रोमी 3:23 - जिरेल

²³ च्‍यिला सासीन मि गाङेकी पाप खाबेकी खित्‍सादु सुङ परमेश्‍वर दोन्‍दु जस्‍तो लेमु ओङा फाप्‍च्‍या ओतान उस्‍तोराङ मायाङसुङ।

रोमी 3:23 Iomraidhean Croise

रोमी 1:28

दोस्‍यिककामा मेन, थेबेकी परमेश्‍वरगी साबाते च्‍यिला ङेन्‍च्‍येरो सिन थेला छ्याःङ वास्‍ता माक्‍याबेकी थेकी थेबाला खोपरोङ सेमला लाबा लाबा खिता मेङच्‍येते कामराङ खित्‍स्‍यीत सिन ताङसुङ।

रोमी 11:32

ईन्‍दालाचेन इस्राएली ईन्‍सीनोङ ज्‍येन ज्‍येन जातकी मि ईन्‍सीनोङ मि गाङेकी थे खोरोङगी साबाते माङेन्‍नामेकी थेकी थेबा थोकराङ खित्‍स्‍यीत सिन ताङसुङ। थेबा गाङेला ङिङज्‍ये खाला लेमु खिताप सिनराङ थेकी थेबाला थोक खाईन ताङा ओतान।

रोमी 3:19

थेमे परमेश्‍वर नियमला खि साबाते बातबरी थे नियम ङेताते मिओनला खि साबाते ईन सिन ङुरूङला छ्याराङ ओत। थोक ईन्‍देकी ङे छ्याःङ गल्‍ती खाबा मेत सिन सुङगीङ सिरा मेङेदो। दि सा लुङबे मि गाङे दोषीराङ ईन्‍देकी गाङेकी परमेश्‍वर सजाय ङेत्‍क्‍यो।

रोमी 3:9

थेमे था ङुरूङ चुक सिरच्‍ये ओना? च्‍यि ङुरूङ यहूदीओन ज्‍येन ज्‍येन जातकी मि भन्‍दा लेमु मि ईन सिरच्‍या? चुक खाला दोक सिरच्‍येरो? च्‍यिला सासीन यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत गाङेराङ मेलेबा कामताङ पाप खित्‍कान्‍ते ईन सिन ङुरूङगी लेमु खाईन छ्या स्‍येसुङ मेन?

रोमी 5:2

थेकी खित्‍सादुराङ परमेश्‍वरगी थे खोरोङला विश्‍वास खित्‍कान ङुरूङला दया खाईन थे खोरोङताङ डिक च्‍युताते ईन। था थेकी ङुरूङला दया खिता नोमुङ मोतोङो। दोक ईन्‍देकी थाचेन परमेश्‍वरगी ङुरूङला मान बिन्‍ला थे खोरोङगी ज्‍वा चाला च्‍योकराङ लेमु जोइओ साबाते बात ङुरूङगी आश खाईन गुकीन देता च्‍योकराङ खिओ सिन गा खिन देता थुप्‍क्‍यो।

गलाती 3:22

बरू बात चुक सासीन सा लुङबा खाङगी मि गाङेराङ परमेश्‍वर नियम माङेन्‍ला पापकामा खित्‍च्‍येते बानी थ्‍वाबाते ईन सिन परमेश्‍वर बातला साबा ओत। थोक ईन्‍देकी थेकी जमान खाईन तेरग्‍यो साबाते आशीचेन परमेश्‍वरगी येशू ख्रीष्‍टला विश्‍वास खित्‍कान्‍ते मिओनलाकामा तेरग्‍यो सिरच्‍येते बात पत्ते खित्‍कान्‍ते मिओनला तेरग्‍यो।

