रोमी 4:16 - जिरेल

¹⁶ थोगी बात चुक ईन्‍दे सासीन अब्राहामगी परमेश्‍वरला विश्‍वास खाबेकीकामा थेकी थेत्ताङ जमान खाबाते ईन। परमेश्‍वरगीनी थे खोरोङ दयेकीकामा दोक खाला जमान खित्‍च्‍येते ईन। थोगी थेकी थोक खाईन अब्राहामताङ खाबाते जमान थे लाईदुकामा मेन्‍देकी थे सन्‍तानओन लाईदुङ ईन। अब्राहाम सन्‍तान साबातेचेन परमेश्‍वर नियम ङेताते यहूदीओनकामा मेन, अब्राहामगी च्‍योकराङ खाला परमेश्‍वरला विश्‍वास खित्‍कान्‍ते मि गाङेराङ ईन। परमेश्‍वरला विश्‍वास खित्‍कान्‍ते ङुरूङ गाङेते ज्‍युज्‍युचेन अब्राहामराङ ईन।

रोमी 4:16 Iomraidhean Croise

लूका 19:9

थेमे येशूकी थेला “थरिङ परमेश्‍वरगी खोत्ताङ खुई खाम्‍बे मि गाङेला पापदुकी टाला ओत। मिओनगी जे सासीनोङ खोङ अब्राहाम सन्‍तानराङ ईन।

रोमी 15:8

ख्रीष्‍टकी चुक खासुङा सिन विचार खि। थेचेन परमेश्‍वरगी यहूदीओन ज्‍युज्‍यु पुर्खाताङ गोमा खाबाते जमान पूरो खाला थेबाला लेमु खिताला थेबे नाङ केबा ओतान। दोक खाईन थेकी परमेश्‍वर थे खोरोङगी खिओ साबा च्‍योकराङ खित्‍कान्‍ते ईन सिन छ्या स्‍ये च्‍युत्‍कीन बिन्‍सुङ।

रोमी 3:22

थाचेन जोराङ ईन्‍सीनोङ येशू ख्रीष्‍टला विश्‍वास खित्‍कान्‍ते मि गाङेला परमेश्‍वरगी दोषी मेन सिओ। यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत परमेश्‍वर दोन्‍दु गाङे थोजोराङ ईन।

रोमी 3:30

मि गाङेते परमेश्‍वर दोक्‍पोईकामा ओत। यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत येशू ख्रीष्‍टला विश्‍वास खित्‍कान गाङेला परमेश्‍वरगी दोषी मेन सिओ।

रोमी 4:11

थे चिनुनी अब्राहामगी तिरीकामा जोबा ओतान। थेकी परमेश्‍वरला विश्‍वास खाबेकी परमेश्‍वरगी थेला दोषी मेन साबाते बात साँचो ईन सिराला थे खतकी चिनुचेन छाप ग्‍यापा च्‍योकराङ ओङसुङ। बात दोक ईन्‍देकी अब्राहामचेन खतकी चिनु माजोबाते तर खोपरोङगी खाबाते पाप परमेश्‍वरगी माफ खिओ सिन थेला विश्‍वास खित्‍कान्‍ते ज्‍येन ज्‍येन जातकी मितेङ ज्‍युज्‍यु ओङसुङ। थोगी थे खोरोङला विश्‍वास खित्‍कान्‍ते ज्‍येन ज्‍येन जातकी मिलाङ परमेश्‍वरगी अब्राहामला च्‍योकराङ खाला दोषी मेन सिओ।

रोमी 5:1

थोक खाईन थे खोरोङला विश्‍वास खित्‍कान ङुरूङला परमेश्‍वरगी दोषी मेन साबा ओतेकी ङुरूङ थेत्ताङ डिक्‍पा ओत। ङुरूङ प्रभु येशू ख्रीष्‍टकी ङुरूङला थेत्ताङ डिक्‍पा खाईन बिन्‍दाते ईन।

रोमी 9:8

थोगी बात च्‍यिन्‍दे सासीन अब्राहाम फुज्‍युङ फुमु ओङला केजीनमेईराङ गाङेला परमेश्‍वर फुज्‍युङ फुमु ईन सिन सिरा मुथुबो। इसहाक केइओ सिन साबाच्‍योक खाईन परमेश्‍वर थे खोरोङगीराङ अब्राहाम सन्‍तान ओङ च्‍युताते मिओनकामा परमेश्‍वर सन्‍तान ईन।

