रोमी 3:30 - जिरेल

³⁰ मि गाङेते परमेश्‍वर दोक्‍पोईकामा ओत। यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत येशू ख्रीष्‍टला विश्‍वास खित्‍कान गाङेला परमेश्‍वरगी दोषी मेन सिओ।

रोमी 3:30 Iomraidhean Croise

रोमी 2:26

बरू यहूदी मेन्‍गीन खतकी चिनु जोबा मेत्‍सीनोङ परमेश्‍वर नियम ङेन्‍कान्‍तेबाचेन परमेश्‍वर दोन्‍दु खतकी चिनु जोबाते मि च्‍योकराङ ईन।

रोमी 2:27

थोगी होथोक्‍ते ज्‍येन ज्‍येन जातकी मिकी ख्‍योकोनला दोषी ईन सिओ। च्‍यिला सासीन थेबेकी परमेश्‍वर नियम ङेता मेत्‍सीनोङ थेमे खतकी चिनु जोबा मेत्‍सीनोङ परमेश्‍वर नियमला खि साबा च्‍योकराङ खिदुक। तर दोक दोक खि सिन टिबाते परमेश्‍वर नियम ङेता ओत्‍सीनोङ थेमे खतकी चिनु जोकान ईन्‍सीनोङ ख्‍योकोनचेन थे नियमला खि साबाच्‍योक खितराङ मिक्‍किदुक।

रोमी 3:22

थाचेन जोराङ ईन्‍सीनोङ येशू ख्रीष्‍टला विश्‍वास खित्‍कान्‍ते मि गाङेला परमेश्‍वरगी दोषी मेन सिओ। यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत परमेश्‍वर दोन्‍दु गाङे थोजोराङ ईन।

रोमी 3:28

परमेश्‍वर नियम ङेन्‍ला मि सुङलाङ परमेश्‍वरगी दोषी मेन मिसिरो। येशू ख्रीष्‍टकी खाबाते कामगी खित्‍सादु खोपरोङला दोषी मेन सिओ सिन थेला विश्‍वास खित्‍कान्‍ते मिओनलाकामा थेकी दोषी मेन सिओ। दि बात ङुरूङगी लेमु खाईन छ्या स्‍येबा ओत।

रोमी 4:16

थोगी बात चुक ईन्‍दे सासीन अब्राहामगी परमेश्‍वरला विश्‍वास खाबेकीकामा थेकी थेत्ताङ जमान खाबाते ईन। परमेश्‍वरगीनी थे खोरोङ दयेकीकामा दोक खाला जमान खित्‍च्‍येते ईन। थोगी थेकी थोक खाईन अब्राहामताङ खाबाते जमान थे लाईदुकामा मेन्‍देकी थे सन्‍तानओन लाईदुङ ईन। अब्राहाम सन्‍तान साबातेचेन परमेश्‍वर नियम ङेताते यहूदीओनकामा मेन, अब्राहामगी च्‍योकराङ खाला परमेश्‍वरला विश्‍वास खित्‍कान्‍ते मि गाङेराङ ईन। परमेश्‍वरला विश्‍वास खित्‍कान्‍ते ङुरूङ गाङेते ज्‍युज्‍युचेन अब्राहामराङ ईन।

रोमी 4:9

थोक खाईन पाप माफ ओङाते मि भाग्‍यमानी ईन साबाते बात जीउला खतकी चिनु जोकान्‍ते यहूदी लाईदुकामा साबाते मेन। दि बातनी खतकी चिनु माजोबाते ज्‍येन ज्‍येन जातकी मि लाईदुङ ईन। ङुरूङगी आनाङका अब्राहामगी परमेश्‍वरला विश्‍वास खाबेकी थेकी थेला दोषी मेन साबा ओतान सिन बात खाबाप मेन?

गलाती 3:20

अब्राहामताङ जमान खित्‍जीनचेन परमेश्‍वरला दोक खित्‍कान्‍ते ज्‍येन मि गोबा मेतान। ङा खोत्ताङ खुई सन्‍तानला आशी तेरग्‍यो सिन परमेश्‍वर थे खोरोङगीराङ साबा ओतान।

गलाती 3:28

थोगी येशू ख्रीष्‍टताङ जीउज्‍यीकराङ ओङा ओतेकी यहूदी ईन्‍स्‍यीत कि ग्रीक ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत, ख्‍योओ मि फेम्‍मे मि जोराङ ईन्‍सीनोङ था ख्‍योकोन गाङेराङ थोजोराङ ईन।

गलाती 3:8

ज्‍येन ज्‍येन जातकी मिलाङ तिरी थेबेकी थे खोरोङला विश्‍वास खितेकी खित्‍सादु परमेश्‍वरगी थेबाला दोषी मेन सिओ सिन गोमाकाराङ परमेश्‍वर बातला टिबा ओतान। दोक ओङगो सिरच्‍येते गा लाङच्‍येते बात खाईन परमेश्‍वरगी अब्राहामला “खुई छ्य्‌वापेकीराङ लुङबा लुङबे मिकी आशी ङेत्‍क्‍यो,” सिन साबा ओतान।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

गलाती 6:15

च्‍यिला सासीन खतकी चिनु जोला फाइदा ओङच्‍येतेताङ थे चिनु माजोला घटी ओङच्‍येते बात छ्याःङ मेत। साम्‍बाते जुनी ङेत्‍कीन थोक्‍ते मिकी खित्‍च्‍येते च्‍योक्‍ते काम खिकाना मिक्‍किका सिरच्‍येते बातकामा छ्येते बात ईन।

फिलिप्‍पी 3:3

ङुरूङका परमेश्‍वरगी छाने खाबाते जीउला खतकी चिनु जोबा ओताते मि च्‍योक्‍ते ईन। च्‍यिला सासीन परमेश्‍वरला चुक खाला माने खिता फाप्‍च्‍येते ईन्‍दे परमेश्‍वर आत्‍मे छ्य्‌वापेकी ङुरूङ थेला थोकराङ खाला माने खिओ। परमेश्‍वरला माने खिताला ङुरूङचेन दाक्‍पोन जीउला खतकी चिनु जोबा ओत थेमे ज्‍येन ज्‍येनोङ धर्म कर्म खाबा ओत सिन छ्ये मिक्‍किओ। बरू येशू ख्रीष्‍टताङ जीउज्‍यीकराङ ओङा ओतेकी गा खिओ।

१ तिमोथी 2:5

च्‍यिला सासीन परमेश्‍वर दोक्‍पोईकामा ओत थेमे परमेश्‍वरताङ मिओनला डिक्‍पा खाला तेरकान्‍तेङ दोक्‍पोईकामा ओत। थेचेन मि जुनी लाबाते येशू ख्रीष्‍टराङ ईन।