रोमी 2:9 - जिरेल

⁹ थोक खाला मेलेबा काम खित्‍कान गाङेकी तिरी ज्‍यीबा लाङच्‍या दुक्‍पा ङेत्‍क्‍यो। दोक्‍ते दुक्‍पा गोमा यहूदीओनला थेरूई ज्‍येन ज्‍येन जातकी मिला ओङगो।

रोमी 2:9 Iomraidhean Croise

मत्ती 16:26

सुइँदेकी दि जुनीला दि सा लुङबादु ओतातेबरी जेसुकै ङेता ओत्‍सीनोङ स्‍यिनामेई थे मिते च्‍यि आश ओङगीतेरो? थोक्‍ते मिकी च्‍यि खाला याङराङ थे खोरोङ जुनी ङेत्‍कीतेरो? छ्याःङ खालाङ थेकी थे जुनी मेङेदो।

लूका 24:47

थेमे ख्रीष्‍टकी खाबाते कामगी खित्‍सादु मि गाङेकी खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍येते मौका ङेत्‍क्‍यो। थेमे थेबेकी खाबाते पाप गाङे परमेश्‍वरगी माफ तेरग्‍यो सिन होदि बात यरूशलेमदुकी शुरू खाला लुङबा लुङबे मिला लोपा फाप्‍क्‍यो सिनोङ टिबा ओत।

शक्ति काम 11:18

थेकी दि गाङे बात सानामेकी गोमा थेला ङारकान्‍ते मि गाङेराङ खाराक्‍पा देत्‍सुङ। थेमे थेबेकी परमेश्‍वरते जय जय खिनकामा “दि चुक अचम्‍बे बात ईन्‍दाका। थानी परमेश्‍वरगी ङुरूङगी च्‍योकराङ खाला ज्‍येन ज्‍येन जातकी मिकीङ नोमुङ मिसिन्‍च्‍येते जुनी ङेत्‍स्‍यीत सिन थेबाला खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍ये मौका तेराला स्‍यूदुक,” सिन बात खासुङ।

शक्ति काम 13:26

आज्‍यो न्‍वावे, ख्‍योकोन दुरू अब्राहाम सन्‍तान थेमे परमेश्‍वरला माने खित्‍कान्‍ते ज्‍येन ज्‍येन जातकी मिङ ओत। येशू बात थोरूम चुक सासीन परमेश्‍वरगी ङुरूङला पापकी सजायदुकी डेलाला थेला ताङाते ईन।

शक्ति काम 20:21

यहूदी ईन्‍स्‍यीत, ग्रीक ईन्‍स्‍यीत ङे गाङेला ओर्च्‍ये ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि थेमे प्रभु येशूला विश्‍वास खि सिन साबा ओत। ङे दोक दोक खाबा ओतान सिन ख्‍योकोन गाङेला छ्याराङ ओत।

शक्ति काम 26:20

थोगी ङे गोमा दमस्‍कसदु थेमे यरूशलेमताङ यहूदिये अञ्‍चल नाङला गाङेपा थेमे ज्‍येन लुङबा लुङबाला गाल्‍गीन ज्‍येन ज्‍येन जातकी मिलाङ ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि सिन लापाप। थोक खित्‍जीन ङे थेबा गाङेला खोपरोङ पक्‍काराङ परमेश्‍वर छ्य्‌वापा लै खाबाते ईन सिन कामगीराङ खाला तेन्‍दा फाप्‍क्‍यो सिन साबाप।

शक्ति काम 28:17

थेरू लेपाते ङीमा सुम तिरी पावलगी थेरू ओताते यहूदीओन छ्ये छ्ये मिला थे खोरोङ ओत्‍सादु काताङसुङ। थेमे थेबा जम्‍मा ओङनामेकी थेकी थेबाला “आज्‍यो न्‍वावे, बात च्‍यि सासीन ङे दाक्‍पोन जातकी मि सुङलाङ छ्याःङ मेलेबा खाबा मेतान। थेमे ज्‍युज्‍यु पुर्खे पालोमेकी चले खिन वाबाते रीतिथितिङ ङ्ये च्‍युता मेतान। दोक खाला ङेते छ्याःङ गल्‍ती मेत्‍सीनोङ दाक्‍पोन यहूदीओनगीराङ ङाला यरूशलेमदु जुम्‍गीन थेरू रोमी गेल्‍बो मिओन लाःक्‍तु सोम्‍पे खासुङ।

शक्ति काम 28:28

गोमा साबाते थे बातकामा मेन, था ख्‍योकोनगी दि बादोङ छ्या स्‍येबा खि। च्‍यि सासीन परमेश्‍वरगी मिओनला पापकी सजायदुकी डेल्‍ग्‍यो सिरच्‍येते बात ज्‍येन ज्‍येन जातकी मिला लोप सिन साबा ओत। थेबेकीचेन थे बात थोनामेई सत्‍यतेराङ दुका सिन ङेन्‍ग्‍यो,” सिन सासुङ।

