रोमी 4:6 - जिरेल

⁶ दोक खाईन मिकी परमेश्‍वरगी खि साबाच्‍योक लेमु काम खाबा मेत्‍सीनोङ परमेश्‍वरगी थेला दोषी मेन सानामेई थोक्‍ते मि चुक भाग्‍यमानी ईन्‍दे सिन गेल्‍बो दाऊदकीङ दोक सिन साबा ओतान।

रोमी 4:6 Iomraidhean Croise

मत्ती 25:19

थेमे लो काल्‍बेई तिरी मालिकते वाकीन थेबाला थे पैसे हर हिसाब नाङ खादुक्‍लो।

रोमी 1:17

च्‍यिला सासीन परमेश्‍वरगी चुक खाला मिओनला दोषी मेन सिते थेमे येशूला विश्‍वास खित्‍कान्‍ते मिलाचेन विश्‍वास खाबेकी खित्‍सादु परमेश्‍वरगी दोषी मेन सिओ सिन गा लाङच्‍येते बातलाराङ साबा ओत। बात दोकराङ ईन सिन परमेश्‍वर बातला “थे खोरोङला विश्‍वास खित्‍कान्‍ते मिला परमेश्‍वरगी दोषी मेन सिओ। थेमे थोक्‍ते मिकी नोमुङ मिसिन्‍च्‍येते जुनी ङेत्‍क्‍यो,” सिन साबा ओत।

रोमी 3:27

बात दोक ईन्‍देकी परमेश्‍वर नियम ङेन्‍गीनका थेकी ङुरूङला दोषी मेन साबाते ईन सिन ङुरूङ सुङगीङ छ्ये खिता मेङेदो। च्‍यिला छ्ये खिता मेङेत्‍ते सासीन परमेश्‍वर नियम ङेन्‍गीन धर्मती ओङेकी खित्‍सादु मेन, येशूला विश्‍वास खाबेकी खित्‍सादुकामा परमेश्‍वरगी ङुरूङला दोषी मेन साबाते ईन।

रोमी 4:11

थे चिनुनी अब्राहामगी तिरीकामा जोबा ओतान। थेकी परमेश्‍वरला विश्‍वास खाबेकी परमेश्‍वरगी थेला दोषी मेन साबाते बात साँचो ईन सिराला थे खतकी चिनुचेन छाप ग्‍यापा च्‍योकराङ ओङसुङ। बात दोक ईन्‍देकी अब्राहामचेन खतकी चिनु माजोबाते तर खोपरोङगी खाबाते पाप परमेश्‍वरगी माफ खिओ सिन थेला विश्‍वास खित्‍कान्‍ते ज्‍येन ज्‍येन जातकी मितेङ ज्‍युज्‍यु ओङसुङ। थोगी थे खोरोङला विश्‍वास खित्‍कान्‍ते ज्‍येन ज्‍येन जातकी मिलाङ परमेश्‍वरगी अब्राहामला च्‍योकराङ खाला दोषी मेन सिओ।

रोमी 4:24

थे बातचेन ङुरूङ लाईदुङ साबाते ईन। ङुरूङलाङ परमेश्‍वरगी दोषी मेन सिओ। च्‍यिला सासीन ङुरूङोङ ङुरूङ प्रभु येशूला स्‍यिसादुकी सोम्‍बो लोक्‍कान्‍ते परमेश्‍वरलाराङ विश्‍वास खित्‍कान्‍ते मि ईन।

रोमी 4:5

तर परमेश्‍वरगी सुइँदाला दोषी मेन सिरच्‍येते बातचेन थे मिकी काम खाबेकी तलब बिन्‍दाते च्‍योक मेन। थोगी सुइँदेकी परमेश्‍वरगी खि साबाच्‍योक खित्‍च्‍या सिन दुक्‍पा खाईन खाईन लेमु काम खाबेकी खित्‍सादु मेन, परमेश्‍वरगी पापीते मिओनला दोषी मेन सिओ सिन थेला विश्‍वास खित्‍कान्‍ते मिओनलाका परमेश्‍वरगी दोषी मेन सिओ। दोक खाला थे खोरोङला विश्‍वास खित्‍कान्‍ते मिओनला थेकी होथोक्‍ते मि ईन सिओ।

रोमी 4:7

चुक सासीन “परमेश्‍वर नियम माङेन्‍गीन दाक्‍पोनगी खाबाते गल्‍ती प्रभु परमेश्‍वरगी माफ बिन्‍गीन पापदुकी टालाते मिओन भाग्‍यमानी ईन।

रोमी 4:9

थोक खाईन पाप माफ ओङाते मि भाग्‍यमानी ईन साबाते बात जीउला खतकी चिनु जोकान्‍ते यहूदी लाईदुकामा साबाते मेन। दि बातनी खतकी चिनु माजोबाते ज्‍येन ज्‍येन जातकी मि लाईदुङ ईन। ङुरूङगी आनाङका अब्राहामगी परमेश्‍वरला विश्‍वास खाबेकी थेकी थेला दोषी मेन साबा ओतान सिन बात खाबाप मेन?

