रोमी 4:9 - जिरेल

⁹ थोक खाईन पाप माफ ओङाते मि भाग्‍यमानी ईन साबाते बात जीउला खतकी चिनु जोकान्‍ते यहूदी लाईदुकामा साबाते मेन। दि बातनी खतकी चिनु माजोबाते ज्‍येन ज्‍येन जातकी मि लाईदुङ ईन। ङुरूङगी आनाङका अब्राहामगी परमेश्‍वरला विश्‍वास खाबेकी थेकी थेला दोषी मेन साबा ओतान सिन बात खाबाप मेन?

रोमी 4:9 Iomraidhean Croise

लूका 2:32

दि वाबेकी खित्‍सादु था ज्‍येन ज्‍येन जातकी मिकी परमेश्‍वर खुई दया खाला पापताङ दुक्‍पादुकी डेल्‍ग्‍यो सिन छ्या स्‍येक्‍यो। थेमे खुई छाने खाबाते इस्राएली ङ्योकोनगी मान ङेत्‍क्‍यो,” सिन बात खासुङ।

रोमी 4:10

परमेश्‍वरगी थेला नाम दोक साबा ओताने? थेकी जीउला खतकी चिनु जोनामेईना माजोबालाराङ सिन ङुरूङगी छ्या स्‍येबा फाप्‍क्‍यो। थे थोक्‍ते मि ईन सिननी परमेश्‍वरगी थे चिनु माजोबालाराङ साबा ओतान।

रोमी 4:3

परमेश्‍वरगी थेला चुक खाईन दोषी मेन साबा ओताने सिरच्‍येते बातनी परमेश्‍वर बातला दोक सिनका साबा ओत। च्‍यि सासीन “परमेश्‍वरगी साबा च्‍योकराङ खिओ सिन अब्राहामगी थेला विश्‍वास खासुङ। थोक खाबेकी खित्‍सादु परमेश्‍वरगी थेला दोषी मेन सिदुक,” सिन टिबा ओत।

गलाती 3:14

ज्‍येन ज्‍येन जातकी मिकीङ परमेश्‍वरगी अब्राहामला तेरग्‍यो साबाते आशी ङेत्‍स्‍यीत थेमे थेला विश्‍वास खित्‍कान्‍ते मि ङुरूङ गाङेकी परमेश्‍वरगी तेरग्‍यो साबाते थे खोरोङ आत्‍मा ङेत्‍स्‍यीत सिन येशू ख्रीष्‍ट थोक खाईन परमेश्‍वरगी ङुरूङला सराप बिन्‍ला तेरच्‍येते सजाय छ्य्‌वापेई डेलाला स्‍याप्‍ते ईन।

एफिसी 3:8

दि काम खिताला परमेश्‍वर सन्‍तान गाङे नाङ ङा सोईराङ मिक्‍किकान्‍ते मि ईन्‍सीनोङ परमेश्‍वरगी ङालाराङ दि काम खित्‍च्‍येते जिम्‍मा बिन्‍सुङ। ङे कामचेन ख्रीष्‍टकी ङुरूङ लाईदु खाबाते कामतेबा खोबा चाल्‍ला खोबा मुथुप्‍च्‍या चुक अचम्‍ब खाईन खाबाते ईन्‍दे सिन ज्‍येन ज्‍येन जातकी मिला लोप्‍च्‍येते

कलस्‍सी 3:11

थेकी दोक लेमु खिन ओताते मि नाङ ग्रीक ईन्‍स्‍यीत कि यहूदी ईन्‍स्‍यीत, जीउला खतकी चिनु जोबाते मि ईन्‍स्‍यीत कि थे चिनु माजोबाते मि ईन्‍स्‍यीत, ज्‍येन ज्‍येन लुङबे मि ईन्‍स्‍यीत कि सिथिया सिराते मिओन ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत गाङे थोजोराङ ईन। सु च्‍यि जातकीते ईन्‍दे, सु छ्ये टेक्‍टे ईन्‍दे सिरच्‍येते बात ओङा मेङगो। ख्रीष्‍टकामा छ्ये ईन। थे खोरोङ मि गाङे सेमगी नाङ थेराङ देत्‍क्‍यो।