रोमी 4:2 - जिरेल

² च्‍यि थेकी परमेश्‍वरगी खि साबाच्‍योक खाईन लेमु काम खाबेकीका परमेश्‍वरगी थेला दोषी मेन साबा ओतान? दोकनी मेन। थोक ईन्‍दा ईन्‍सीन थेकी छ्ये खिता ङेत्‍च्‍या ओतान। मि दोन्‍दु छ्ये खासीनोङ थेकी परमेश्‍वर दोन्‍दु छ्ये खिता थुप्‍च्‍या मेतान।

रोमी 4:2 Iomraidhean Croise

रोमी 15:17

ङे येशू ख्रीष्‍टताङ जीउज्‍यीकराङ ओङगीन परमेश्‍वरगी ङाराङला खि साबाते काम खाबेकी खित्‍सादु ङा गा खिता ङेत्‍क्‍यो।

१ कोरिन्‍थी 1:29

सुङगीङ थे खोरोङ दोन्‍दु छ्ये खिता मेङेत्‍स्‍यीत सिनराङ थेकी दोक खाबाते ईन।

१ कोरिन्‍थी 1:31

परमेश्‍वर बातला “सुइँदा मि छ्ये खिदुक सासीन थेकी प्रभु परमेश्‍वरगी थे खोरोङ लाईदु चुक छ्ये छ्ये काम खासुङा सिरच्‍येते बातलाकामा छ्ये खित्‍स्‍यीत,” सिन साबा ओत।

१ कोरिन्‍थी 4:7

ज्‍येन भन्‍दा ख्‍योकोन छ्ये ईन सिन ख्‍योकोनला सुई सिका? च्‍यि ख्‍योकोनताङ ओताते जेसुकै परमेश्‍वरगी बिन्‍दाते मेनरो? थोक ईन्‍सीनोङ ख्‍योकोन च्‍यिला सुङगीङ बिन्‍दाते मेन्‍देई थाराङ दाक्‍पोनगी ङेताते च्‍योक खाला छ्ये खिते?

१ कोरिन्‍थी 9:16

ईन्‍दाका गा लाङच्‍येते बात ज्‍येनला लोप्‍जीन ङे छ्ये खिता फाप्‍च्‍येते बात छ्याःङ मेत। दि बातनी ङे लोपाराङ फाप्‍क्‍यो। थोक माक्‍यासीन ङाला तिरी आउदी ज्‍यीबा लाङच्‍या मेलेबा ओङगो।

२ कोरिन्‍थी 11:12

ङा थाङ थरिङसाक खाबा च्‍योकराङ खिन देत्‍क्‍यो। ङे ख्‍योकोनताङ पैसा लासुङ सासीन होथे येशू ख्रीष्‍टकी खटे खाबाते मि नाङ खापान खापान छ्ये ईन सिरकान्‍ते मिओनगी ङ्योकोनोङ पावल च्‍योकराङ ईन सिन सिओ। थेबेकी खोपरोङला ङ्योकोन च्‍योकराङ ईन सिन सिरा मेङेत्‍स्‍यीत सिन ङा ख्‍योकोनताङ छ्याःङ मिलिनो।

२ कोरिन्‍थी 11:30

ङा दोक्‍ते मि ईन, ङे दोक खिता थुप्‍क्‍यो सिन ङे छ्ये खित्‍च्‍येते बात छ्याःङ मेत। ङाराङ छ्ये खिता फाप्‍सीन ङानी ङाराङ चुक छ्याःङ खिता मुथुप्‍कान्‍ते ईन्‍दे सिरच्‍येते बातकामा खिओ।

२ कोरिन्‍थी 5:12

ङे दोक साबाते ङेराङ आउदी लेमु मि ईन सिराला मेन्‍देकी ङ्योकोन मेलेबा मि ईन सिरकानला ङ्योकोन थोक्‍ते मि मेन सिन ख्‍योकोनगी छ्याःङ ज्‍यीबा मिक्‍किता खाला सिरा थुप्‍स्‍यीत सिनकामा ईन। ङ्योकोनला थोक सिरकान्‍ते मिओन ज्‍येनगी ताजीन आउदी लेमु मि दुका सिराच्‍योक थोङसीनोङ थेबे सेम लेमु मेत।

गलाती 3:22

बरू बात चुक सासीन सा लुङबा खाङगी मि गाङेराङ परमेश्‍वर नियम माङेन्‍ला पापकामा खित्‍च्‍येते बानी थ्‍वाबाते ईन सिन परमेश्‍वर बातला साबा ओत। थोक ईन्‍देकी थेकी जमान खाईन तेरग्‍यो साबाते आशीचेन परमेश्‍वरगी येशू ख्रीष्‍टला विश्‍वास खित्‍कान्‍ते मिओनलाकामा तेरग्‍यो सिरच्‍येते बात पत्ते खित्‍कान्‍ते मिओनला तेरग्‍यो।

एफिसी 2:9

थेकी ख्‍योकोनला दोक खाबाते ख्‍योकोनगी थेकी खि साबा साबाच्‍योक लेमु काम खाबेकी खित्‍सादुचेन पक्‍काराङ मेन। थोक ईन्‍दा ईन्‍सीन ङ्योकोनगी लेमु काम खाईनका परमेश्‍वरगी ङ्योकोनला पापकी सजायदुकी टालाते ईन सिन ख्‍योकोन छ्ये खिता ङेत्‍च्‍या ओतान। तर परमेश्‍वर दोन्‍दु सु छ्ये खिता थुप्‍कीते?

फिलिप्‍पी 3:9

थेमे परमेश्‍वरगी ङाला ख्रीष्‍टताङ लेमु खाईन डिगीन देताते थोङस्‍यीत सिनराङ ङे होथे गोमे बाततेबा विचारराङ खिता ताङाते ईन। परमेश्‍वर नियम ङेन्‍गीन धर्म कर्म खाबेकी खित्‍सादु मेन, बरू ङा ख्रीष्‍टला विश्‍वास खित्‍कान्‍ते मि ईन सिन थाचेन परमेश्‍वरगी ङाला दोषी मेन सिन सिओ। च्‍यिला सासीन परमेश्‍वरगी मिकी खाबाते काम ताला मेन्‍देकी ख्रीष्‍टकी खाबाते काम ताला थेला विश्‍वास खित्‍कान्‍ते मिओनला दोषी मेन सिन सिओ।