रोमी 5:12 - जिरेल

¹² बात चुक ईन्‍दे सासीन मिज्‍यीगी पाप खाबेकी खित्‍सादु दि सा लुङबादु पाप खित्‍च्‍येते सिराते शुरू ओङगीन थे तिरी मि गाङेकी पाप खिताला स्‍यूसुङ। थेमे पाप खाबेकी खित्‍सादु थे मि कालगी खाला फाप्‍ला स्‍या फाप्‍च्‍या ओङसुङ। थोक ओङगीन थे तिरी मिङ गाङेराङ स्‍या फाप्‍च्‍या ओङसुङ। च्‍यिला सासीन थेबाङ गाङेराङ पापीराङ गाला ओतान।

रोमी 5:12 Iomraidhean Croise

रोमी 3:23

च्‍यिला सासीन मि गाङेकी पाप खाबेकी खित्‍सादु सुङ परमेश्‍वर दोन्‍दु जस्‍तो लेमु ओङा फाप्‍च्‍या ओतान उस्‍तोराङ मायाङसुङ।

रोमी 5:18

थोगी चुक ओङसुङा सासीन मिज्‍यीगी परमेश्‍वरगी माकेत साबाते काम खाबेकी खित्‍सादु मि गाङेकी सजाय ङेत्‍कीन स्‍या फापाते ईन। लोक्‍ला ज्‍येनज्‍यीगी परमेश्‍वरगी खि साबा च्‍योकराङ खाबेकी खित्‍सादुचेन मि गाङेकी पापकी सजायदुकी ठाल्‍ला नोमुङ मिसिन्‍च्‍येते जुनी ङेत्‍च्‍येते ईन।

रोमी 5:19

थोक खाईन मिज्‍यीगी परमेश्‍वरगी साबाते माङेन्‍देकी खित्‍सादु मि काल्‍बेई पापी ओङाते ईन। लोक्‍ला ज्‍येनज्‍यीगी थेकी साबाते ङेन्‍देकी खित्‍सादुचेन परमेश्‍वरगी मि काल्‍बेईला दोषी मेन सिरच्‍येते ईन।

रोमी 5:21

थोगी पाप खाबेकी खित्‍सादु पापकी सजाय भोगे खाला मि गाङे स्‍या फाप्‍च्‍या ओङा ओतान। तर थाचेन परमेश्‍वरगी दया खाला थेबाला दोषी मेन साला थेबेकी नोमुङ मिसिन्‍च्‍येते जुनी ङेत्‍क्‍यो। ङुरूङ प्रभु येशू ख्रीष्‍टकी खित्‍सादुराङ दोक ओङाते ईन।

रोमी 6:21

थेजीन खेराङगी चुक चुक खाबा ओताने सिन सम्‍झे खाला थरिङोला खेराङराङ ङोचा खिदुक। थोक खाला परमेश्‍वरगी माकेत साबाते काम खित्‍जीन ख्‍योकोनगी च्‍यि ङेता ओताने? थेजीन ख्‍योकोनगी खाबाते कामगी खित्‍सादुचेन ख्‍योकोन पापकी सजाय ङेत्‍ला स्‍या फाप्‍च्‍या ओङा ओतान।

रोमी 6:23

बातचेन दिराङ ईन। च्‍यि सासीन पाप खाबेकी खित्‍सादु मिकी पापकी सजाय ङेत्‍ला स्‍या फाप्‍क्‍यो। ङुरूङ प्रभु येशू ख्रीष्‍टताङ जीउज्‍यीकराङ ओङाते मिओनलाचेन परमेश्‍वरगी दया खाला नोमुङ मिसिन्‍च्‍येते जुनी तेरग्‍यो।

१ कोरिन्‍थी 15:56

पाप खाबेकीराङ मि कालगी खाला फाप्‍च्‍येते ईन। थेमे परमेश्‍वर नियमला जे जे माकेत साला दुक झन थे थे खालाराङ पाप खित्‍च्‍येते ईन।

एफिसी 2:3

ईन्‍दाका गोमाबा ङुरूङ गाङेराङ ज्‍येन च्‍योकराङ दाक्‍पोन खुशीला ख्‍याम्‍गीन दाक्‍पोनला च्‍यि च्‍यि खिता सेम लाङगीका थोकराङ खिन खिता मेङच्‍येते कामताङ बात खिन ओतान। थोक खाबेकी ङुरूङगीङ होथेबा ज्‍येनगी च्‍योकराङ खाला परमेश्‍वरगी स्‍येदाङगी चूर गाल्‍ला तेरच्‍येते सजाय ङेता फाप्‍च्‍या ओतान।

याकूब 1:15

थेमे होथोक खाईन थे खोरोङला खिताराङ फाप्‍क्‍यो सिराच्‍योक लाबाते काम खाला थेकी दाक पाप खिओ। थोक खाईन पाप खानामेई पापकी सजाय ङेत्‍ला थे स्‍या फाप्‍क्‍यो।

याकूब 3:2

ङुरूङ गाङेकी थोकज्‍यीक मेन्‍सीनोङ थोकज्‍यीक दाक गल्‍ती खिओ। दाक्‍पोन खा थाताला ज्‍याक्‍ला बात खित्‍कान्‍ते मिकीचेन गल्‍ती मिक्‍किओ। थोक्‍ते मिकी दाक्‍पोनला पूरो खाला काबूला ज्‍य्‌वाबा थुप्‍क्‍यो।