रोमी 4:11 - जिरेल

¹¹ थे चिनुनी अब्राहामगी तिरीकामा जोबा ओतान। थेकी परमेश्‍वरला विश्‍वास खाबेकी परमेश्‍वरगी थेला दोषी मेन साबाते बात साँचो ईन सिराला थे खतकी चिनुचेन छाप ग्‍यापा च्‍योकराङ ओङसुङ। बात दोक ईन्‍देकी अब्राहामचेन खतकी चिनु माजोबाते तर खोपरोङगी खाबाते पाप परमेश्‍वरगी माफ खिओ सिन थेला विश्‍वास खित्‍कान्‍ते ज्‍येन ज्‍येन जातकी मितेङ ज्‍युज्‍यु ओङसुङ। थोगी थे खोरोङला विश्‍वास खित्‍कान्‍ते ज्‍येन ज्‍येन जातकी मिलाङ परमेश्‍वरगी अब्राहामला च्‍योकराङ खाला दोषी मेन सिओ।

रोमी 4:11 Iomraidhean Croise

मत्ती 16:16

थेबे नाङ शिमोन पत्रुसकी “गुरू, खो सोम्‍बोते परमेश्‍वर फुज्‍युङ ईन। खो थेकी तोङगो साबाते ख्रीष्‍ट ईन,” सिन सिदुक।

मत्ती 8:11

ङा ख्‍योकोनला च्‍यि सिते सासीन पूर्व, पश्‍चिम गाङेपे मि स्‍वर्गे राज्‍यने स्‍यूला थेरू ख्‍योकोन ज्‍युज्‍यु पुर्खा अब्राहाम, इसहाक थेमे याकूबताङ देत्‍ला भोज सा ङेत्‍क्‍यो।

लूका 19:9

थेमे येशूकी थेला “थरिङ परमेश्‍वरगी खोत्ताङ खुई खाम्‍बे मि गाङेला पापदुकी टाला ओत। मिओनगी जे सासीनोङ खोङ अब्राहाम सन्‍तानराङ ईन।

यूहन्‍ना 3:33

थेकी साबाते बात ङेन्‍कान्‍ते मिकीचेन परमेश्‍वर साँचोते बातकामा खित्‍कान्‍ते ईन सिरच्‍येते बातला पक्‍काराङ ईन सिन सिओ।

यूहन्‍ना 3:36

परमेश्‍वर फुज्‍युङला विश्‍वास खित्‍कान्‍ते मि गाङेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थेला विश्‍वास मिक्‍किकान्‍ते मिकीचेन दोक्‍ते जुनी मेङेदो। थोक्‍ते मिकीचेन परमेश्‍वरगी स्‍येदाङगी चूर गाल्‍ला तेरच्‍येते सजाय ङेत्‍क्‍यो,” सिन सिदुक।

यूहन्‍ना 6:35

थेबेकी थोक सानामेकी येशूकी “नोमुङ मिसिन्‍च्‍येते जुनी ङेत्‍च्‍येते सापचेन ङाराङ ईन। सुइँदा ङे छ्य्‌वापा लै खिदुक सासीन थेला नोमुङ त्‍वाबा मालाङो। थेमे ङाला विश्‍वास खित्‍कान्‍ते मिलाचेन नोमुङ कोम्‍बा मालाङो।

यूहन्‍ना 6:40

ङाला थे खोरोङ फुज्‍युङ दुका सिन छ्या स्‍येला विश्‍वास खित्‍कान गाङेकी नोमुङ मिसिन्‍च्‍येते जुनी ङेत्‍स्‍यीत सिरच्‍येते ङे आबेते आउदी सेम ओत। थोक्‍ते मिओनलाचेन न्‍याय खिते छोमु ङा सोम्‍बो लोइओ,” सिन सिदुक।

यूहन्‍ना 6:47

ङा ख्‍योकोनला दि बात सिओ। च्‍यि सासीन ङाला विश्‍वास खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍कीन सिन्‍दा ओत।

