रोमी 4:14 - जिरेल

¹⁴ परमेश्‍वरगी खि साबाच्‍योक खिता थुप्‍क्‍यो सिन परमेश्‍वर नियम ङेन्‍दा छोल्‍कान्‍ते मिओनलाराङ परमेश्‍वरगी दि सा लुङबे अधिकार तेरच्‍येते ईन्‍सीन बात चुक ओङच्‍या ओताने ओना? परमेश्‍वर नियम ङेन्‍देकी खित्‍सादुका परमेश्‍वरगी जमान खाबा च्‍योकराङ खित्‍च्‍येते ईन्‍सीनका थेला विश्‍वास खाबाते छ्याःङ काम लै खित्‍च्‍या मेतान, जमान खाबाते छ्याःङ ङेत्‍च्‍याराङ मेतान।

रोमी 4:14 Iomraidhean Croise

रोमी 3:31

येशू ख्रीष्‍टला विश्‍वास खित्‍कान्‍तेलाकामा परमेश्‍वरगी दोषी मेन सिओ सिरजीन ङुरूङगी परमेश्‍वर नियम था छ्याःङ काम लै मिक्‍किओ सिन साबाते मेन। ङुरूङनी परमेश्‍वर नियमला साबाते बात साबा च्‍योकराङ ओङा ओत सिनका सिओ।

रोमी 4:16

थोगी बात चुक ईन्‍दे सासीन अब्राहामगी परमेश्‍वरला विश्‍वास खाबेकीकामा थेकी थेत्ताङ जमान खाबाते ईन। परमेश्‍वरगीनी थे खोरोङ दयेकीकामा दोक खाला जमान खित्‍च्‍येते ईन। थोगी थेकी थोक खाईन अब्राहामताङ खाबाते जमान थे लाईदुकामा मेन्‍देकी थे सन्‍तानओन लाईदुङ ईन। अब्राहाम सन्‍तान साबातेचेन परमेश्‍वर नियम ङेताते यहूदीओनकामा मेन, अब्राहामगी च्‍योकराङ खाला परमेश्‍वरला विश्‍वास खित्‍कान्‍ते मि गाङेराङ ईन। परमेश्‍वरला विश्‍वास खित्‍कान्‍ते ङुरूङ गाङेते ज्‍युज्‍युचेन अब्राहामराङ ईन।

१ कोरिन्‍थी 1:13

ख्‍योकोनगी थोक थोक खित्‍च्‍या च्‍यि ख्रीष्‍ट मेराज्‍यीकराङ मेन्‍देकी खुदुक खुदुक मि लाईदु खुदुक खुदुक ईनरो? ना ख्‍योकोन लाईदु स्‍यिङगी थामला टाँए खाला स्‍यिकान्‍ते ङा पावल ईन्‍दे? थेमे च्‍यि ख्‍योकोनला पावल मिनगी छ्य्‌वापेई छ्युला लुगीन बप्‍तिस्‍मा बिन्‍दाते ईनरो?

गलाती 2:21

परमेश्‍वरगी ख्रीष्‍टकी छ्य्‌वापेकी मिओनला दया खाबाते काम ङा छ्याःङ काम लै मिक्‍किओ सिराच्‍योक मिक्‍किओ। परमेश्‍वर नियमला खि साबाते ङेन्‍देकी परमेश्‍वरगी ङाला दोषी मेन सिरच्‍येते ईन्‍दा ईन्‍सीन ख्रीष्‍ट बिनसित्तिला स्‍यापच्‍योक ओङच्‍या ओतान,” सिन साबाप।

गलाती 5:4

परमेश्‍वर नियम ङेन्‍सीन परमेश्‍वरगी खेराङला दोषी मेन सिओ सिन विचार खित्‍कान ख्‍योकोननी ख्रीष्‍टताङ ठाल्‍गीन सिन्‍दाते मि ईन। थोगी परमेश्‍वरगी ख्‍योकोनला दया खाला लेमु खिता मुथुबो।

फिलिप्‍पी 3:9

थेमे परमेश्‍वरगी ङाला ख्रीष्‍टताङ लेमु खाईन डिगीन देताते थोङस्‍यीत सिनराङ ङे होथे गोमे बाततेबा विचारराङ खिता ताङाते ईन। परमेश्‍वर नियम ङेन्‍गीन धर्म कर्म खाबेकी खित्‍सादु मेन, बरू ङा ख्रीष्‍टला विश्‍वास खित्‍कान्‍ते मि ईन सिन थाचेन परमेश्‍वरगी ङाला दोषी मेन सिन सिओ। च्‍यिला सासीन परमेश्‍वरगी मिकी खाबाते काम ताला मेन्‍देकी ख्रीष्‍टकी खाबाते काम ताला थेला विश्‍वास खित्‍कान्‍ते मिओनला दोषी मेन सिन सिओ।

हिब्रू 7:19

च्‍यिला सासीन थे नियमला खि साबाच्‍योक खासीनोङ मि सुङ पूरो खाईन पापकी छ्य्‌वापेई ठाला माथुप्‍सुङ। तर नियम साटोला थानी परमेश्‍वरगी पूरो खाला पापदुकी ठाल्‍च्‍येते ज्‍येन लाम जोबा ओतेकी ङुरूङते आश ओत। थेकी दोक खाबा ओतेकी थाचेन ङुरूङ थे दोन्‍दु ड्वा थुप्‍क्‍यो।

हिब्रू 7:28

परमेश्‍वरगी बिन्‍दाते नियम अनुसार छाने खित्‍च्‍येते गाङे भन्‍दा छ्येते पूजारीचेन परमेश्‍वरगी खि साबा च्‍योकराङ खिता मुथुप्‍कान दाक पाप खिता थुप्‍कान्‍ते मि ओङगो। तर थे नियम बिन्‍नामेई तिरीचेन परमेश्‍वरगी ना क्‍याल्‍गीन थे खोरोङ फुज्‍युङला गाङे भन्‍दा छ्येते पूजारी छाने खाबा ओत। थेकीचेन परमेश्‍वरगी खि साबाते जति गाङे सधैँभरि लाईदु पूरो खाबा ओत।