रोमी 4:19 - जिरेल

¹⁹ परमेश्‍वरगी दि बात खित्‍जीन अब्राहाम लो सयज्‍यीक छाङा खाबा ओतान। थे खोरोङ थोक गान्‍दा गाल्‍गीन था थेते सन्‍तान ओङोङ सिरच्‍येते छ्याःङ आश मेतान। थेमे फेम्‍मेते साराङ फिजा मेङच्‍या ओताते बात थेला लेमुराङ खाला छ्या ओतान। ईन्‍सीनोङ थेकी परमेश्‍वरगी साबाते बातला दोगोङ चुक खाला ओङोङारो सिराच्‍योक बान्‍दा माक्‍यासुङ।

रोमी 4:19 Iomraidhean Croise

मत्ती 14:29

थेकी “स्‍योकना ओना,” सासुङ। थेमे पत्रुस डुङ्गादुकी फाप्‍कीन छ्युई लाकताङ लाक ख्‍याम्‍गीन थे ओत्‍सापाला ड्वाप्‍ला स्‍यूसुङ।

मत्ती 14:31

थोक सिराईताङ टेप जुम्‍गीन थेकी “खुई ङे बात पत्ते खाबाते खोइ ओना? ङे स्‍योक सानामेकीङ छ्युई लाक ख्‍याम्‍बा मुथुप्‍ता सिन खुई च्‍यिला शंका खाबे?” सिन थेला नुपचेन माच्‍युत्‍सुङ।

मत्ती 6:30

थरिङ दोक लेमु खाईन फोङा ओत्‍सीनोङ ङारो दि मेन्‍दोक सोताङराङ ङाला काम्‍ला दाक स्‍येइओ। थोक खित्‍च्‍ये जालानी परमेश्‍वरगी होदोक लेमु थोङच्‍या जोला दुक सासीन च्‍यि ख्‍योकोनला खोन्‍च्‍येते मेतेरोतरो? दाक्‍पोनला गोच्‍येते गाङे परमेश्‍वरगीराङ तेरग्‍यो सिन ख्‍योकोनगी पत्ते खाबाते खोइ?

मत्ती 8:26

थोक खित्‍जीन थेकी “ख्‍योकोनबरी च्‍यिला दोक खाला ज्‍यीबा खिते? ङे ख्‍योकोनला जोए खिता थुप्‍क्‍यो सिन ख्‍योकोनगी ङाला विश्‍वास खाबाते खोइ?” सिन सिदुक। थोक साकीन च्‍याकीन खोक लाकीन थेकी ल्‍हाबाताङ समुन्‍द्रे छालला “गोगे देत,” सिन सासुङ। थेकी थोक सानामेई ल्‍हाबा चले खिता ताङसुङ, समुन्‍द्रे छालोङ तोरसुङ।

रोमी 14:21

ख्‍योकोनगी स्‍या साजीन कि छ्याङ थुङजीन कि होदोक्‍ते ज्‍येनतोक खइँदा काम खित्‍जीन खेराङ आज्‍यो न्‍वाकी खोपरोङगी मिक्‍किओ साबाते कामराङ खाला पाप खिदुक सासीन ख्‍योकोनगी बरू स्‍या मासोसीन, छ्याङ रक्‍सी माथुसीन थेमे होदोक्‍ते काम छ्याःङ माक्‍यासीन लेमु ईन।