रोमी 4:21 - जिरेल

²¹ परमेश्‍वरगी थे खोरोङताङ जमान खाबा च्‍योकराङ खिता थुप्‍क्‍यो सिन अब्राहाम ढुक्‍क खाईन विश्‍वास खिन देत्‍सुङ।

रोमी 4:21 Iomraidhean Croise

मत्ती 19:26

ठिजीन थेकी थेबा ओत्‍सापाला ताकीन “मि छ्युक्‍पु ओङला कि धर्म खाला स्‍वर्गे राज्‍यने स्‍यूक्‍पा मुथुबो। मिकी खिता मुथुप्‍च्‍येते दि काम परमेश्‍वरगी सजिलो खाला खिओ। थेकी खिता मुथुप्‍च्‍येते छ्याःङ मेत,” सिन सिदुक।

लूका 1:1

परमेश्‍वरगी ङुरूङ नाङ चुक चुक काम खासुङा, च्‍यि च्‍यि ओङसुङा सिरच्‍येते बात मि काल्‍बेईकी टिबा ओत।

लूका 1:37

थोगी परमेश्‍वरगी खिता मुथुप्‍च्‍येते दुरू छ्याःङ मेत,” सिन सिदुक।

लूका 1:45

प्रभु परमेश्‍वरगी थे खोरोङ दूत ताङगीन खोल्‍ला साबाते बात थेकी साँच्‍चीराङ साबा च्‍योकराङ खिओ सिन खुई पत्ते खाबेकी खो आउदी भाग्‍यमानी ईन,” सिन सिदुक।

रोमी 14:4

थोगी ज्‍येनला स्‍या सा मेङगो सिन सिरकान्‍ते खो सु ईन्‍देरो? ना खोका थे मालिक ईन्‍दे? प्रभु येशू ख्रीष्‍टराङ थेबे मालिक ईन्‍देकी थेकीकामा थेबेकी पाप खाबाते ईन्‍दाना मेन्‍दे सिन सिरा ङेत्‍क्‍यो। थेराङ थेबेकी स्‍या सोबाते मेलेबा मेन सिन सिरकान्‍ते ईन्‍देकी स्‍या सोला थेबाला पा फोकराङ मोफोगो।

रोमी 14:5

थेमे याङराङ कोई कोईकी दि छोमु दोक खिता फाप्‍क्‍यो, दोक खिता मेङगो सिन कोई दिनला ज्‍येन भन्‍दा खुदुकराङ दिन ईन सिन माने खिओ। लोक्‍ला कोईकीचेन गाङे दिन थोजोराङ ईन, छ्याःङ फरक मेत सिन सिओ। जो जसकी जुन दिनगी छोमु जे खासीनोङ ङे दोक खाबाते ठीकराङ ईन सिन सेमदु ढुक्‍क ओङला खिता फाप्‍क्‍यो।

रोमी 8:38

थोगी ङे दि बात लेमु खाईन छ्या स्‍येबा ओत। च्‍यि सासीन दुरू सोन्‍ला देत देतसाक जे ओङसीनोङ थेमे स्‍यिनामेकीङ परमेश्‍वरगी ङुरूङला ङिङज्‍ये खिता मोतोङो। परमेश्‍वर दूतओनगी ईन्‍स्‍यीत, ल्‍हा लुओनगी ईन्‍स्‍यीत, थरिङोला ङेत्‍च्‍येते दुक्‍पा किम्‍मु बातकी ईन्‍स्‍यीत, था तिरी आइ परे खित्‍च्‍येते बातकी ईन्‍स्‍यीत, ल्‍हन्‍डीक स्‍यिन्‍डीपकी ईन्‍स्‍यीत थेमे खेनला स्‍वर्गने ओतातेबेकी ईन्‍स्‍यीत, थुल्‍ला नरककुण्‍डमा ओतातेबेकी ईन्‍स्‍यीत परमेश्‍वरगी जोबातेबरी जो ईन्‍सीनोङ जे ईन्‍सीनोङ सुङगीङ थेमे छ्याःङगीङ ङुरूङला ङिङज्‍ये खित्‍कान्‍ते परमेश्‍वर छ्य्‌वापेकी डेला मुथुबो। ङुरूङ प्रभु येशू ख्रीष्‍टकी खित्‍सादु थेकी ङुरूङला ङिङज्‍ये खिता नोमुङ तोङराङ मोतोङो।

२ कोरिन्‍थी 9:8

परमेश्‍वरगी ख्‍योकोनला जहिलेङ जे कुरोङ खेराङला गोबा भन्‍दाङ ल्‍हाक्‍पा तेरा थुप्‍क्‍यो। दोक खाला ख्‍योकोनला मादाङच्‍या मोख्‍योप्‍च्‍या सिराते छ्याःङ मायाङला ख्‍योकोनगी झन झन ज्‍येनला लेमु खाला ता थुप्‍क्‍यो।

२ तिमोथी 1:12

दि काम खाबेकीराङ ङाला जेलदु लुक्‍पेकी दोक खाला दुक्‍पा भोगे खिन ओत। ईन्‍सीनोङ दोक खिता फापाते ङाला छ्याःङ ङोचा मेत। च्‍यिला सासीन ङे सुला विश्‍वास खाबा ओते थेमे थे चुक्‍ते ईन्‍दे सिन ङाला लेमु खाला छ्या ओत। थेमे ङे थे लाःक्‍तु जे सोम्‍पे खाला दुक थे खोरोङ दुरू ग्‍युरला ओङे छोमुसाकराङ थेकी थे लेमु खाला तेइओ सिरच्‍येते बातला ङाला छ्याःङ शंका मेत।

हिब्रू 11:13

परमेश्‍वरगी तेरग्‍यो सिन साबाते लुङबा अब्राहाम, इसहाक थेमे याकूबकी खोपरोङ स्‍या बेलासाकोङ ङेता मेतान। ईन्‍सीनोङ थे खोरोङगी जमान खाबाच्‍योक परमेश्‍वरगी ङीमाई दाक खिओ सिन थेला विश्‍वास खाबेकी थेबेकी थे ङेता छेतराङ ठाने खाईन स्‍यिसुङ। थेबा खोपरोङ दि सा लुङबादु खालि लामला ख्‍याम्‍कान्‍ते मि लुङबे मि च्‍योकराङ ईन सिन थेबाला छ्या ओतान।

हिब्रू 11:19

इसहाक विषयला परमेश्‍वरगी साबाते बात थे खोरोङ सेमगी नाङ ओतेकी इसहाकला भोग बिन्‍सीनोङ परमेश्‍वरगी थेला दाक सोम्‍बो लोक्‍पा थुप्‍क्‍यो सिन अब्राहामगी विचार खाबा ओतान। थोगी भोग तेराला ठीक खाबे छोमु परमेश्‍वरगी थोक खित माच्‍युतेकी इसहाकला परमेश्‍वरगी सोम्‍बो लोक्‍पा च्‍योकराङ ओङसुङ।