रोमी 5:11 - जिरेल

¹¹ दोस्‍यिककामा मेन, ङुरूङ प्रभु येशूकी ङुरूङला परमेश्‍वरताङ डिक्‍पा खाईन बिन्‍दा ओतेकी परमेश्‍वर ङुरूङला चुक लेमु खित्‍कान्‍ते ईन्‍दे सिन था ङुरूङ गा खिन देता थुप्‍क्‍यो।

रोमी 5:11 Iomraidhean Croise

लूका 1:46

थेरूई मरियमगीङ “प्रभु परमेश्‍वरते जय जय ओङस्‍यीत सिन ङा थेला सेमदुकीराङ छ्ये जोइओ।

यूहन्‍ना 1:12

दोक ईन्‍सीनोङ थे वादुक सिन मान खिन थेला विश्‍वास खित्‍कान्‍ते मिओनलाचेन थेकी परमेश्‍वर फुज्‍युङ फुमु ओङच्‍येते अधिकार बिन्‍सुङ।

रोमी 11:15

परमेश्‍वरगी थेबाला थे खोरोङ मि ईन सिरा ताङनामेई सा लुङबा खाङगी मिला थे खोरोङताङ डिक्‍पा खिता थुप्‍सुङ सासीन थेकी याङराङ थेबाला थे खोरोङ मि ईन सिरजीन च्‍यि झन छ्येज्‍यीक काम मेङगोतरो? थेकी थेबाला दोक खित्‍जीन थेबा स्‍यिसादुकी सोम्‍बो लोक्‍पा छेतराङ ईन।

रोमी 2:17

थेमे था ङा ख्‍योकोन नाङ यहूदीओन बात खितामीन। ख्‍योकोनचेन ङेतनी यहूदी ईन, ङेल्‍ला परमेश्‍वरगी थे खोरोङ नियम बिन्‍दा ओत थेमे थेकी ङ्योकोनला थे खोरोङ मि सिन छाने खाबाते ईन सिन छ्ये खिदुक।

रोमी 5:1

थोक खाईन थे खोरोङला विश्‍वास खित्‍कान ङुरूङला परमेश्‍वरगी दोषी मेन साबा ओतेकी ङुरूङ थेत्ताङ डिक्‍पा ओत। ङुरूङ प्रभु येशू ख्रीष्‍टकी ङुरूङला थेत्ताङ डिक्‍पा खाईन बिन्‍दाते ईन।

रोमी 5:10

ङुरूङ थेत्ताङ माडिक्‍ला थे विरोध खिन ओत्‍कीन ओत्‍कीनोङ थे खोरोङ फुज्‍युङ ङुरूङ लाईदु स्‍याप्‍ते ईन्‍देकी परमेश्‍वरगी ङुरूङला थे खोरोङताङ डिक्‍पा खाबा ओत। थेमे येशू स्‍यिसादुकी सोम्‍बो लोगीन सोम्‍बोराङ ओतेकी खित्‍सादु परमेश्‍वरगी ङुरूङला पूरो खाला पापदुकी टाल्‍ला स्‍वर्गने देत ज्‍युत्‍क्‍यो।

रोमी 5:3

दोस्‍यिककामा मेन, ङुरूङनी पीरताङ दुक्‍पे बेलालाङ गा खिओ। च्‍यिला सासीन दुक्‍पा ङेत्‍लाराङ ङुरूङ दुक्‍पा खपे खिता थुप्‍च्‍या डुइओ।

रोमी 8:23

ईन्‍दाका ङुरूङोङ थोरूमसाक दुक्‍पालाराङ देता फापा ओतेकी ङुरूङ सेमलाङ ढुक्‍क मेत। परमेश्‍वरगी ङुरूङला थे खोरोङ आत्‍मा बिन्‍दा ओतेकी थेकी खिओ साबाते ज्‍येनोङ था गाङे साबा च्‍योकराङ खिओ। परमेश्‍वर आत्‍मा ङेता ओत्‍सीनोङ परमेश्‍वरगी ङुरूङला स्‍या फाप्‍सादुकी टाल्‍ला दि जीउ खुदुक जोला थे खोरोङ धर्म-पुत्र सिन थे खोरोङताङ ज्‍य्‌वाच्‍येते दिन नामराङ लेबोङा सिन ङुरूङ गुकीन देता ओत।

रोमी 9:10

याङराङ रिबेकेकी केबाते जौंलेबा एसावताङ याकूब बातराङ विचार खाला तो। थेबा ङिकाराङ ङुरूङ पुर्खा इसहाक फुज्‍युङराङ ओतान।

१ कोरिन्‍थी 10:16

प्रभु भोज साजीन ङुरूङ अंगूर छ्याङ लुक्‍पाते कचौरा लाःक्‍तु लाला थे ख्रीष्‍टकी ठाक ईन सिन सम्‍झे खाला परमेश्‍वरला धन्‍यवाद बिन्‍ला गाङेराङ थे नोतज्‍यीकलाराङ थुङगो। थोक खित्‍जीन ङुरूङ ख्रीष्‍टकी ङुरूङ लाईदु थे खोरोङ ज्‍यान बिन्‍गीन स्‍याप्‍ते बात सम्‍झे खिओ। ख्रीष्‍टकी जीउ सिन सम्‍झे खाला थेजीन स्‍योबेन च्‍याक्‍ला साजीनोङ ङुरूङ होथे बातराङ सम्‍झे खिओ।

