रोमी 4:18 - जिरेल

¹⁸ थे खोरोङ सन्‍तान छ्येत थोङा ङेत्‍क्‍यो सिरच्‍येते अब्राहामला छ्याःङ आश मेता ईन्‍सीनोङ परमेश्‍वरगी थेते थोक काल्‍बेई सन्‍तान ओङगो सिन साबाते बात पत्ते खाईन साबा च्‍योकराङ ओङगो सिन थे गुकीन देत्‍सुङ। थोगी परमेश्‍वरगी साबा च्‍योकराङ खाईन थे जात जातकी मि ज्‍युज्‍यु ओङसुङ। दोकराङ ओङगो सिन परमेश्‍वरगी अब्राहामला “खुई सखा सन्‍तान नामगी कार्मा छेतराङ ङोला ङ्वा मुथुप्‍च्‍या ओङगो,” सिन साबा ओतान।

रोमी 4:18 Iomraidhean Croise

लूका 1:18

थे दूतकी थोक सिरजीन जकरियेकी “ङ्योकोन दोक गान्‍दा गाम्‍मा गाले मितेङ चुक खाला फिजा केइते? दोक बादोङ ङे चुक खाला पत्ते खित्‍च्‍ये?” सिन सिरजीन

शक्ति काम 27:25

थोगी ख्‍योकोन सेम मासेत, ज्‍यीबा खिता थोङ। परमेश्‍वरगी थे खोरोङगी साबा च्‍योकराङ खिओ।

रोमी 4:17

दि बात परमेश्‍वर बातला दोक सिन टिबा ओत। च्‍यि सासीन अब्राहाम थे खोरोङ दोन्‍दु ओत्‍जीन परमेश्‍वरगी थेला “खोचेन जात जातकी मि ज्‍युज्‍यु ओङगो,” सिन साबा ओतान। परमेश्‍वरगी स्‍याप्‍ते मिओनला सोम्‍बो लोइओ थेमे थोङला ओतराङ मेतातेङ थेकी ओङस्‍यीत सानामेई दाक ओङगो। होदोक खिता थुप्‍कान्‍ते परमेश्‍वरला अब्राहामगी विश्‍वास खाबाते ईन।

रोमी 4:19

परमेश्‍वरगी दि बात खित्‍जीन अब्राहाम लो सयज्‍यीक छाङा खाबा ओतान। थे खोरोङ थोक गान्‍दा गाल्‍गीन था थेते सन्‍तान ओङोङ सिरच्‍येते छ्याःङ आश मेतान। थेमे फेम्‍मेते साराङ फिजा मेङच्‍या ओताते बात थेला लेमुराङ खाला छ्या ओतान। ईन्‍सीनोङ थेकी परमेश्‍वरगी साबाते बातला दोगोङ चुक खाला ओङोङारो सिराच्‍योक बान्‍दा माक्‍यासुङ।

रोमी 5:5

था परमेश्‍वरगी ङुरूङगी आश खाबाच्‍योक मिक्‍किच्‍या ईन्‍दा च्‍यिन्‍दा सिन नोमुङ सेम सेता माफाबो। च्‍यिला सासीन थेकी ङुरूङला परमेश्‍वर आत्‍मा बिन्‍देकी थेकी दाक्‍पोनला थोई ङिङज्‍ये खित्‍च्‍या ईन्‍दाका सिन ङुरूङगी लेमु खाईन छ्या स्‍येबा ओत।

रोमी 8:24

ङीमाई थोक ओङगो सिन ङुरूङगी आश खाईन देताच्‍योक परमेश्‍वरगी थोरूमसाक खाबा मेत्‍सीनोङ थेकी ङुरूङला पापकी सजायदुकी टाल्‍गीन सिन्‍दा ओत। थेकी खिओ साबाच्‍योक खाईन सिन्‍दा ईन्‍सीन ङुरूङ आश खिन गुला देताराङ फाप्‍च्‍या मेतान। दाक्‍पोनगी ङेत्‍क्‍यो सिन आश खाबाते जेसुकै ङेत्‍कीन सिन्‍नामेईका याङराङ सु गुला देत्‍कीतेरो?

हिब्रू 6:19

दाक्‍पोनगी आश खाईन देताच्‍योक पक्‍काराङ ओङगो सिन छ्या ओतेकी दोक ओङगीता मेङता सिन ङुरूङ नोमुङ छ्याःङ ज्‍यीबा मिक्‍किता खाला देता थुप्‍क्‍यो। ङुरूङगी आश खाईन देता च्‍योकराङ खाला ङुरूङला परमेश्‍वर दोन्‍दु खेराला येशू गाङे भन्‍दा छ्येते पूजारी ओङगीन ङुरूङ भन्‍दा गोमाका पर्दे ल्‍हाकनापा परमेश्‍वर दोन्‍दु गाङे भन्‍दा छ्येते पूजारीकामा ड्वा ङेत्‍च्‍येते ठाउँदु गाल्‍गीन देता ओत। येशू मल्‍कीसेदेक च्‍योकराङ गाङे भन्‍दा छ्येते पूजारी ओङा ओत। थे सधैँभरि गाङे भन्‍दा छ्येते पूजारी ओङला देत्‍क्‍यो।