रोमी 3:25 - जिरेल

²⁵ मिओन पाप माफ ओङस्‍यीत सिन स्‍याप्‍ला परमेश्‍वरगी येशू ख्रीष्‍टला देमा ताङाते ईन। थेमे येशू ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु खोपरोङ पाप माफ ओङगो सिन थेला विश्‍वास खित्‍कान्‍ते मिओन पाप परमेश्‍वरगी माफ तेरग्‍यो। परमेश्‍वरचेन मिओनगी गोमामेकी खाबाते पापकी सजाय मेतेरा खाईन देता ओतान। येशू ख्रीष्‍टकी खाबाते कामगी खित्‍सादु थेबे पाप माफ तेराप सिन थे थोक खाईन देत्‍कीन थेकी थे खोरोङ जे खित्‍जीनोङ ठीक खाला खित्‍कान्‍ते ईन सिन मिओनला छ्या स्‍ये च्‍युत्‍सुङ।

रोमी 3:25 Iomraidhean Croise

यूहन्‍ना 6:47

ङा ख्‍योकोनला दि बात सिओ। च्‍यि सासीन ङाला विश्‍वास खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍कीन सिन्‍दा ओत।

शक्ति काम 14:16

गोमा गोमाबाचेन थेकी लुङबा लुङबे मि गाङेला खोपरोङ खुशी खिन ख्‍याम्‍सीनोङ छ्याःङ माक्‍यासुङ।

शक्ति काम 15:18

ङे गोमामेकीराङ दोक खिओ सिन साबाते बात साबा च्‍योकराङ खिओ,’ सिन साबा ओतान।

शक्ति काम 17:30

ईन्‍दानी मिओनगी थे सु ईन्‍दे, चुक्‍ते ईन्‍दे सिन लेमु खाईन छ्या मास्‍येकीन मूर्तितेबा जोकीन थेला माने खासीनोङ थातासाक थेकी सजाय माबिन्‍सुङ। थाचेन थेकी गाङेपा मि गाङेला खोपरोङ पापी दुका सिन छ्या स्‍येला थे छ्य्‌वापा लै खि सिन साबा ओत।

शक्ति काम 2:23

थोक ईन्‍सीनोङ ख्‍योकोनगीचेन थेला पापीओन लाःक्‍तु सोम्‍पे खाईन लाक्‍पा काम्‍बाला काँटी ग्‍याप्‍कीन स्‍यिङगी थामला टाँए खाईन सेत च्‍युत्‍सुङ। ईन्‍दानी थेकी थोक खाला स्‍या फाप्‍क्‍यो सिन परमेश्‍वरगी गोमाका साबा ओतान।

शक्ति काम 3:18

ईन्‍दानी थे खोरोङगी तोङगो साबाते ख्रीष्‍टकी दुक्‍पा ङेत्‍क्‍यो सिन परमेश्‍वरगी थोङलाकाराङ थे खोरोङ बात खित्‍कान्‍ते मिबरीला सिर च्‍युता ओतान। ख्‍योकोनगी येशूला सेत्‍जीन परमेश्‍वरगी थे खोरोङगी सिर च्‍युताते बात साबा च्‍योकराङ ओङ च्‍युत्‍सुङ।

शक्ति काम 4:28

जम्‍मा ओङगीन थेबेकी परमेश्‍वर खोरोङगी गोमाका दोक दोक ओङगो सिन साबा छेतकामा खिता थुप्‍सुङ। थे भन्‍दा ल्‍हाक्‍पाचेन थेबेकी येशूला छ्याःङ खिता माथुप्‍सुङ।

रोमी 2:4

ख्‍योकोनलाचेन खेराङ लेमु मि ईन्‍गीनका परमेश्‍वरगी आउदी दया खाला लेमु खिन ओताते ईन सिराच्‍योक लाङगीतासीन। तर बात दोक मेन। ख्‍योकोनगी खेराङ पापी दुका सिन छ्या स्‍येला थे खोरोङ छ्य्‌वापा लै खित्‍स्‍यीत सिनका परमेश्‍वरगी थरिङसाक छ्याःङ मिक्‍किता खाईन देताते ईन सिन ख्‍योकोनगी छ्या स्‍येबा खि।

रोमी 3:26

थोकराङ खाईन थरिङोला येशूला विश्‍वास खित्‍कान्‍ते मिओन पाप माफ बिन्‍ला थेबा दोषी मेन सिरजीनोङ थेकी थे खोरोङ जे खित्‍जीनोङ ठीक खाला खित्‍कान्‍ते ईन सिन छ्या स्‍ये च्‍युत्‍कीन बिन्‍सुङ।

रोमी 5:1

थोक खाईन थे खोरोङला विश्‍वास खित्‍कान ङुरूङला परमेश्‍वरगी दोषी मेन साबा ओतेकी ङुरूङ थेत्ताङ डिक्‍पा ओत। ङुरूङ प्रभु येशू ख्रीष्‍टकी ङुरूङला थेत्ताङ डिक्‍पा खाईन बिन्‍दाते ईन।

