रोमी 3:8 - जिरेल

⁸ दोक सिरकान्‍ते मिओनगीचेन मेलेबा काम खासीन लेमुका ओङच्‍याक्‍वा थोगी लो था झन मेलेबा मेलेबा काम खिइ सिनका सिओ। ङात्ताङ ङे र्‍वाओनगीङ होदोक्‍ते बातका लोप्‍कीदुक सिन कोई कोई मिकी ङ्योकोनला दोष समेदोङ लै खाबा ओत। होथोक्‍ते मिलानी परमेश्‍वरगी सजाय तेरा फाप्‍च्‍येतेराङ ईन।

रोमी 3:8 Iomraidhean Croise

मत्ती 5:11

थेमे ङाला विश्‍वास खाबेकी खित्‍सादु ज्‍येनगी ख्‍योकोनला मेलेबा मि ईन साला मनपरी सिओ, ख्‍योकोनला खेदापानी खिओ थेमे ईनराङ मेन्‍दे बात जोला ख्‍योकोनला मेन्‍दा मेन्‍दे दोष लै खिओ। दोक्‍ते दुक्‍पा ङेत्‍कान्‍तेबा ख्‍योकोन भाग्‍यमानी ईन।

रोमी 5:20

थोक ईन्‍सीन परमेश्‍वरगी मिओनला च्‍यिला थे खोरोङ नियम बिन्‍सुङा सिनोङ बात थेन्‍ग्‍यो मेन? नियम ओत्‍सीनोङ थेरू खिता मेङगो साबा साबाराङ खाला झन झन पाप खित्‍च्‍याक्‍वा सिन मिओनगी छ्या स्‍येस्‍यीत सिनराङ परमेश्‍वरगी थे नियम बिन्‍दा ओतान। दोक खाईन मिओन झन पाप खित्‍कान गाल्‍सीनोङ थेबे पाप माफ तेराला परमेश्‍वरगी थेबाला झन आउदी दया खाबाते ईन।

रोमी 6:1

परमेश्‍वरगी मिओनला दया खित्‍च्‍येते बात दोकराङ ईन्‍सीनका थोरूमोङ ङुरूङगी पाप खिनराङ देता लेमु ईन्‍दासीन। च्‍यिला सासीन दोक खित्‍जीनका ङुरूङगी खाबाते पाप माफ खिताला परमेश्‍वरगी झन दया खित्‍च्‍येते मौका ङेत्‍च्‍याक्‍वा सिन ङुरूङगी सिरा मेङगो।

रोमी 6:15

परमेश्‍वर नियम अधीनला मेन, परमेश्‍वरगी दया खाबेकी थे अधीनलाका ओतेकी था ङुरूङगी थे नियम मेङेन्‍दा खाला जे खासीनोङ ओङगीतासीन सिनोङ ङुरूङगी सिरा मेङगो। पाप सिराते ङुरूङगी खिताराङ मेङगो।

रोमी 7:7

ङे दि बात सिरजीन थोक ईन्‍सीनका परमेश्‍वर नियमराङ मेलेबा दुका ओना सिरच्‍येते बात थेन्‍ग्‍यो। तर थे नियमनी मेलेबा ईनराङ मेन। परमेश्‍वरगी थे खोरोङ नियम माबिन्‍दा ईन्‍सीन पाप सिराते च्‍यि ईन्‍दे सिन ङे छ्याःङ छ्या स्‍येच्‍या मेतान। चुक खाला सासीन परमेश्‍वर नियमला “ज्‍येनगीते सिराते छ्याःङगीतेङ लोभ माकेत,” साबा मेता ईन्‍सीन ङाराङगी लोभ खिन ओत सिन ङे छ्याराङ स्‍येच्‍या मेतान।

२ कोरिन्‍थी 11:15

थेमे शैतानगी खि साबाते काम खित्‍कान्‍ते मिओन परमेश्‍वरगी खि साबाते खित्‍कान्‍ते मि च्‍योकराङ ओङाते च्‍यि अचम्‍बे बात ओङसुङारो? परमेश्‍वरगी था तिरी थेबे काम ताला सजाय तेरग्‍यो।

२ कोरिन्‍थी 6:8

थेमे कोईकी ङ्योकोनला मान खिदुक, कोईकीचेन दिबाङ सु ईन्‍देरो सिराच्‍योक खाला छ्याःङ च्‍योक गने मिक्‍किदुक। कोईकी फलानाबा लेमु काम खित्‍कान्‍ते मि ईन सिन बात खिदुक। ङ्योकोन सत्‍यते बात लोप्‍कान्‍ते ईन। ईन्‍सीनोङ मिओनगी ङ्योकोनला मेन्‍दे बात लोप्‍कान ईन खिदुक।

यहूदा 1:4

ङे च्‍यिला थे बात ङेन्‍दा तोङा मेङगो साबाते ईन्‍दे सासीन कोई कोई मि खाराक्‍पा ख्‍योकोन नाङ स्‍यूकीन सिन्‍दा ओत। थेबाचेन परमेश्‍वरगी माकेत साबा साबाते काम खित्‍कान्‍ते मि ईन। थेबेकी ङुरूङ परमेश्‍वरगी मिला दया खाला पापदुकी डेल्‍च्‍येते बातला चुक खिका सासीन परमेश्‍वरगी दाक्‍पोनला दया खाईन पापदुकी टाला ओतेकी था ङुरूङगी जे खासीनोङ ओङगो सिन रन्‍डीबाजी थेमे होदि च्‍योक्‍ते खिता मेङच्‍येते काम खिदुक। थेमे ङुरूङ मालिक येशू ख्रीष्‍टलाङ माने मिक्‍किदुक। गाङेपा गाङेला राज्‍य खित्‍कान्‍ते थेकामा ईन। होथोक्‍ते मिओनगी चुकस्‍यिक सजाय ङेत्‍कीते सिन परमेश्‍वर बातला गोमाका टिबा ओत।