रोमी 3:9 - जिरेल

⁹ थेमे था ङुरूङ चुक सिरच्‍ये ओना? च्‍यि ङुरूङ यहूदीओन ज्‍येन ज्‍येन जातकी मि भन्‍दा लेमु मि ईन सिरच्‍या? चुक खाला दोक सिरच्‍येरो? च्‍यिला सासीन यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत गाङेराङ मेलेबा कामताङ पाप खित्‍कान्‍ते ईन सिन ङुरूङगी लेमु खाईन छ्या स्‍येसुङ मेन?

रोमी 3:9 Iomraidhean Croise

लूका 7:39

थे फेम्‍मे मिकी थोक थोक खित्‍जीनोङ येशूकी छ्याःङ मिसिरजीन थेला निम्‍तो खित्‍कान्‍ते फरिसी पाटी मिकी दि परमेश्‍वर बात खित्‍कान्‍ते मि मेन्‍दा च्‍यिन्‍दा। थोक्‍ते मि ईन्‍दा ईन्‍सीन दि रन्‍डी ईन सिन छ्या स्‍येच्‍या ओतान। थेमे दिकी थे खोरोङला दोर ज्‍युत्‍च्‍या मेतान सिन विचार खासुङ।

रोमी 1:18

बात चुक सासीन मिओनगी परमेश्‍वरगी माकेत साबाते मेलेबा मेलेबा काम खाईन पाप खाबेकी खित्‍सादु थेकी स्‍येदाङगी चूर गाल्‍गीन स्‍वर्गनेकी थेबाला सजाय तेराला स्‍यूबा ओत। परमेश्‍वरगी सत्‍यते बात छ्या स्‍येबा खाईन बिन्‍दा ओत्‍सीनोङ थे मेङेन्‍दा खाला मिओनचेन पापकामा खिन दुक।

रोमी 11:32

ईन्‍दालाचेन इस्राएली ईन्‍सीनोङ ज्‍येन ज्‍येन जातकी मि ईन्‍सीनोङ मि गाङेकी थे खोरोङगी साबाते माङेन्‍नामेकी थेकी थेबा थोकराङ खित्‍स्‍यीत सिन ताङसुङ। थेबा गाङेला ङिङज्‍ये खाला लेमु खिताप सिनराङ थेकी थेबाला थोक खाईन ताङा ओतान।

रोमी 11:7

थोगी इस्राएलीओन बात चुक ईन्‍दे सासीन थेबेकी परमेश्‍वरगी खोपरोङला दोषी मेन सिरस्‍यीत सिन जति दुक्‍पा खासीनोङ थेकी थेबाला दोषी मेन मासासुङ, खालि थे खोरोङगी छाने खाबाते मिओनलाकामा थेकी दोषी मेन सासुङ। इस्राएली ज्‍येनबरीचेन परमेश्‍वर बात सिराते झन छ्याःङ खोबाराङ मुथुप्‍च्‍या गाल्‍सुङ।

रोमी 2:1

दि बात थोजीन छ्यि थेबा मेलेबा मि ईन सिरकान्‍तेबा ख्‍योकोन जोराङ ईन्‍सीनोङ ङेनी छ्याःङ मेलेबा खाबा मेत सिन सुङगीङ सिरा मेङेदो। थेबेकी मेलेबा काम खाबेकी सजाय ङेताराङ फाप्‍क्‍यो सिन साबेकी ख्‍योकोनोङ दोषी ईन। च्‍यि ख्‍योकोनोङ होथेबेकी खित्‍च्‍येते च्‍योक्‍ते कामराङ खित्‍कान मेनरो?

रोमी 3:1

थेमे सुइँदेकी यहूदीओन बात दोकराङ ईन्‍सीनका यहूदी ओङाताङ ज्‍येन जातकी मि ओङाला च्‍यि फरक ओङसुङा? थेमे खतकी चिनु जोबातेङ च्‍यि फाइदा ओङसुङारो सिन सारोङ।

रोमी 3:19

थेमे परमेश्‍वर नियमला खि साबाते बातबरी थे नियम ङेताते मिओनला खि साबाते ईन सिन ङुरूङला छ्याराङ ओत। थोक ईन्‍देकी ङे छ्याःङ गल्‍ती खाबा मेत सिन सुङगीङ सिरा मेङेदो। दि सा लुङबे मि गाङे दोषीराङ ईन्‍देकी गाङेकी परमेश्‍वर सजाय ङेत्‍क्‍यो।