रोमी 5:11

दोस्‍यिककामा मेन, ङुरूङ प्रभु येशूकी ङुरूङला परमेश्‍वरताङ डिक्‍पा खाईन बिन्‍दा ओतेकी परमेश्‍वर ङुरूङला चुक लेमु खित्‍कान्‍ते ईन्‍दे सिन था ङुरूङ गा खिन देता थुप्‍क्‍यो।

रोमी 5:18

थोगी चुक ओङसुङा सासीन मिज्‍यीगी परमेश्‍वरगी माकेत साबाते काम खाबेकी खित्‍सादु मि गाङेकी सजाय ङेत्‍कीन स्‍या फापाते ईन। लोक्‍ला ज्‍येनज्‍यीगी परमेश्‍वरगी खि साबा च्‍योकराङ खाबेकी खित्‍सादुचेन मि गाङेकी पापकी सजायदुकी ठाल्‍ला नोमुङ मिसिन्‍च्‍येते जुनी ङेत्‍च्‍येते ईन।

रोमी 5:9

ख्रीष्‍ट थोक खाला ङुरूङ लाईदु ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु परमेश्‍वरगी ङुरूङला दोषी मेन साबा ओत। दोक ईन्‍देकी था तिरी परमेश्‍वरगी स्‍येदाङगी चूर गाल्‍ला तेरच्‍येते सजायदुकीङ ख्रीष्‍टकीराङ ङुरूङला टाल्‍ला तेरग्‍यो।

१ कोरिन्‍थी 5:7

था ख्‍योकोन सोडा मुलुबा खाईन ङ्येबाते ज्‍येन्‍ताक डल्‍लो च्‍योक ओङाला ज्‍येन्‍ताक गाङेपा ठाम्‍च्‍येते सोडा च्‍योक ईन्‍दाते गोमाबा खिन ओताच्‍योक पाप खिता थोङ। च्‍यिला सासीन निस्‍तार चाडगी बेलाला पूजा खिता फाप्‍च्‍येते लुई रीउ च्‍योक ओङगीन ख्रीष्‍ट ङुरूङला पाप खित्‍च्‍येते बानीदुकी डेलाला ङुरूङ लाईदु स्‍यिइन सिन्‍दा ओत।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

एफिसी 1:7

थेमे ङुरूङला पापकी सजायदुकी डेलाला थेकी ख्रीष्‍टला स्‍याप्‍ला दुरू ताङसुङ। ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु थेकी ङुरूङगी खाबाते पाप गाङे माफ बिन्‍दा ओत। थे खोरोङ आउदी खाला दया खित्‍कान्‍ते ईन्‍देकी

एफिसी 2:13

गोमा थोक ओता ईन्‍सीनोङ येशू ख्रीष्‍ट स्‍यिङगी थामला टाँए खाला स्‍यिजीन थे जीउदुकी थेन्‍दाते ठागी खित्‍सादु थाचेन ख्‍योकोनोङ थेत्ताङ जीउज्‍यीकराङ ओङगीन परमेश्‍वर दोन्‍दु ओङा थुपा ओत।

१ तिमोथी 1:15

येशू ख्रीष्‍ट पापीओनला पापकी सजायदुकी डेलाला दि सा लुङबादु वाबाते ईन सिन सिरच्‍येते बात साँच्‍चीराङ ईन्‍दाते थेमे मिओनगी पत्ते खिता फाप्‍च्‍येते बातराङ ईन। थेमे पापीओन नाङ आउदी खाला पाप खित्‍कान्‍ते मि ङाराङ ईन।

हिब्रू 10:4

च्‍यिला सासीन लाङताङ रोबोतेबे ठाक थोरलानी मि पाप नोमुङ माफ ओङराङ मेङगो।

हिब्रू 11:14

थेबेकी दि सा लुङबादु खोपरोङला खालि लामला ख्‍याम्‍कान्‍ते मि लुङबे मि च्‍योककामा ठाने खाबाते बात विचार खित्‍जीन थेबेते खइँसाला खोपरोङ लुङबा ओत थेमे थेबा थे लुङबाला देताला ख्‍याम्‍बाते ईन सिरच्‍येते बात लेमु खाला छ्या स्‍येकीदुक।

हिब्रू 11:17

परमेश्‍वरगी जे खासीनोङ लेमुराङ खिओ सिन थेला विश्‍वास खाबा ओतेकीराङ थेकी थे सेम ताप्‍ला इसहाकला भोग बिन सिरजीन अब्राहामगी थोक खिताला ठीक खासुङ। थेकी अब्राहामला थे सखा सन्‍तान काल्‍बेई फेल ज्‍युत्‍क्‍यो सिन जमान खाबा ओतान। थे खोरोङ सन्‍तान मिनला दोक्‍पोईराङ ओताते फुज्‍युङला अब्राहामगी भोग तेराला ठीक खाबा ओतान।