यूहन्‍ना 8:33

थोक सिरजीन थेबेकी “ङ्योकोननी अब्राहाम सन्‍तान ईन। थेमे थातासाक सुङगीङ योक्‍पो योङमु ओङा मेत सासीन खो चुक खाला ङ्योकोनला योक्‍पो योङमु खिन ओत्‍सादुई डेल्‍च्‍ये बात खिते?” सिन सासुङ।

रोमी 10:11

थोगीराङ परमेश्‍वर बातला “थेला विश्‍वास खित्‍कान्‍ते मिओनला थेकी नोमुङ ङोचा मोलोङो,” सिन साबा ओत।

रोमी 10:4

तर ख्रीष्‍ट दुरू वाबेकी परमेश्‍वर नियम ङेन्‍ला मि सुङलाङ परमेश्‍वरगी दोषी मेन मिसिरो सिरच्‍येते बात छ्या स्‍येकीदुक। ख्रीष्‍टकी खाबाते कामगी खित्‍सादुकामा परमेश्‍वरगी मिओनला दोषी मेन सिओ। दि बात पत्ते खाला परमेश्‍वरला विश्‍वास खित्‍कान गाङेला थेकी होथोक्‍ते मि ईन सिओ।

रोमी 10:6

परमेश्‍वरगीराङ खोपरोङला दोषी मेन सिओ सिन थेला विश्‍वास खित्‍कान्‍ते मिओन बातचेन दोक ईन। च्‍यि सासीन ख्रीष्‍टला स्‍वर्गनेई देमा लाला खुलाङाला ख्‍योकोनगी “था सु स्‍वर्गने गाल्‍ला थेला देमा लाला खुलाङच्‍ये?” सिन सिरा माफाबो।

रोमी 3:22

थाचेन जोराङ ईन्‍सीनोङ येशू ख्रीष्‍टला विश्‍वास खित्‍कान्‍ते मि गाङेला परमेश्‍वरगी दोषी मेन सिओ। यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत परमेश्‍वर दोन्‍दु गाङे थोजोराङ ईन।

रोमी 3:26

थोकराङ खाईन थरिङोला येशूला विश्‍वास खित्‍कान्‍ते मिओन पाप माफ बिन्‍ला थेबा दोषी मेन सिरजीनोङ थेकी थे खोरोङ जे खित्‍जीनोङ ठीक खाला खित्‍कान्‍ते ईन सिन छ्या स्‍ये च्‍युत्‍कीन बिन्‍सुङ।

रोमी 3:30

मि गाङेते परमेश्‍वर दोक्‍पोईकामा ओत। यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत येशू ख्रीष्‍टला विश्‍वास खित्‍कान गाङेला परमेश्‍वरगी दोषी मेन सिओ।

रोमी 4:10

परमेश्‍वरगी थेला नाम दोक साबा ओताने? थेकी जीउला खतकी चिनु जोनामेईना माजोबालाराङ सिन ङुरूङगी छ्या स्‍येबा फाप्‍क्‍यो। थे थोक्‍ते मि ईन सिननी परमेश्‍वरगी थे चिनु माजोबालाराङ साबा ओतान।

रोमी 9:30

थोगी बातचेन दोकराङ ईन। च्‍यि सासीन ज्‍येन ज्‍येन जातकी मिकी परमेश्‍वरगी खोपरोङला दोषी मेन सिरस्‍यीत सिन छ्याःङ माक्‍यासीनोङ परमेश्‍वरगीराङ थेबाला दोषी मेन सिदुक। परमेश्‍वरगी खोपरोङला दोषी मेन सिओ सिन थेबेकी थेला विश्‍वास खाबेकी खित्‍सादुराङ थेकी थेबाला थोक्‍ते मि ईन सिन साबाते ईन।

रोमी 9:33

होथे दोई बात खिन परमेश्‍वरगी थे खोरोङ बातला दोक सिन साबा ओतान। चुक सासीन “लो दि बात लेमु खाला ङेन। ङा सियोन सारदु दोज्‍यीक ज्‍य्‌वाक्‍यो। थे दोला मिओन नार्दोक देइओ। ङे थेरू ज्‍याक्‍पाते दोला मिओन ठोके खाला रिल्‍ग्‍यो। परमेश्‍वरगी सियोन सारदु ज्‍याक्‍पाते दो साबाते मिकीकामा ङुरूङला लेमु खिता थुप्‍क्‍यो सिन थेला विश्‍वास खित्‍कान्‍ते मिओनला थेकी नोमुङ ङोचा मोलोङो,” सिन साबा ओतान।

