रोमी 3:21 - जिरेल

²¹ बात दोक ईन्‍सीनोङ थाचेन परमेश्‍वर नियम बात मिक्‍किता खालाराङ परमेश्‍वरगी चुक खाला मिओनला दोषी मेन सिते सिरच्‍येते बात छ्या स्‍ये च्‍युत्‍कीन बिन्‍दा ओत। थेकी मिओनला चुक खाला थोक्‍ते मि ईन सिते सिरच्‍येते बातचेन परमेश्‍वर नियमला थेमे परमेश्‍वर बात खित्‍कान्‍ते मिओनगी टिबाते बातलाङ साबा ओतान।

रोमी 3:21 Iomraidhean Croise

लूका 24:44

थेमे थेकी थेबाला “मोशेकी टिबाते नियमला थेमे परमेश्‍वर बात खित्‍कान्‍ते मिओनगी टिबाते किताबला ङे विषयला टिबा ओत। थोकराङ खाईन भजन किताबलाङ ङे विषयला टिबा ओत। ङाला चुक चुक ओङगीते सिन टिबाते बात गाङे साबा च्‍योकराङ ओङा फाप्‍क्‍यो सिन ङे गोमा ख्‍योकोनताङ ङ्योम्‍बु ओत्‍जीनराङ साबा ओतान,” सिन सिदुक।

यूहन्‍ना 1:45

थेमे फिलिपकीङ नथानेलला ठेता खाईन “मोशेकी टिबाते परमेश्‍वर नियमला तिरी इस्राएलीओन नाङ मिज्‍यीक ओङगो सिन साबा ओतान। थेमे परमेश्‍वर बात खित्‍कान्‍ते ज्‍येन ज्‍येनगीङ थे ओङगो सिन टिबा ओतानना, थेबेकी साबाते होथे मिला ङ्योकोनगी ठेत्‍सुङ। थेचेन नासरतपे यूसुफ फुज्‍युङ येशू ईन,” सिन सिदुक।

शक्ति काम 10:43

थेमे परमेश्‍वर बात खित्‍कान्‍ते मि गाङेकी गोमाकाराङ येशू ख्रीष्‍ट विषयला बात खाईन थेला विश्‍वास खित्‍कान गाङेला परमेश्‍वरगी थेबेकी खाबाते पाप गाङे माफ तेरग्‍यो। दोक खाला पाप माफ तेरच्‍येते थेकी येशू ख्रीष्‍टकी खाबाते कामगी खित्‍सादु खिओ सिरच्‍येते बात खाबा ओतान,” सिन सिदुक।

शक्ति काम 15:11

साँच्‍चीराङ थोक खिता मेङगो। च्‍यि प्रभु येशूकी ङुरूङलाङ थेबाला च्‍योकराङ खाईन दया खाईन पापदुकी टालाते मेनरो?” सिन सासुङ।

शक्ति काम 26:22

दि दिनसाक परमेश्‍वरगी ङाला लेमुराङ खाईन ताबा ओत। थोगी खित्‍सादु ङा दुरूङ छ्ये टेक्‍टे जो ईन्‍सीनोङ गाङेला ङाराङगी छ्या स्‍येबातेताङ ओङाते बातकामा खिन ओत। दोक खित्‍जीन मोशा थेमे परमेश्‍वर बात खित्‍कान्‍तेबेकी तिरी चुक चुक ओङगीते सिन साबाते बातराङ ङा लोप्‍कीन ओत।

शक्ति काम 28:23

थेमे थेबेकी लोक्‍ला थे बात ङेन्‍दाला दि छोमु ओङगो सिन दिनगी टुङ्गो खासुङ। थेमे थे छोमु यहूदीओन झन काल्‍बेई पावल ओत्‍सादु जम्‍मा ओङसुङ। थेमे थेकी थेबाताङ च्‍याक ङोमुमेकी ग्‍वासेसाकराङ बात खिन परमेश्‍वर राज्‍य बात लाप्‍कीन बिन्‍सुङ। थोक खित्‍जीन थेकी मोशेकी टिबाते परमेश्‍वर नियमला थेमे परमेश्‍वर बात खित्‍कान्‍तेबेकी ख्रीष्‍टकी विषयला टिबाते बात लोप्‍कीन थेबेकी टिबाते होथे बातओन येशूकी पूरो खासुङ सिन थेबाला लेमु खाईन लाप्‍कीन बिन्‍सुङ।

