रोमी 3:26 - जिरेल

²⁶ थोकराङ खाईन थरिङोला येशूला विश्‍वास खित्‍कान्‍ते मिओन पाप माफ बिन्‍ला थेबा दोषी मेन सिरजीनोङ थेकी थे खोरोङ जे खित्‍जीनोङ ठीक खाला खित्‍कान्‍ते ईन सिन छ्या स्‍ये च्‍युत्‍कीन बिन्‍सुङ।

रोमी 3:26 Iomraidhean Croise

लूका 1:80

थेमे यूहन्‍ना छारगीन गाल्‍सुङ, थेला बुद्धिङ स्‍यूसुङ। थेमे परमेश्‍वरगी इस्राएलीओन ओत्‍साला थे खोरोङ बात खित माताङथुप थे रीला गाल्‍गीन देत्‍सुङ।

रोमी 3:25

मिओन पाप माफ ओङस्‍यीत सिन स्‍याप्‍ला परमेश्‍वरगी येशू ख्रीष्‍टला देमा ताङाते ईन। थेमे येशू ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु खोपरोङ पाप माफ ओङगो सिन थेला विश्‍वास खित्‍कान्‍ते मिओन पाप परमेश्‍वरगी माफ तेरग्‍यो। परमेश्‍वरचेन मिओनगी गोमामेकी खाबाते पापकी सजाय मेतेरा खाईन देता ओतान। येशू ख्रीष्‍टकी खाबाते कामगी खित्‍सादु थेबे पाप माफ तेराप सिन थे थोक खाईन देत्‍कीन थेकी थे खोरोङ जे खित्‍जीनोङ ठीक खाला खित्‍कान्‍ते ईन सिन मिओनला छ्या स्‍ये च्‍युत्‍सुङ।

रोमी 3:27

बात दोक ईन्‍देकी परमेश्‍वर नियम ङेन्‍गीनका थेकी ङुरूङला दोषी मेन साबाते ईन सिन ङुरूङ सुङगीङ छ्ये खिता मेङेदो। च्‍यिला छ्ये खिता मेङेत्‍ते सासीन परमेश्‍वर नियम ङेन्‍गीन धर्मती ओङेकी खित्‍सादु मेन, येशूला विश्‍वास खाबेकी खित्‍सादुकामा परमेश्‍वरगी ङुरूङला दोषी मेन साबाते ईन।

रोमी 3:30

मि गाङेते परमेश्‍वर दोक्‍पोईकामा ओत। यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत येशू ख्रीष्‍टला विश्‍वास खित्‍कान गाङेला परमेश्‍वरगी दोषी मेन सिओ।

रोमी 4:5

तर परमेश्‍वरगी सुइँदाला दोषी मेन सिरच्‍येते बातचेन थे मिकी काम खाबेकी तलब बिन्‍दाते च्‍योक मेन। थोगी सुइँदेकी परमेश्‍वरगी खि साबाच्‍योक खित्‍च्‍या सिन दुक्‍पा खाईन खाईन लेमु काम खाबेकी खित्‍सादु मेन, परमेश्‍वरगी पापीते मिओनला दोषी मेन सिओ सिन थेला विश्‍वास खित्‍कान्‍ते मिओनलाका परमेश्‍वरगी दोषी मेन सिओ। दोक खाला थे खोरोङला विश्‍वास खित्‍कान्‍ते मिओनला थेकी होथोक्‍ते मि ईन सिओ।

रोमी 8:33

थेमे परमेश्‍वरगी छाने खाबाते मिओनला था च्‍यि सुइँदेकी दोषी ईन सिरा ङेत्‍क्‍यो? सुङगीङ थेबाला दोषी ईन सिराराङ मेङेदो। च्‍यिला सासीन परमेश्‍वरगीराङ थेबाला दोषी मेन साबा ओत।

छ्या स्‍ये च्‍युताते बात 15:3

थेमे थेबाचेन परमेश्‍वर काम खित्‍कान्‍ते मोशेकी थे खोरोङ पालोला परमेश्‍वरते जय जय खिन लाबाते लु लिन्‍गीन ओतान। थेमे दोक सिन लुई रीउला छ्ये जोच्‍येते लुङ लिन्‍गीन ओतान। चुक सासीन “गाङे भन्‍दा छ्येज्‍यीक शक्ति ओताते प्रभु परमेश्‍वर, खुई खाबाते कामओन चुक छ्ये छ्येताङ अचम्‍ब लाङच्‍या ईन्‍दाका। खो सधैँभरि सोन्‍ला राज्‍य खिन देत्‍कान्‍ते गेल्‍बो ईन। खुई खित्‍च्‍येते काम गाङे लेमुतेकामा ईन।