२ कोरिन्‍थी 8:19

दोस्‍यिककामा मेन, ज्‍येनला मद्धत तेराला सिन जम्‍मा खाबाते पैसा केलाला ङ्योकोनताङ ङ्योम्‍बु ड्वाप्‍ला सिन दिलानी देङपा ठाउँ ठाउँला जम्‍मा ओङकान्‍ते येशू ख्रीष्‍ट मिओनगीराङ छाने खाबाते ईन। ङ्योकोनगी खाबाते दि काम थोङला दुक्‍पा ङेतातेबाला मद्धत तेरच्‍येते ङ्योकोनते आउदी सेम ओताक्‍वा सिन ज्‍येनगी छ्या स्‍येक्‍यो। दि कामगी खित्‍सादु मिओनगी प्रभु येशू ख्रीष्‍टला छ्ये जोइओ।

गलाती 4:9

थाचेन ख्‍योकोनगी परमेश्‍वर सु ईन्‍दे, चुक्‍ते ईन्‍दे सिन लेमु खाईन छ्या स्‍येबा ओत। ख्‍योकोनगी थेला छ्या स्‍येबाते ईन सिरा भन्‍दाङ बरू परमेश्‍वर थे खोरोङगीराङका ख्‍योकोनला थे खोरोङ सु ईन्‍दे, चुक्‍ते ईन्‍दे सिन छ्या स्‍ये च्‍युत्‍कीन बिन्‍दाते ईन सिरा डिगीतासीन। बात दोक ईन्‍गीन ईन्‍गीनोङ परमेश्‍वरला माने खिता ताङगीन ख्‍योकोनगी चुक खाईन थाङबोमेई चले खिन वाबाते रीतिथिति लोक्‍ला माने खिताला स्‍यूबे? थोक खाला छ्याःङ फाइदा मेत्‍सीनोङ ख्‍योकोन च्‍यिला याङराङ स्‍याप स्‍याप खाला थे रीतिथिति माने खिता छोल्‍गीते?

गलाती 5:22

परमेश्‍वर आत्‍मेकी खित ज्‍युता चालाच्‍योक खित्‍कान्‍ते मिलाचेन थेकी फलफूल गोन ज्‍युताच्‍योक खाला लेमु कामताङ बात खित ज्‍युत्‍क्‍यो। थोगी थोक्‍ते मिकीचेन ज्‍येनला ङिङज्‍ये खिओ, थे गा खिन देत्‍क्‍यो थेमे सेमदु ढुक्‍क खाला देत्‍क्‍यो। थोक्‍ते मि होत्ताराङ स्‍येदाङ मिक्‍किओ, थेकी ज्‍येनला दया खिओ थेमे लेमु खिओ, थेकी खिओ साबा च्‍योकराङ खिओ,

फिलिप्‍पी 3:1

थेमे ज्‍येन बात च्‍यि सासीन आज्‍यो न्‍वावे, ख्‍योकोन प्रभु ख्रीष्‍टताङ जीउज्‍यीकराङ ओङा ओताते मि ईन्‍देकी गा खि। ङा ख्‍योकोनला ङे गोमामेई याङ याङ सिन वाबाते बातराङ टिगीन ओत। बातज्‍यीकराङ याङ याङ टिक्‍पा फाप्‍सीनोङ ङाला छ्याःङ दिक्‍क लाबा मेत। ङे टिबाते बात पढे खाला ख्‍योकोनगी चुक खिता फाप्‍च्‍या ईन्‍दाका सिन लेमु खाला छ्या स्‍येक्‍यो।

फिलिप्‍पी 3:3

ङुरूङका परमेश्‍वरगी छाने खाबाते जीउला खतकी चिनु जोबा ओताते मि च्‍योक्‍ते ईन। च्‍यिला सासीन परमेश्‍वरला चुक खाला माने खिता फाप्‍च्‍येते ईन्‍दे परमेश्‍वर आत्‍मे छ्य्‌वापेकी ङुरूङ थेला थोकराङ खाला माने खिओ। परमेश्‍वरला माने खिताला ङुरूङचेन दाक्‍पोन जीउला खतकी चिनु जोबा ओत थेमे ज्‍येन ज्‍येनोङ धर्म कर्म खाबा ओत सिन छ्ये मिक्‍किओ। बरू येशू ख्रीष्‍टताङ जीउज्‍यीकराङ ओङा ओतेकी गा खिओ।

फिलिप्‍पी 4:4

थेमे प्रभु येशूताङ जीउज्‍यीकराङ ओङाते मि ईन्‍देकी दुक्‍पा किम्‍मु जस्‍तो ओङजीनोङ ख्‍योकोन जहिलेङ गा खि। ख्‍योकोन गा खि सिन ङा याङराङ सिओ।

कलस्‍सी 2:6

येशू ख्रीष्‍टराङ खेराङ मालिक ईन सिन ख्‍योकोनगी थेला विश्‍वास खिताला स्‍यूबा ओत। थोगी थेत्ताङ जीउज्‍यीकराङ ओङाते मिकी काम बात चुक खिता फाप्‍च्‍येते ईन्‍दे ख्‍योकोनगी थोकराङ खिन देत।

१ पत्रुस 1:8

ईन्‍दानी ख्‍योकोनगी येशू ख्रीष्‍टला थोङा मेत। ईन्‍सीनोङ ख्‍योकोन थेला ङिङज्‍ये खिदुक। ख्‍योकोनगी थेला थरिङोला थोङा मेत्‍सीनोङ थेला विश्‍वास खिदुक। थेमे मिकी साला सिरा मुथुप्‍च्‍या आउदी खाला गा खिदुक।