रोमी 3:5

थोगी था ङुरूङगी परमेश्‍वरगी साबाते माङेन्‍गीन मेलेबा काम खासीनोङ थेकीचेन नोमुङ मेलेबा काम मिक्‍किच्‍याक्‍वा सिन झन लेमु खाला छ्या स्‍येकीदुक सासीन ङुरूङगी च्‍यि मेलेबा खाबाते ईन्‍देरो? ङुरूङगी मेलेबा काम खासुङ सिन थेकी ङुरूङला स्‍येदाङगी चूर गाल्‍गीन सजाय बिन्‍सीन दिनी दाक अन्‍याय खाबाते ओङसुङ याङ सिरच्‍येते बादोङ थेन्‍ग्‍यो। दिनी कोई कोई मिकी खित्‍च्‍येते बातकामा ईन।

रोमी 6:15

परमेश्‍वर नियम अधीनला मेन, परमेश्‍वरगी दया खाबेकी थे अधीनलाका ओतेकी था ङुरूङगी थे नियम मेङेन्‍दा खाला जे खासीनोङ ओङगीतासीन सिनोङ ङुरूङगी सिरा मेङगो। पाप सिराते ङुरूङगी खिताराङ मेङगो।

रोमी 7:14

परमेश्‍वर नियमचेन परमेश्‍वरगीराङ बिन्‍दाते ईन सिन ङुरूङला छ्या ओत। ङाचेन परमेश्‍वरगी खि साबाच्‍योक खिता मुथुप्‍कान्‍ते मिकामा ईन। थेमे पापकी योक्‍पो च्‍योकराङ ओङा ओतेकी ङे खालि मेलेबाते कामताङ बात खिता फाप्‍कीदुक।

१ कोरिन्‍थी 10:19

ङे दोक सिरजीन ल्‍हाला पूजा खित्‍च्‍येते छ्येते बात ईन, ल्‍हे मूर्तिङ छ्ये ईन सिन साबाते मेन याङ।

१ कोरिन्‍थी 14:15

ङा चुक खिते सासीन ङाराङ आत्‍माला परमेश्‍वर आत्‍मेकी कोता ओता च्‍योकराङ खाला ङाराङ आत्‍मेकीङ प्रार्थना खिओ। ङाराङगी दोक दोक सिन ओत सिरच्‍येते छ्या स्‍येलाङ प्रार्थना खिओ। थोकराङ खाला ङाराङ आत्‍माला परमेश्‍वर आत्‍मेकी कोता ओता च्‍योकराङ खाला ङा ङाराङ आत्‍मेकी लु लिन्‍ग्‍यो थेमे ङाराङगी दोक दोक सिन ओत सिरच्‍येते छ्या स्‍येलाङ लु लिन्‍ग्‍यो।

१ कोरिन्‍थी 4:7

ज्‍येन भन्‍दा ख्‍योकोन छ्ये ईन सिन ख्‍योकोनला सुई सिका? च्‍यि ख्‍योकोनताङ ओताते जेसुकै परमेश्‍वरगी बिन्‍दाते मेनरो? थोक ईन्‍सीनोङ ख्‍योकोन च्‍यिला सुङगीङ बिन्‍दाते मेन्‍देई थाराङ दाक्‍पोनगी ङेताते च्‍योक खाला छ्ये खिते?

गलाती 3:10

परमेश्‍वर नियम ङेन्‍सीन परमेश्‍वरगी खोपरोङला दोषी मेन सिओ सिन विचार खित्‍कान्‍ते मिलाचेन गाङेला थेकी सराप बिन्‍ला सजाय तेरग्‍यो। च्‍यिला सासीन परमेश्‍वर नियमला चुक साबा ओते सासीन “नियमला खि साबाते दोक्‍पोईओङ मोतोङा खाला गाङे साबा साबा च्‍योकराङ खिन मादेत्‍सीन थोक्‍ते मिला परमेश्‍वरगी सराप बिन्‍ला सजाय तेरग्‍यो,” सिन टिबा ओत।

गलाती 3:22

बरू बात चुक सासीन सा लुङबा खाङगी मि गाङेराङ परमेश्‍वर नियम माङेन्‍ला पापकामा खित्‍च्‍येते बानी थ्‍वाबाते ईन सिन परमेश्‍वर बातला साबा ओत। थोक ईन्‍देकी थेकी जमान खाईन तेरग्‍यो साबाते आशीचेन परमेश्‍वरगी येशू ख्रीष्‍टला विश्‍वास खित्‍कान्‍ते मिओनलाकामा तेरग्‍यो सिरच्‍येते बात पत्ते खित्‍कान्‍ते मिओनला तेरग्‍यो।

फिलिप्‍पी 1:18

थेबेकी थोक खाबाते बातला ङाला छ्याःङ चासो मेत। जसकी जस्‍तो सेमगी लाप्‍सीनोङ ख्रीष्‍टते गा लाङच्‍येते बात मि काल्‍बेईकी छ्या स्‍येकीन दुक। ङाला चासो लाङच्‍येते बात होदिराङ ईन। थोक ओङा थोङनामेई ङालानी आउदी गाका लाबा ओत। ङा थोरूमोङ गा खिन देत्‍क्‍यो।