रोमी 4:3 - जिरेल

³ परमेश्‍वरगी थेला चुक खाईन दोषी मेन साबा ओताने सिरच्‍येते बातनी परमेश्‍वर बातला दोक सिनका साबा ओत। च्‍यि सासीन “परमेश्‍वरगी साबा च्‍योकराङ खिओ सिन अब्राहामगी थेला विश्‍वास खासुङ। थोक खाबेकी खित्‍सादु परमेश्‍वरगी थेला दोषी मेन सिदुक,” सिन टिबा ओत।

रोमी 4:3 Iomraidhean Croise

मत्ती 20:9

थेमे थेकीङ मालिकतेकी साबा च्‍योकराङ खाईन पाँच बजे नाङपा काम खित गालातेबाला चाँदी डबल रेरे निमेक बिन्‍दुक्‍लो। थोकराङ खाईन ज्‍येनतेबा गाङेलाङ चाँदी डबल रेरेराङ बिन्‍दुक्‍लो।

मर्कूस 12:10

च्‍यि ख्‍योकोनगी परमेश्‍वर बातला दोक सिन टिबाते बात पढे खासीनोङ खोबा मेत? थेरूचेन चुक सिन टिबा ओते सासीन ‘जुन दोला कर्मीओनगी कामराङ लै मिक्‍किओ सिन क्‍युरा ओतान, थे दोराङ आउदी काम लै खित्‍च्‍या थे मेताला छ्याःङ खिता मुथुप्‍च्‍या ओङसुङ।

रोमी 10:11

थोगीराङ परमेश्‍वर बातला “थेला विश्‍वास खित्‍कान्‍ते मिओनला थेकी नोमुङ ङोचा मोलोङो,” सिन साबा ओत।

रोमी 11:2

परमेश्‍वरगी थे खोरोङ मि ईन सिन छाने खाबाते मिओनला नोमुङ ताङा मेत। परमेश्‍वर बातला साबाते एलिये पालोला ओङाते दि बात सम्‍झे खि। थेजीन इस्राएली गाङेराङ परमेश्‍वर बात मेङेन्‍कान गाल्‍गीन सिन्‍सुङ सिन परमेश्‍वरताङ बात खिन एलियेकी

रोमी 4:11

थे चिनुनी अब्राहामगी तिरीकामा जोबा ओतान। थेकी परमेश्‍वरला विश्‍वास खाबेकी परमेश्‍वरगी थेला दोषी मेन साबाते बात साँचो ईन सिराला थे खतकी चिनुचेन छाप ग्‍यापा च्‍योकराङ ओङसुङ। बात दोक ईन्‍देकी अब्राहामचेन खतकी चिनु माजोबाते तर खोपरोङगी खाबाते पाप परमेश्‍वरगी माफ खिओ सिन थेला विश्‍वास खित्‍कान्‍ते ज्‍येन ज्‍येन जातकी मितेङ ज्‍युज्‍यु ओङसुङ। थोगी थे खोरोङला विश्‍वास खित्‍कान्‍ते ज्‍येन ज्‍येन जातकी मिलाङ परमेश्‍वरगी अब्राहामला च्‍योकराङ खाला दोषी मेन सिओ।

रोमी 4:5

तर परमेश्‍वरगी सुइँदाला दोषी मेन सिरच्‍येते बातचेन थे मिकी काम खाबेकी तलब बिन्‍दाते च्‍योक मेन। थोगी सुइँदेकी परमेश्‍वरगी खि साबाच्‍योक खित्‍च्‍या सिन दुक्‍पा खाईन खाईन लेमु काम खाबेकी खित्‍सादु मेन, परमेश्‍वरगी पापीते मिओनला दोषी मेन सिओ सिन थेला विश्‍वास खित्‍कान्‍ते मिओनलाका परमेश्‍वरगी दोषी मेन सिओ। दोक खाला थे खोरोङला विश्‍वास खित्‍कान्‍ते मिओनला थेकी होथोक्‍ते मि ईन सिओ।

रोमी 4:9

थोक खाईन पाप माफ ओङाते मि भाग्‍यमानी ईन साबाते बात जीउला खतकी चिनु जोकान्‍ते यहूदी लाईदुकामा साबाते मेन। दि बातनी खतकी चिनु माजोबाते ज्‍येन ज्‍येन जातकी मि लाईदुङ ईन। ङुरूङगी आनाङका अब्राहामगी परमेश्‍वरला विश्‍वास खाबेकी थेकी थेला दोषी मेन साबा ओतान सिन बात खाबाप मेन?

रोमी 9:17

थे खोरोङला जस्‍तो खिता सेम लाङगीदुक थोकराङ खिओ सिन परमेश्‍वरगी मिश्रे गेल्‍बो फारोला साबाते बात परमेश्‍वर बातला दोक सिन टिला दुक। चुक सासीन “ङे खुई लुङबादु खाबाते काम थोङला सा लुङबा खाङगी मि गाङेकी ङात्ताङ चुक छ्येज्‍यीक शक्ति ओता ईन्‍दाका थेमे ङा चुक्‍ते परमेश्‍वर ईन्‍दाका सिन छ्या स्‍येस्‍यीत सिनराङ ङे खोल्‍ला दि लुङबे गेल्‍बो जोबाते ईन,” सिन साला दुक।

याकूब 2:23

अब्राहामगी थोक थोक खाईन परमेश्‍वर बातला टिबाते दि बात साबा च्‍योकराङ ओङसुङ। थेरूचेन “परमेश्‍वरगी खिओ साबा च्‍योकराङ खिओ सिन अब्राहामगी थेला विश्‍वास खासुङ। थोक खाबेकी खित्‍सादु परमेश्‍वरगी थेला दोषी मेन सिन सिदुक,” सिन टिबा ओत। थेमे परमेश्‍वरगी थेला थे खोरोङ र्‍वा ईन सिन साबा ओतान।

याकूब 4:5

थेमे परमेश्‍वर बातला परमेश्‍वरगी ङुरूङला बिन्‍दाते आत्‍मेकीचेन ङुरूङगी परमेश्‍वरगी साबातेकामा ङेन्‍स्‍यीत सिन आउदी सेम खिओ सिन साबाते च्‍यि ख्‍योकोनला थाराङ साबाते ईन्‍दासीन सिराच्‍योक लाङगीदुक?