हिब्रू 11:7

नूहे बात विचार खि। छ्यार्बा ग्‍याप्‍ला भल ग्‍याक्‍यो सिरच्‍येते बात थे बेलासाक थेला छ्याःङ छ्या मेत्‍सीनोङ परमेश्‍वरगी साबाच्‍योक पक्‍काराङ खिओ सिन थेला विश्‍वास खाईन थेकी परमेश्‍वरगी कोताते ङेन्‍सुङ। थे खोरोङ थेमे थे खाम्‍बे मि सुङ भलगी नुप्‍ला स्‍या माफाप्‍स्‍यीत सिन थेकी पानीजहाजज्‍यीक जोसुङ। दोक खाईन परमेश्‍वरगी साबाते ङेन्‍गीन थेकी दि सा लुङबे मि ज्‍येनचेन दोषी ईन सिन तेन्‍गीन बिन्‍सुङ। थेमे थे खोरोङला विश्‍वास खाबेकी खित्‍सादु परमेश्‍वरगी थेला दोषी मेन सिन सासुङ।

हिब्रू 9:28

थोक ईन्‍देकी मि काल्‍बेईला थेबेकी खाबाते गाङे पापदुकी डेलाला ख्रीष्‍टोङ बाजिईकामा थे खोरोङ ज्‍यान बिन्‍गीन स्‍याप्‍ते ईन। था थे लोक्‍ला देमा ग्‍युरला ओङगो। थोक खाला ओङच्‍येते लोक्‍ला गोमा च्‍योकराङ मि पापकी सजाय भोगे खाला स्‍याप्‍ला मेन। थानी ङीमाई थे ग्‍युरला ओङगो सिन गुकीन देताते मिओनला पूरो खाला पापदुकी टाल्‍ला स्‍वर्गने देत खेराला लिन्‍दालाका ओङच्‍येते ईन।

हिब्रू 9:5

मिगी तापराङ मुथुप्‍च्‍या झिलिमिली नाम्‍दाकला देत्‍कान्‍ते परमेश्‍वर थेरू ओत सिन तेन्‍दाला थे बाकस लाक्‍तुचेन स्‍योक्‍पा खाबातेन्‍दे करूब सिराते परमेश्‍वर दूत ङि जोबा ओतान। थे बाकस लाक्‍तु परमेश्‍वरगी मिओन पाप माफ तेरच्‍येते ठाउँलाचेन थे दूत ङिबो स्‍योक्‍पेकी उपा ओतान। दोक्‍ते बात था दि भन्‍दा ल्‍हाक्‍पा ख्‍योकोनला सिन देता माफाबो।

१ यूहन्‍ना 1:10

तर ङुरूङगी ङे नोमुङ छ्याःङ पाप खाबाराङ मेत सिन सासीन ङुरूङगी परमेश्‍वर ढाँर खित्‍कान्‍ते ईन साबाते ईन। ङुरूङगी दोक सासीन परमेश्‍वर बात दाक्‍पोन सेमला ज्‍य्‌वाबा मुथुबो।

१ यूहन्‍ना 2:2

ङुरूङ पाप माफ तेरा थुप्‍स्‍यीत सिन येशू ख्रीष्‍ट ङुरूङगी खाबाते पापकी सजाय भोगे खाईन स्‍याप्‍ते ईन। ङुरूङतेकामा मेन, सा लुङबा खाङगी मि पाप माफ तेरा थुप्‍स्‍यीत सिन थे थोक खाईन स्‍याप्‍ते ईन।

१ यूहन्‍ना 4:10

परमेश्‍वरगी ङुरूङला ङिङज्‍ये खाबाते सिराते च्‍यि ईन्‍दे सासीन ङुरूङगी थेला ङिङज्‍ये खाबाते मेन, थेकीका ङुरूङला ङिङज्‍ये खासुङ। चुक सासीन ङुरूङ पाप माफ तेरा थुप्‍स्‍यीत सिन ङुरूङगी खाबाते पापकी सजाय भोगे खाला स्‍याप्‍ला थेकी थे खोरोङ फुज्‍युङला देमा ताङाते ईन।

छ्या स्‍ये च्‍युताते बात 13:8

थेमे दि सा लुङबे मि गाङेकी थे जन्‍तुला मान खाला छ्ये जोइओ। खालि दि सा नाम ज्‍वा भन्‍दा गोमाराङ नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताब नाङ खोपरोङ मिन ओताते मिओनगीकामा थे जन्‍तुला मान खाला छ्ये मोजोओ। थे मिन टिबाते किताबचेन लुई रीउते ईन।

छ्या स्‍ये च्‍युताते बात 20:15

नोमुङ मिसिन्‍च्‍येते जुनी ङेत्‍कान्‍ते मिओन मिन टिबा ओताते किताब नाङ मिन मेताते मिलाचेन गाङेला थे मे धुनीमा क्‍युरसुङ।

छ्या स्‍ये च्‍युताते बात 5:9

थेमे थेबेकी “दि किताब लाला थे छापओन लोक्‍पा थुप्‍कान्‍ते खोकामा ईन। खोल्‍ला सेता ओतान। खोल्‍ला सेत्‍जीन खोरोङ जीउदुकी थेन्‍दाते ठागी खुई थर थरगीते, खुदुक खुदुक भाषेते, जात जातकीते थेमे लुङबा लुङबे मि नाङदुकी मिओनला परमेश्‍वर मि ओङाला ङ्योसुङ,