रोमी 9:6

तर इस्राएलीओन बात विचार खाला ताजीन परमेश्‍वरगी थेबाताङ खिओ साबाच्‍योक माक्‍याबा च्‍योकका थोङगीदुक मेन? बात दोक मेन, थेकी साबाते बात नोमुङ फरक परे मिक्‍किओ। बरू बात चुक ईन्‍दे सासीन इस्राएली गाङेराङ परमेश्‍वरगी छाने खाबाते मि मेन।

२ कोरिन्‍थी 1:22

ङुरूङ थोक्‍ते मि ईन सिन थेकी ङुरूङला थे खोरोङ छाप ग्‍यापा ओत थेमे थे खोरोङगी तेरग्‍यो साबाते गाङे तेरग्‍यो सिन पक्‍का खिताला थेकी ङुरूङला परमेश्‍वर आत्‍मा बिन्‍दा ओत।

गलाती 3:22

बरू बात चुक सासीन सा लुङबा खाङगी मि गाङेराङ परमेश्‍वर नियम माङेन्‍ला पापकामा खित्‍च्‍येते बानी थ्‍वाबाते ईन सिन परमेश्‍वर बातला साबा ओत। थोक ईन्‍देकी थेकी जमान खाईन तेरग्‍यो साबाते आशीचेन परमेश्‍वरगी येशू ख्रीष्‍टला विश्‍वास खित्‍कान्‍ते मिओनलाकामा तेरग्‍यो सिरच्‍येते बात पत्ते खित्‍कान्‍ते मिओनला तेरग्‍यो।

गलाती 3:29

दोस्‍यिककामा मेन, ख्‍योकोन ख्रीष्‍टताङ जीउज्‍यीकराङ ओङा ओतेकी ख्‍योकोनोङ अब्राहाम सन्‍तानराङ ओङगीन परमेश्‍वरगी थेत्ताङ थे सन्‍तानला तेरग्‍यो साबाते आशी ख्‍योकोनगीङ ङेत्‍क्‍यो।

गलाती 3:7

बात दोक ईन्‍देकी चुक्‍ते मिला अब्राहाम सन्‍तान सिरच्‍या ईन्‍दाका सिन ख्‍योकोनगी लेमु खाला छ्या स्‍येबा खि। अब्राहामगी च्‍योक खाला जो जसकी परमेश्‍वरगी खिओ साबा च्‍योकराङ खिओ सिन थेला विश्‍वास खिदुक होथोक्‍ते मिचेन अब्राहाम सन्‍तान ईन।

गलाती 5:5

ङुरूङनी परमेश्‍वर नियम ङेन्‍देकी मेन्‍गीन येशू ख्रीष्‍टला विश्‍वास खाबेकीका परमेश्‍वरगी दाक्‍पोनला दोषी मेन सिन साबाते ईन सिन पत्ते खिओ। परमेश्‍वर आत्‍मा ङेता ओतेकी था तिरी परमेश्‍वरगी दाक्‍पोनला पक्‍काराङ दोषी मेन सिओ सिन ङुरूङ आश खाला गुलाराङ देत्‍क्‍यो।

गलाती 6:16

होदि बातकामा ङेन्‍कान मि गाङेला थेकी ढुक्‍क खाला देत ज्‍युत्‍स्‍यीत, ङिङज्‍ये खिनराङ देत्‍स्‍यीत। होदि बातकामा ङेन्‍कान्‍ते मिओनराङ परमेश्‍वरगी थे खोरोङ मि ईन सिन छाने खाबाते पक्‍काते इस्राएली ईन।