१ थिस्‍सलोनिकी 2:12

थेमे परमेश्‍वर मिओनगी चुक चुक खिता फाप्‍कीते सिन लाप्‍कीन थोक खिन देत सिन लोप्‍कीन देताप। ख्‍योकोन थे खोरोङ राज्‍यदु देता ङेत्‍स्‍यीत थेमे थे खोरोङ चुक छ्ये ईन्‍दाका सिन लेमु खाला छ्या स्‍येस्‍यीत सिन थे खोरोङ दोन्‍दु स्‍योक सिन कातोङकान्‍ते परमेश्‍वरराङ ईन।

२ थिस्‍सलोनिकी 2:14

ख्‍योकोनला थोक खिताला ङ्योकोनला गा लाङच्‍येते बात लोप च्‍युत्‍कीन परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। दोस्‍यिककामा मेन, ङुरूङ प्रभु येशू ख्रीष्‍टला मान बिन्‍गीन छ्ये जोबा च्‍योकराङ खाला परमेश्‍वरगी था ख्‍योकोनलाङ मान बिन्‍ला थे खोरोङगी ज्‍वा चाला च्‍योकराङ लेमु जोइओ।

हिब्रू 4:1

परमेश्‍वरगी मिओनला थे खोरोङगी देत ज्‍युता चालाच्‍योक खाला ढुक्‍क खाला देत ज्‍युत्‍क्‍यो सिन जमान खाबाते बात थोरूमोङ खुदुक गाला मेत। थेकी साबा च्‍योकराङ खाला देता ङेत्‍सादुई खेराङ सुङ माठाल्‍स्‍यीत सिन ङुरूङ च्‍याङबो खाला देता फाप्‍क्‍यो।

१ पत्रुस 4:13

दोक्‍ते दुक्‍पा भोगे खिता फाप्‍जीन ख्‍योकोन गाका खि। च्‍यिला सासीन दोक ओङजीन ख्‍योकोनगी ख्रीष्‍टकी चुक दुक्‍पा भोगे खाबा ओता ईन्‍दाका सिन टिक्‍पी टिक्‍पी छ्या स्‍येक्‍यो। थेमे ख्रीष्‍ट था छ्येज्‍यीक शक्ति ङेत्‍ला दुरू ग्‍युरला ओङे छोमु ख्‍योकोनोङ आउदी खाला गा खिता ङेत्‍क्‍यो।

१ पत्रुस 5:1

थाचेन ङा ख्‍योकोन नाङ येशू ख्रीष्‍ट मिओनला ताकान्‍ते मिओनला बातज्‍यीक बात ङि सिरामीन। ङा ङाराङोङ ख्‍योकोन च्‍योकराङ येशू ख्रीष्‍ट मिओनला ताकान्‍ते मिज्‍यीक ईन। ख्रीष्‍टकी भोगे खाबाते दुक्‍पातेबा ङे गाङे ङाराङ मिगीराङ थोङाते ईन। था थे छ्येज्‍यीक शक्ति ङेत्‍ला ग्‍युरला ओङजीन ङाङ मान ङेत्‍ला थेत्ताङ देता ङेत्‍क्‍यो सिनोङ ङाला छ्या ओत। येशू ख्रीष्‍ट मिओनला ताकान्‍ते मिओन ख्‍योकोनगी ओर्च्‍ये दोक खि।

१ पत्रुस 5:10

टिक्‍पी दिन ख्‍योकोनगी दोक्‍ते दुक्‍पा खपे खिता फाप्‍सीनोङ ख्रीष्‍टकी खाबाते कामगी खित्‍सादु खितासम्‍म दया खित्‍कान्‍ते परमेश्‍वरगी ख्‍योकोनला सधैँभरि लाईदु मान तेराला थे खोरोङ दोन्‍दु स्‍योक सिन काताङा ओत। थेकीराङ ख्‍योकोनला सेम सेता ओत्‍सादुई लोक्‍ला आँट तेरग्‍यो, जस्‍तो ओङजीनोङ मेलेबा खित्‍सादुई जोए खाला ज्‍य्‌वाक्‍यो थेमे ख्रीष्‍टला विश्‍वास खिन देताला शक्ति तेरग्‍यो।