरी सोम्‍बो लोइओ।

१ कोरिन्‍थी 15:45

परमेश्‍वर बातला चुक साला दुका सासीन “परमेश्‍वरगी गाङे भन्‍दा गोमा जोबाते मि आदमला नोउनामेई ङेपाक लुगीन बिन्‍सुङ। दोक खानामेई थे सोन्‍सुङ,” सिन टिला दुक। तिरी आदम सिन साबाते ख्रीष्‍टचेन नोमुङ मिसिन्‍च्‍येते जुनी तेरकान्‍ते आत्‍मा ईन।

हिब्रू 9:27

मि गाङेराङ पालोई स्‍या फाप्‍क्‍यो थेमे स्‍यिनामेई ङीमाई मि गाङेते परमेश्‍वरगी न्‍याय खिओ।