एफिसी 1:13

थेमे सत्‍यते बात थोनामेई ख्‍योकोनोङ ख्रीष्‍टताङ जीउज्‍यीकराङ ओङसुङ। पापकी सजायदुकी थारच्‍येते होथे गा लाङच्‍येते बात ङेन्‍गीन ख्रीष्‍टला विश्‍वास खानामेकी गोमा थे खोरोङगी ख्रीष्‍टकी छ्य्‌वापेकी तेरग्‍यो साबाते परमेश्‍वर आत्‍मा परमेश्‍वरगी ख्‍योकोनलाङ बिन्‍सुङ। दोक खाईन थेकी थे खोरोङ आत्‍मा बिन्‍दातेचेन ख्‍योकोनोङ थे खोरोङ मिराङ ईन सिराला छाप ग्‍यापाते च्‍योकराङ ओङसुङ।

एफिसी 4:30

खेराङ खेकी खित्‍सादु परमेश्‍वर आत्‍माला मेलेबा लाङच्‍येते काम माकेत। परमेश्‍वर आत्‍मा ङेतेकी खित्‍सादुराङ परमेश्‍वरगी थे खोरोङगी साबे छोमु ख्‍योकोनलाङ पूरो खाला पापदुकी टाल्‍ला थे खोरोङताङ देत ज्‍युत्‍क्‍यो सिन टोक माज्‍येत।

फिलिप्‍पी 3:9

थेमे परमेश्‍वरगी ङाला ख्रीष्‍टताङ लेमु खाईन डिगीन देताते थोङस्‍यीत सिनराङ ङे होथे गोमे बाततेबा विचारराङ खिता ताङाते ईन। परमेश्‍वर नियम ङेन्‍गीन धर्म कर्म खाबेकी खित्‍सादु मेन, बरू ङा ख्रीष्‍टला विश्‍वास खित्‍कान्‍ते मि ईन सिन थाचेन परमेश्‍वरगी ङाला दोषी मेन सिन सिओ। च्‍यिला सासीन परमेश्‍वरगी मिकी खाबाते काम ताला मेन्‍देकी ख्रीष्‍टकी खाबाते काम ताला थेला विश्‍वास खित्‍कान्‍ते मिओनला दोषी मेन सिन सिओ।

हिब्रू 11:7

नूहे बात विचार खि। छ्यार्बा ग्‍याप्‍ला भल ग्‍याक्‍यो सिरच्‍येते बात थे बेलासाक थेला छ्याःङ छ्या मेत्‍सीनोङ परमेश्‍वरगी साबाच्‍योक पक्‍काराङ खिओ सिन थेला विश्‍वास खाईन थेकी परमेश्‍वरगी कोताते ङेन्‍सुङ। थे खोरोङ थेमे थे खाम्‍बे मि सुङ भलगी नुप्‍ला स्‍या माफाप्‍स्‍यीत सिन थेकी पानीजहाजज्‍यीक जोसुङ। दोक खाईन परमेश्‍वरगी साबाते ङेन्‍गीन थेकी दि सा लुङबे मि ज्‍येनचेन दोषी ईन सिन तेन्‍गीन बिन्‍सुङ। थेमे थे खोरोङला विश्‍वास खाबेकी खित्‍सादु परमेश्‍वरगी थेला दोषी मेन सिन सासुङ।

२ पत्रुस 1:1

दि चिट्ठी टिक्‍कान्‍ते ङा शिमोन पत्रुस ईन। ङा येशू ख्रीष्‍ट काम खित्‍कान्‍ते थेकी खटे खाबाते मि ईन। ङा दि चिट्ठी जे खित्‍जीनोङ ठीक खाला खित्‍कान्‍ते ङुरूङला पापदुकी डेल्‍कान्‍ते येशू ख्रीष्‍टकी खित्‍सादु ङेराङ च्‍योकराङ पक्‍का खाला थेला विश्‍वास खिता ङेताते मिओनला टिगीन ओत। येशू ख्रीष्‍टराङ ङुरूङ परमेश्‍वर ईन।

छ्या स्‍ये च्‍युताते बात 9:4

थेबाला बालीनालीताङ सो दोङबोला छ्याःङ माकेत। खोपरोङ टालाला परमेश्‍वर छाप ग्‍यापा मेताते मिओनलाकामा दुक्‍पा बिन सिन साबा ओतान।