१ कोरिन्‍थी 1:30

परमेश्‍वरगी खित्‍सादुकामा ख्‍योकोन येशू ख्रीष्‍टताङ जीउज्‍यीकराङ ओङाते ईन। येशू ख्रीष्‍टला ताला परमेश्‍वर चुक बुद्धि पुरे खाला काम खित्‍कान्‍ते ईन्‍दे सिन छ्या स्‍येक्‍यो। च्‍यि सासीन ख्रीष्‍टकी खित्‍सादु परमेश्‍वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

गलाती 3:14

ज्‍येन ज्‍येन जातकी मिकीङ परमेश्‍वरगी अब्राहामला तेरग्‍यो साबाते आशी ङेत्‍स्‍यीत थेमे थेला विश्‍वास खित्‍कान्‍ते मि ङुरूङ गाङेकी परमेश्‍वरगी तेरग्‍यो साबाते थे खोरोङ आत्‍मा ङेत्‍स्‍यीत सिन येशू ख्रीष्‍ट थोक खाईन परमेश्‍वरगी ङुरूङला सराप बिन्‍ला तेरच्‍येते सजाय छ्य्‌वापेई डेलाला स्‍याप्‍ते ईन।

गलाती 4:15

थे बेलाला ख्‍योकोन आउदी खुशी ओतान। थेमे थरिङोला ख्‍योकोनला च्‍यि ओङसुङा? खिता थुप्‍च्‍येते काम ईन्‍दा ईन्‍सीन ख्‍योकोनगी थेजीन ङे लाईदु खेराङ मिक समेदोङ थेन्‍ला तेरच्‍या ओतान।

एफिसी 1:3

ङुरूङ प्रभु येशू ख्रीष्‍ट आबा परमेश्‍वरते जय जय खिइ। च्‍यिला सासीन ख्रीष्‍टकी खित्‍सादु थेकी स्‍वर्गनेकी थे खोरोङगी तेरच्‍येते आशी जति गाङे ङुरूङला बिन्‍दा ओत।

फिलिप्‍पी 3:9

थेमे परमेश्‍वरगी ङाला ख्रीष्‍टताङ लेमु खाईन डिगीन देताते थोङस्‍यीत सिनराङ ङे होथे गोमे बाततेबा विचारराङ खिता ताङाते ईन। परमेश्‍वर नियम ङेन्‍गीन धर्म कर्म खाबेकी खित्‍सादु मेन, बरू ङा ख्रीष्‍टला विश्‍वास खित्‍कान्‍ते मि ईन सिन थाचेन परमेश्‍वरगी ङाला दोषी मेन सिन सिओ। च्‍यिला सासीन परमेश्‍वरगी मिकी खाबाते काम ताला मेन्‍देकी ख्रीष्‍टकी खाबाते काम ताला थेला विश्‍वास खित्‍कान्‍ते मिओनला दोषी मेन सिन सिओ।

२ तिमोथी 1:9

थेकीराङ ङुरूङला पापकी सजायदुकी टाल्‍गीन बिन्‍दा ओत। थेमे ङुरूङ सेम खुदुक गाल्‍ला मेलेबाते कामताङ बात सिराते छ्याःङ मिक्‍किस्‍यीत सिन थे खोरोङ दोन्‍दु स्‍योक सिन काताङा ओत। थेकी थोक खाबाते ङुरूङगी थेकी खि साबा साबाच्‍योक खाईन लेमु काम खाबेकी खित्‍सादु मेन, बरू थे खोरोङ दयेकी ङुरूङला थोक खिता चालेकी खित्‍सादुकामा ईन। येशू ख्रीष्‍ट छ्य्‌वापेकी ङुरूङ लाईदु दोक खिओ सिन थेकी दि सा नाम ज्‍वा भन्‍दा गोमाकाराङ टुङ्गो खाबा ओतान।

याकूब 2:18

थेमे कोईकी चुक सिते सासीन ङा येशू ख्रीष्‍टला विश्‍वास खिओ, ज्‍येनगीचेन थेकी खि साबाच्‍योक खाला काम खिदुक सिन सिओ। दोक सिरकान्‍ते मिला ङा च्‍यि सिते सासीन छ्याःङ काम मिक्‍किता खाला येशू ख्रीष्‍टला विश्‍वास खिओ सिन लो खो ङाला तेन। थेला विश्‍वास खिओ सिन ङानी खोल्‍ला कामराङ खाला तेन्‍ग्‍यो सिन सिओ।

२ पत्रुस 1:1

दि चिट्ठी टिक्‍कान्‍ते ङा शिमोन पत्रुस ईन। ङा येशू ख्रीष्‍ट काम खित्‍कान्‍ते थेकी खटे खाबाते मि ईन। ङा दि चिट्ठी जे खित्‍जीनोङ ठीक खाला खित्‍कान्‍ते ङुरूङला पापदुकी डेल्‍कान्‍ते येशू ख्रीष्‍टकी खित्‍सादु ङेराङ च्‍योकराङ पक्‍का खाला थेला विश्‍वास खिता ङेताते मिओनला टिगीन ओत। येशू ख्रीष्‍टराङ ङुरूङ परमेश्‍वर ईन।