रोमी 3:10 - जिरेल

¹⁰ मि गाङे पापी ईन सिन परमेश्‍वर बातलाङ दोक सिन टिबा ओत। चुक सासीन “गल्‍ती मिक्‍किकान्‍ते सिराते सुङ मेत। मि गाङे दोषी ईन।

रोमी 3:10 Iomraidhean Croise

मत्ती 15:19

च्‍यिला सासीन मि सेम मेलेबा ओतेकीराङ मिकी मेलेबा मेलेबा विचार खित्‍च्‍येते, मि सेत्‍च्‍येते, मि ख्‍यावा फेम्‍मेताङ ङ्याल्‍च्‍येते, रन्‍डीबाजी खित्‍च्‍येते, कुच्‍येते, मेन्‍दे बातला ज्‍येनला दोष लै खित्‍च्‍येते थेमे ज्‍येनला मोत्‍च्‍येते ईन।

मर्कूस 10:18

थोक सिरजीन थेकी थेला “खो ङाला लेमु मि सिन मासेर। परमेश्‍वरकामा लेमु ईन सिन सिरा फाप्‍क्‍यो।

रोमी 11:8

थेबा थोक डुइओ सिन परमेश्‍वर बातला “परमेश्‍वरगीराङ थेबाला छ्याःङ खोबा मुथुप्‍च्‍या जोसुङ। थोक ओङेकी मिक ओत्‍सीनोङ थेबेकी परमेश्‍वरगी खाबाते काम छ्याःङ थोङराङ मोथोङदुक। थेमे नामज्‍योक ओत्‍सीनोङ थेकी खाबाते बात छ्याःङ थोराङ मोथोदुक। थोरूमसाकोङ थेबा होथोकराङ गाल्‍गीन देत्‍ला दुक,” सिन टिबा ओतान।

रोमी 3:11

गाङे मि लेम्‍बा गाल्‍गीन सिन्‍ला दुक। परमेश्‍वर छ्य्‌वापा लै खित्‍च्‍येते सेम सिराते सुङगीतेङ मिन्‍दुक।

रोमी 3:23

च्‍यिला सासीन मि गाङेकी पाप खाबेकी खित्‍सादु सुङ परमेश्‍वर दोन्‍दु जस्‍तो लेमु ओङा फाप्‍च्‍या ओतान उस्‍तोराङ मायाङसुङ।

रोमी 3:4

थोकनी थेकी खितराङ मिक्‍किओ। ओताते मिबरी गाङेकी खोपरोङगी खिओ साबाच्‍योक मिक्‍किता खाईन ढाँर खासीनोङ परमेश्‍वरगीचेन नोमुङ दोक मिक्‍किओ। थेकी जहिलेङ थे खोरोङगी साबा च्‍योकराङ खिओ। थे खिओ साबा च्‍योकराङ खित्‍कान्‍ते ईन सिन परमेश्‍वर बातलाङ दोक सिन टिबा ओत। चुक सासीन “परमेश्‍वर खोरोङगी खिओ साबाच्‍योक पक्‍काराङ खित्‍कान्‍ते ईन सिन मि गाङेकी लेमु खाला छ्या स्‍येक्‍यो। खुई साबा च्‍योकराङ माक्‍यासुङ सिन सुङगीङ खोल्‍ला दोष लै खिता मुथुबो,” सिन साबा ओत।

तीतस 3:3

गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।

१ पत्रुस 1:16

परमेश्‍वर बातला “ख्‍योकोनगी जे खित्‍जीनोङ सेमला पाप सिराते छ्याःङ मोज्‍योबा खाला खि। च्‍यिला सासीन ङा सेमला पाप सिराते छ्याःङ मेताते ईन,” सिन परमेश्‍वरगी साबाते बात साला दुक।

छ्या स्‍ये च्‍युताते बात 21:8

तर ङे मि ईन सिरा ज्‍यीबा खित्‍कान्‍तेबा, ङाला विश्‍वास मिक्‍किकान्‍तेबा, मेलेबा मेलेबा काम खित्‍कान्‍तेबा, मि सेत्‍कान्‍तेबा, रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबा, स्‍युत्‍च्‍या फुत्‍च्‍याताङ मन्‍तर तन्‍तर खित्‍कान्‍तेबा, ल्‍हा लुला माने खित्‍कान्‍तेबा थेमे ढाँर खित्‍कान्‍तेबाचेन गाङेराङ गन्‍धकताङ मे बाराते ज्‍यीबा लाङच्‍याज्‍यीक मे धुनीमा स्‍यूक्‍पा फाप्‍क्‍यो। था तिरी ज्‍यीबा लाङच्‍याज्‍यीक मे धुनीमा स्‍यूक्‍च्‍येते सिरातेचेन होदिराङ ईन,” सिन सिदुक।

छ्या स्‍ये च्‍युताते बात 22:15

थे सारगी फिनामाचेन फेत्‍कान्‍ते कि च्‍योकराङ मेलेबा खित्‍कान्‍ते मिओन, स्‍युत्‍च्‍या फुत्‍च्‍याताङ मन्‍तर तन्‍तर खित्‍कान्‍ते मिओन, रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍ते मिओन, मि सेत्‍कान्‍तेबा, ल्‍हा लुला माने खित्‍कान्‍तेबा थेमे ढाँर खिताला छ्याःङ च्‍योक मिक्‍किकान्‍ते मिओनकामा देत्‍क्‍यो।