गलाती 3:14

ज्‍येन ज्‍येन जातकी मिकीङ परमेश्‍वरगी अब्राहामला तेरग्‍यो साबाते आशी ङेत्‍स्‍यीत थेमे थेला विश्‍वास खित्‍कान्‍ते मि ङुरूङ गाङेकी परमेश्‍वरगी तेरग्‍यो साबाते थे खोरोङ आत्‍मा ङेत्‍स्‍यीत सिन येशू ख्रीष्‍ट थोक खाईन परमेश्‍वरगी ङुरूङला सराप बिन्‍ला तेरच्‍येते सजाय छ्य्‌वापेई डेलाला स्‍याप्‍ते ईन।

गलाती 3:16

परमेश्‍वरगी जमान खाबाते बादोङ होदोजोराङ ईन। परमेश्‍वरगी थेत्ताङ थे सन्‍तानला आशी तेरग्‍यो सिन अब्राहामताङ जमान खाबाते बात परमेश्‍वर बातला तासुङ सासीन थेरू थेकी अब्राहाम सन्‍तान काल्‍बेईकी बात खाबाच्‍योक खाईन खोत्ताङ खुई सन्‍तानओनला सिन साबा मिन्‍दुक। बरू मिज्‍यीगी बात खिन खुई सन्‍तानला सिन टिला दुक। अब्राहाम सन्‍तान सिन मेराज्‍यीगी बातकामा खाबाते थे सन्‍तानचेन ख्रीष्‍टराङ ईन।

गलाती 3:22

बरू बात चुक सासीन सा लुङबा खाङगी मि गाङेराङ परमेश्‍वर नियम माङेन्‍ला पापकामा खित्‍च्‍येते बानी थ्‍वाबाते ईन सिन परमेश्‍वर बातला साबा ओत। थोक ईन्‍देकी थेकी जमान खाईन तेरग्‍यो साबाते आशीचेन परमेश्‍वरगी येशू ख्रीष्‍टला विश्‍वास खित्‍कान्‍ते मिओनलाकामा तेरग्‍यो सिरच्‍येते बात पत्ते खित्‍कान्‍ते मिओनला तेरग्‍यो।

एफिसी 2:5

खिता मेङच्‍येते कामकामा खिन पाप खिन थे लाईदु स्‍याप छेतराङ गालाते ङुरूङला ख्रीष्‍टताङराङ सोम्‍बो लोगीन थेला बिन्‍दा च्‍योक्‍ते जुनी बिन्‍सुङ। थे खोरोङ दयेकी खित्‍सादुकामा परमेश्‍वरगी ख्‍योकोनला दोक खाईन पापकी सजायदुकी टाल्‍गीन बिन्‍दाते ईन सिन टोक माज्‍येत।

एफिसी 2:8

ख्‍योकोनगी थेला विश्‍वास खानामेई थे खोरोङ दयेकीकामा परमेश्‍वरगी ख्‍योकोनला पापकी सजायदुकी टालाते ईन। ख्‍योकोनगी खइँदा लेमु काम खाबेकी खित्‍सादु मेन्‍गीन थे खोरोङगी दोक खिता चालेकीकामा थेकी ख्‍योकोनला पापकी सजायदुकी टालाते ईन।

तीतस 3:7

दोक खाईन थेकी ङुरूङला दया खाईन दोषी मेन सिन साबा ओतेकी ङुरूङगी आश खाईन गुकीन देताते थेकी तेरग्‍यो साबाते नोमुङ मिसिन्‍च्‍येते जुनी ङेत्‍च्‍या ओङा ओत।

२ पत्रुस 1:10

थोगी आज्‍यो न्‍वावे, परमेश्‍वरगी खेराङला छाने खाईन थे खोरोङ दोन्‍दु स्‍योक सिन काताङाते पक्‍काराङ ईन सिन छ्या स्‍येबाला ख्‍योकोनगी ङे थाल्‍लासाक साबाच्‍योक खिनराङ देत। दोक खिन देत्‍सीन ख्‍योकोनगी मेलेबा काम मिक्‍किओ।