रोमी 4:13 - जिरेल

¹³ थेमे याङराङ परमेश्‍वरगी दि सा लुङबा अब्राहामताङ थे सन्‍तानओनते ओङगो सिन थेत्ताङ जमान खाबा ओतान। अब्राहामगी थे खोरोङ नियम ङेन्‍सुङ सिन परमेश्‍वरगी थेत्ताङ जमान खाबा मेतान। थेकी थे खोरोङताङ जमान खाबा च्‍योकराङ खिओ सिन अब्राहामगी थेला विश्‍वास खाबेकी परमेश्‍वरगी थेला दोषी मेन सानामेकी दि जमान खाबा ओतान।

रोमी 4:13 Iomraidhean Croise

शक्ति काम 13:32

थोगी था ङ्योकोन ख्‍योकोनला दि गा लाङच्‍येते बात सिओ। च्‍यि सासीन परमेश्‍वरगी येशूला स्‍यिसादुकी सोम्‍बो लोगीन ङुरूङ ज्‍युज्‍यु पुर्खाताङ खाबाते जमान ङुरूङ लाईदु पूरो खाबाते ईन। परमेश्‍वरगी येशूला स्‍यिसादुकी सोम्‍बो लोइओ सिरच्‍येते बात थेकी गोमाका ‘खो ङे फुज्‍युङ ईन। थरिङमेई ङा खुई आबा ईन,’ सिन दोस्रो भजनला टिक च्‍युता ओतान।

रोमी 4:12

अब्राहामचेन खतकी चिनु जोकान्‍ते यहूदीओनतेङ ज्‍युज्‍युराङ ईन। ईन्‍सीनोङ खतकी चिनु जोकान्‍तेबा गाङेराङ अब्राहाम सन्‍तानचेन मेन। ङुरूङ यहूदीओन ज्‍युज्‍यु अब्राहामगी खतकी चिनु माजोबालाराङ विश्‍वास खाबाच्‍योक खाला परमेश्‍वरला विश्‍वास खित्‍कान्‍ते मिओनकामा अब्राहाम सन्‍तान ईन।

रोमी 9:8

थोगी बात च्‍यिन्‍दे सासीन अब्राहाम फुज्‍युङ फुमु ओङला केजीनमेईराङ गाङेला परमेश्‍वर फुज्‍युङ फुमु ईन सिन सिरा मुथुबो। इसहाक केइओ सिन साबाच्‍योक खाईन परमेश्‍वर थे खोरोङगीराङ अब्राहाम सन्‍तान ओङ च्‍युताते मिओनकामा परमेश्‍वर सन्‍तान ईन।

गलाती 3:29

दोस्‍यिककामा मेन, ख्‍योकोन ख्रीष्‍टताङ जीउज्‍यीकराङ ओङा ओतेकी ख्‍योकोनोङ अब्राहाम सन्‍तानराङ ओङगीन परमेश्‍वरगी थेत्ताङ थे सन्‍तानला तेरग्‍यो साबाते आशी ख्‍योकोनगीङ ङेत्‍क्‍यो।

हिब्रू 11:7

नूहे बात विचार खि। छ्यार्बा ग्‍याप्‍ला भल ग्‍याक्‍यो सिरच्‍येते बात थे बेलासाक थेला छ्याःङ छ्या मेत्‍सीनोङ परमेश्‍वरगी साबाच्‍योक पक्‍काराङ खिओ सिन थेला विश्‍वास खाईन थेकी परमेश्‍वरगी कोताते ङेन्‍सुङ। थे खोरोङ थेमे थे खाम्‍बे मि सुङ भलगी नुप्‍ला स्‍या माफाप्‍स्‍यीत सिन थेकी पानीजहाजज्‍यीक जोसुङ। दोक खाईन परमेश्‍वरगी साबाते ङेन्‍गीन थेकी दि सा लुङबे मि ज्‍येनचेन दोषी ईन सिन तेन्‍गीन बिन्‍सुङ। थेमे थे खोरोङला विश्‍वास खाबेकी खित्‍सादु परमेश्‍वरगी थेला दोषी मेन सिन सासुङ।

हिब्रू 7:6

मल्‍कीसेदेकनी लेवी थरगी नाङ केबाते मिङ मेन। ईन्‍सीनोङ थेकीचेन अब्राहाम छ्य्‌वापेई बो च्‍युताम्‍बे नाङ बोज्‍यीक ङेता ओतान। थेमे थेकी परमेश्‍वरगी जमान खाईन तेरग्‍यो साबाते जति गाङे ङेत्‍कान्‍ते अब्राहामलाङ आशी बिन्‍दा ओतान।