रोमी 1:17

च्‍यिला सासीन परमेश्‍वरगी चुक खाला मिओनला दोषी मेन सिते थेमे येशूला विश्‍वास खित्‍कान्‍ते मिलाचेन विश्‍वास खाबेकी खित्‍सादु परमेश्‍वरगी दोषी मेन सिओ सिन गा लाङच्‍येते बातलाराङ साबा ओत। बात दोकराङ ईन सिन परमेश्‍वर बातला “थे खोरोङला विश्‍वास खित्‍कान्‍ते मिला परमेश्‍वरगी दोषी मेन सिओ। थेमे थोक्‍ते मिकी नोमुङ मिसिन्‍च्‍येते जुनी ङेत्‍क्‍यो,” सिन साबा ओत।

रोमी 1:2

दि गा लाङच्‍येते बात तिरी लेमु खाला छ्या स्‍ये ज्‍युत्‍क्‍यो सिन परमेश्‍वरगी गोमाका थे खोरोङ बात खित्‍कान्‍ते मिओनला परमेश्‍वर बातला टिक च्‍युता ओतान।

रोमी 16:26

थाचेन परमेश्‍वरगी मिओनला छ्या स्‍ये च्‍युत्‍कीन बिन्‍दा ओत। दि गा लाङच्‍येते बातकी विषयलाचेन परमेश्‍वर बात खित्‍कान्‍तेबेकीङ गोमाका टिबा ओतान। सधैँ देत्‍कान्‍ते परमेश्‍वरगी दोकराङ ओङस्‍यीत साकीन जात जातकी मिकी थे खोरोङला विश्‍वास खाला थेकी साबाते ङेन्‍स्‍यीत सिन गाङेपा गा लाङच्‍येते बात लाप्‍कीन बिन्‍दा ओत।

रोमी 3:28

परमेश्‍वर नियम ङेन्‍ला मि सुङलाङ परमेश्‍वरगी दोषी मेन मिसिरो। येशू ख्रीष्‍टकी खाबाते कामगी खित्‍सादु खोपरोङला दोषी मेन सिओ सिन थेला विश्‍वास खित्‍कान्‍ते मिओनलाकामा थेकी दोषी मेन सिओ। दि बात ङुरूङगी लेमु खाईन छ्या स्‍येबा ओत।

रोमी 5:19

थोक खाईन मिज्‍यीगी परमेश्‍वरगी साबाते माङेन्‍देकी खित्‍सादु मि काल्‍बेई पापी ओङाते ईन। लोक्‍ला ज्‍येनज्‍यीगी थेकी साबाते ङेन्‍देकी खित्‍सादुचेन परमेश्‍वरगी मि काल्‍बेईला दोषी मेन सिरच्‍येते ईन।

रोमी 5:21

थोगी पाप खाबेकी खित्‍सादु पापकी सजाय भोगे खाला मि गाङे स्‍या फाप्‍च्‍या ओङा ओतान। तर थाचेन परमेश्‍वरगी दया खाला थेबाला दोषी मेन साला थेबेकी नोमुङ मिसिन्‍च्‍येते जुनी ङेत्‍क्‍यो। ङुरूङ प्रभु येशू ख्रीष्‍टकी खित्‍सादुराङ दोक ओङाते ईन।

रोमी 9:30

थोगी बातचेन दोकराङ ईन। च्‍यि सासीन ज्‍येन ज्‍येन जातकी मिकी परमेश्‍वरगी खोपरोङला दोषी मेन सिरस्‍यीत सिन छ्याःङ माक्‍यासीनोङ परमेश्‍वरगीराङ थेबाला दोषी मेन सिदुक। परमेश्‍वरगी खोपरोङला दोषी मेन सिओ सिन थेबेकी थेला विश्‍वास खाबेकी खित्‍सादुराङ थेकी थेबाला थोक्‍ते मि ईन सिन साबाते ईन।

