रोमी 4:15 - जिरेल

¹⁵ च्‍यिला सासीन मिओन परमेश्‍वर नियम मेङेन्‍कान्‍ते ईन्‍देकी परमेश्‍वरगीनी थेबाला थे नियमला साबा च्‍योकराङ खाला स्‍येदाङगी चूर गाल्‍ला सजायका तेरग्‍यो। दोक खि, थोक माकेत सिरच्‍येते परमेश्‍वर नियम मेता ईन्‍सीनचेन गल्‍ती खासुङ सिन सुङलाङ सिरा ङेत्‍च्‍या मेतान।

रोमी 4:15 Iomraidhean Croise

यूहन्‍ना 15:22

ङा दुरू माबा ईन्‍सीनताङ थेबाला छ्याःङ मालापा ईन्‍सीन थेबेकी पाप खाबाते ईन सिन सिरा ओङच्‍या मेतान। थानी थेबेकी ङ्योकोनगी छ्याःङ पाप खाबा मेत सिन सिराराङ मेङेदो।

यूहन्‍ना 3:36

परमेश्‍वर फुज्‍युङला विश्‍वास खित्‍कान्‍ते मि गाङेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थेला विश्‍वास मिक्‍किकान्‍ते मिकीचेन दोक्‍ते जुनी मेङेदो। थोक्‍ते मिकीचेन परमेश्‍वरगी स्‍येदाङगी चूर गाल्‍ला तेरच्‍येते सजाय ङेत्‍क्‍यो,” सिन सिदुक।

रोमी 1:17

च्‍यिला सासीन परमेश्‍वरगी चुक खाला मिओनला दोषी मेन सिते थेमे येशूला विश्‍वास खित्‍कान्‍ते मिलाचेन विश्‍वास खाबेकी खित्‍सादु परमेश्‍वरगी दोषी मेन सिओ सिन गा लाङच्‍येते बातलाराङ साबा ओत। बात दोकराङ ईन सिन परमेश्‍वर बातला “थे खोरोङला विश्‍वास खित्‍कान्‍ते मिला परमेश्‍वरगी दोषी मेन सिओ। थेमे थोक्‍ते मिकी नोमुङ मिसिन्‍च्‍येते जुनी ङेत्‍क्‍यो,” सिन साबा ओत।

रोमी 5:13

परमेश्‍वरगी मोशे पालोलाकामा थे खोरोङ नियम बिन्‍दाते ईन्‍सीनोङ थे भन्‍दा गोमाङ मिओनगी पाप खिनराङ ओतान। नियम तेर तेरसाक मिओनगी खाबाते पापकी हर हिसाबचेन परमेश्‍वरगी ज्‍याक्‍पा मेतान।

१ कोरिन्‍थी 15:56

पाप खाबेकीराङ मि कालगी खाला फाप्‍च्‍येते ईन। थेमे परमेश्‍वर नियमला जे जे माकेत साला दुक झन थे थे खालाराङ पाप खित्‍च्‍येते ईन।

गलाती 3:10

परमेश्‍वर नियम ङेन्‍सीन परमेश्‍वरगी खोपरोङला दोषी मेन सिओ सिन विचार खित्‍कान्‍ते मिलाचेन गाङेला थेकी सराप बिन्‍ला सजाय तेरग्‍यो। च्‍यिला सासीन परमेश्‍वर नियमला चुक साबा ओते सासीन “नियमला खि साबाते दोक्‍पोईओङ मोतोङा खाला गाङे साबा साबा च्‍योकराङ खिन मादेत्‍सीन थोक्‍ते मिला परमेश्‍वरगी सराप बिन्‍ला सजाय तेरग्‍यो,” सिन टिबा ओत।

गलाती 3:19

थोक ईन्‍सीन परमेश्‍वरगी थे खोरोङ नियम च्‍यिला बिन्‍ताका ओना सिरच्‍येते बादोङ थेन्‍ग्‍यो। थे नियमचेन पाप खित्‍च्‍या सिराते च्‍यि ईन्‍दे थेमे चुक खिता मेङते सिन छ्या स्‍येस्‍यीत सिन टिक्‍पी दिनगी लाईदुकामा बिन्‍दा ओतान। थे खोरोङगी आशी तेरग्‍यो सिन अब्राहामताङ जमान खाबाते अब्राहाम सन्‍तान ओङ ओङसाकलाकामा सिन थे नियम बिन्‍दा ओतान। यहूदीओनला ङेन सि सिन थे नियमचेन परमेश्‍वरगी थे खोरोङ दूतओन लाःकनापेकी मिज्‍यीकला बिन्‍दा ओतान।

एफिसी 5:6

सुइँदेकी होदोक्‍ते कामताङ बात खिता छ्याःङ मेलेबा मेन सासीनोङ ख्‍योकोनगी थेबे बात ङेनराङ माङेन। परमेश्‍वरगी खि साबाते माङेन्‍ला होदोक दोक्‍ते काम खित्‍कान्‍ते मिओनला था थेकी स्‍येदाङगी चूर गाल्‍ला सजाय तेरग्‍यो।

कलस्‍सी 3:6

परमेश्‍वरगी खि साबाते माङेन्‍ला होदोक दोक्‍ते काम खित्‍कान्‍ते मिओनला था थेकी स्‍येदाङगी चूर गाल्‍ला सजाय तेरग्‍यो।

१ यूहन्‍ना 3:4

पाप खित्‍कान्‍ते मिकी परमेश्‍वरगी खि साबाते माङेन्‍दाते ईन। सिइ सासीन परमेश्‍वरगी खि साबाते मेङेन्‍च्‍येतेराङ पाप खित्‍च्‍येते ईन।

छ्या स्‍ये च्‍युताते बात 19:15

थे गोमे घोडा कार्मुते लाक जेबा ओताते खानामेकीचेन लुङबा लुङबे मिला थुपाला आउदी नोम्‍बोई तरवार थेन्‍दा ओतान। लुङबा लुङबे मिला आउदी कडा खाला राज्‍य खित्‍कान्‍ते थेराङ ईन। रस छिराला कोलदु लुक्‍पाते अंगूरला काम्‍बेकी फाच्‍यार फुच्‍युर ङेन्‍दा च्‍योकराङ खाला गाङे भन्‍दा छ्येज्‍यीक शक्ति ओताते परमेश्‍वरगी स्‍येदाङगी चूर गाल्‍ला तेरच्‍येते सजाय तेरकान्‍ते थेराङ ईन।