रोमी 4:12 - जिरेल

¹² अब्राहामचेन खतकी चिनु जोकान्‍ते यहूदीओनतेङ ज्‍युज्‍युराङ ईन। ईन्‍सीनोङ खतकी चिनु जोकान्‍तेबा गाङेराङ अब्राहाम सन्‍तानचेन मेन। ङुरूङ यहूदीओन ज्‍युज्‍यु अब्राहामगी खतकी चिनु माजोबालाराङ विश्‍वास खाबाच्‍योक खाला परमेश्‍वरला विश्‍वास खित्‍कान्‍ते मिओनकामा अब्राहाम सन्‍तान ईन।

रोमी 4:12 Iomraidhean Croise

मत्ती 3:9

ख्‍योकोनचेन ङ्योकोननी अब्राहाम सन्‍तान ईन्‍देकी सजाय भोगेराङ खिता माफाबो सिराच्‍योक खाला छ्ये खिदुक। दि बात ङेन। परमेश्‍वरगी खिता चाल्‍सीन ख्‍योकोन साटोलानी उदेङला ओताते दोईतेराङ अब्राहाम सन्‍तान ज्‍वा थुप्‍क्‍यो।

रोमी 4:11

थे चिनुनी अब्राहामगी तिरीकामा जोबा ओतान। थेकी परमेश्‍वरला विश्‍वास खाबेकी परमेश्‍वरगी थेला दोषी मेन साबाते बात साँचो ईन सिराला थे खतकी चिनुचेन छाप ग्‍यापा च्‍योकराङ ओङसुङ। बात दोक ईन्‍देकी अब्राहामचेन खतकी चिनु माजोबाते तर खोपरोङगी खाबाते पाप परमेश्‍वरगी माफ खिओ सिन थेला विश्‍वास खित्‍कान्‍ते ज्‍येन ज्‍येन जातकी मितेङ ज्‍युज्‍यु ओङसुङ। थोगी थे खोरोङला विश्‍वास खित्‍कान्‍ते ज्‍येन ज्‍येन जातकी मिलाङ परमेश्‍वरगी अब्राहामला च्‍योकराङ खाला दोषी मेन सिओ।

रोमी 4:13

थेमे याङराङ परमेश्‍वरगी दि सा लुङबा अब्राहामताङ थे सन्‍तानओनते ओङगो सिन थेत्ताङ जमान खाबा ओतान। अब्राहामगी थे खोरोङ नियम ङेन्‍सुङ सिन परमेश्‍वरगी थेत्ताङ जमान खाबा मेतान। थेकी थे खोरोङताङ जमान खाबा च्‍योकराङ खिओ सिन अब्राहामगी थेला विश्‍वास खाबेकी परमेश्‍वरगी थेला दोषी मेन सानामेकी दि जमान खाबा ओतान।

२ कोरिन्‍थी 12:18

ङे तीतसला ख्‍योकोन ओत्‍सापा मागालाला मेङगो सिन थेपा ताङाप। होथे ज्‍येनते न्‍वाज्‍यीकलाङ ङे थेत्ताङ ङ्योम्‍बुराङ ताङा ओतान। च्‍यि तीतसकी ख्‍योकोनताङ खइँदा नाङ खाबा ओतान ओना? तीतस ङाराङ च्‍योक्‍तेराङ ईन सिन ङाला लेमु खाला छ्या ओत। ङ्योकोन खुदुक खुदुकते काम मिक्‍किओ।

१ पत्रुस 2:21

होदोक खाला दुक्‍पा भोगे खितालाराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। ख्रीष्‍टकी ख्‍योकोन लाईदु थोई दुक्‍पा भोगे खासुङा सिन ख्‍योकोनला छ्याराङ ओत। थोक खाईन थेकी दुक्‍पा ओङजीन चुक खिता फाप्‍कीते सिन तेन्‍गीन बिन्‍दा ओतेकी ख्‍योकोनगीङ थेकी च्‍योकराङ खि।