१ कोरिन्‍थी 1:30

परमेश्‍वरगी खित्‍सादुकामा ख्‍योकोन येशू ख्रीष्‍टताङ जीउज्‍यीकराङ ओङाते ईन। येशू ख्रीष्‍टला ताला परमेश्‍वर चुक बुद्धि पुरे खाला काम खित्‍कान्‍ते ईन्‍दे सिन छ्या स्‍येक्‍यो। च्‍यि सासीन ख्रीष्‍टकी खित्‍सादु परमेश्‍वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।

२ कोरिन्‍थी 3:9

परमेश्‍वर दोन्‍दु मि दोषी ईन सिन छ्या स्‍येच्‍येते नियम तेरजीननी परमेश्‍वरते चुक छ्येज्‍यीक शक्ति ओता ईन्‍दाका सिन थोङा ओतान सासीन थेकी मिओनला दोषी मेन सिन सानामेई थेत्ताङ चुक छ्येज्‍यीक शक्ति ओता ईन्‍दाका सिन झन लेमु खाला छ्या स्‍येक्‍यो।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

गलाती 3:8

ज्‍येन ज्‍येन जातकी मिलाङ तिरी थेबेकी थे खोरोङला विश्‍वास खितेकी खित्‍सादु परमेश्‍वरगी थेबाला दोषी मेन सिओ सिन गोमाकाराङ परमेश्‍वर बातला टिबा ओतान। दोक ओङगो सिरच्‍येते गा लाङच्‍येते बात खाईन परमेश्‍वरगी अब्राहामला “खुई छ्य्‌वापेकीराङ लुङबा लुङबे मिकी आशी ङेत्‍क्‍यो,” सिन साबा ओतान।

गलाती 5:5

ङुरूङनी परमेश्‍वर नियम ङेन्‍देकी मेन्‍गीन येशू ख्रीष्‍टला विश्‍वास खाबेकीका परमेश्‍वरगी दाक्‍पोनला दोषी मेन सिन साबाते ईन सिन पत्ते खिओ। परमेश्‍वर आत्‍मा ङेता ओतेकी था तिरी परमेश्‍वरगी दाक्‍पोनला पक्‍काराङ दोषी मेन सिओ सिन ङुरूङ आश खाला गुलाराङ देत्‍क्‍यो।

फिलिप्‍पी 3:9

थेमे परमेश्‍वरगी ङाला ख्रीष्‍टताङ लेमु खाईन डिगीन देताते थोङस्‍यीत सिनराङ ङे होथे गोमे बाततेबा विचारराङ खिता ताङाते ईन। परमेश्‍वर नियम ङेन्‍गीन धर्म कर्म खाबेकी खित्‍सादु मेन, बरू ङा ख्रीष्‍टला विश्‍वास खित्‍कान्‍ते मि ईन सिन थाचेन परमेश्‍वरगी ङाला दोषी मेन सिन सिओ। च्‍यिला सासीन परमेश्‍वरगी मिकी खाबाते काम ताला मेन्‍देकी ख्रीष्‍टकी खाबाते काम ताला थेला विश्‍वास खित्‍कान्‍ते मिओनला दोषी मेन सिन सिओ।

१ पत्रुस 1:10

परमेश्‍वरगी ख्‍योकोनला दया खाला पापदुकी डेल्‍च्‍येते बात खिन परमेश्‍वर बात खित्‍कान्‍ते मिओनगी परमेश्‍वरगी मिला पापदुकी डेल्‍च्‍येते चुक खाला नाम खिताका सिन आउदी खाईन छ्या स्‍येबा चाला ओतान।

२ पत्रुस 1:1

दि चिट्ठी टिक्‍कान्‍ते ङा शिमोन पत्रुस ईन। ङा येशू ख्रीष्‍ट काम खित्‍कान्‍ते थेकी खटे खाबाते मि ईन। ङा दि चिट्ठी जे खित्‍जीनोङ ठीक खाला खित्‍कान्‍ते ङुरूङला पापदुकी डेल्‍कान्‍ते येशू ख्रीष्‍टकी खित्‍सादु ङेराङ च्‍योकराङ पक्‍का खाला थेला विश्‍वास खिता ङेताते मिओनला टिगीन ओत। येशू ख्रीष्‍टराङ ङुरूङ परमेश्‍वर ईन।