शक्ति काम 3:26

साबा च्‍योकराङ खाईन ख्‍योकोन गाङेला मेलेबाते कामदुकी टाल्‍ला आशी बिन्‍ला लेमु खिताला परमेश्‍वरगी थे खोरोङ काम खित्‍कान्‍ते येशूला गोमा ख्‍योकोन नाङ ताङाते ईन,” सिन सिदुक।

रोमी 1:16

गा लाङच्‍येते बात लोपाला ङाला सुङताङ छ्याःङ ङोचा मालाङदुक। च्‍यिला सासीन दि बातला परमेश्‍वरताङ चुक छ्येज्‍यीक शक्ति ओते सिरच्‍येते बात ओत। दि बात ङेन्‍ला येशूला विश्‍वास खित्‍कान्‍ते मिबरी गाङेला परमेश्‍वरगी पापदुकी डेल्‍ग्‍यो। दि पापदुकी डेल्‍च्‍येते काम परमेश्‍वरगी गोमा यहूदीओनला खासीनोङ ज्‍येन ज्‍येन जातकी मिलाङ खिओ।

रोमी 10:12

होदि बातओन यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत मि गाङे लाईदु ईन। परमेश्‍वर दोन्‍दु मि गाङे थोजोराङ ईन। थेमे थेबा गाङेते मालिकचेन प्रभु येशू ख्रीष्‍टराङ ईन। थे खोरोङ छ्य्‌वापा लै खाला थेला मद्धत नाङ सिरकान गाङेला थेकी आउदी खाला आशी बिन्‍ला लेमु खिओ।

रोमी 2:10

लोक्‍ला लेमु काम खित्‍कान्‍तेबालाचेन यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत परमेश्‍वरगी गाङेला थे खोरोङगी ज्‍वा चाला च्‍योकराङ लेमु जोइओ। थेकी थेबाला मान बिन्‍ला ढुक्‍क खाला देत ज्‍युत्‍क्‍यो।

रोमी 8:35

थोगी च्‍यि था सुइँदेकी थेमे खइँदेकी ङुरूङला ङिङज्‍ये खित्‍कान्‍ते येशू ख्रीष्‍ट छ्य्‌वापेकी डेला थुप्‍क्‍योतरो? च्‍यि सासीन ङुरूङला दुक्‍पा ओङसीनोङ, पीर फाप्‍सीनोङ, ज्‍येनगी खेदा खाईन दुक्‍पा बिन्‍सीनोङ, त्‍वाबा तुक्‍पाताङ पेर्दुङबाराङ देता फाप्‍सीनोङ, खइँसाला दाक खइँदा ओङगीता सिन ज्‍यीबा खिता फाप्‍सीनोङ थेमे सेत्‍सुङराङ सासीनोङ येशू ख्रीष्‍टकी ङुरूङला ङिङज्‍ये खिता ताङाक्‍वा सिन नोमुङ सिरा माफाबो।

रोमी 9:24

थेकी थोक खिओ सिन टुङ्गो खाबाते मिओनचेन ङुरूङराङ ईन। थेकी ङुरूङला यहूदी नाङदुकीकामा मेन्‍देकी ज्‍येन ज्‍येन जातकी नाङदुकीङ थे खोरोङ दोन्‍दु स्‍योक सिन काताङा ओत।

गलाती 3:28

थोगी येशू ख्रीष्‍टताङ जीउज्‍यीकराङ ओङा ओतेकी यहूदी ईन्‍स्‍यीत कि ग्रीक ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत, ख्‍योओ मि फेम्‍मे मि जोराङ ईन्‍सीनोङ था ख्‍योकोन गाङेराङ थोजोराङ ईन।

कलस्‍सी 3:11

थेकी दोक लेमु खिन ओताते मि नाङ ग्रीक ईन्‍स्‍यीत कि यहूदी ईन्‍स्‍यीत, जीउला खतकी चिनु जोबाते मि ईन्‍स्‍यीत कि थे चिनु माजोबाते मि ईन्‍स्‍यीत, ज्‍येन ज्‍येन लुङबे मि ईन्‍स्‍यीत कि सिथिया सिराते मिओन ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत गाङे थोजोराङ ईन। सु च्‍यि जातकीते ईन्‍दे, सु छ्ये टेक्‍टे ईन्‍दे सिरच्‍येते बात ओङा मेङगो। ख्रीष्‍टकामा छ्ये ईन। थे खोरोङ मि गाङे सेमगी नाङ थेराङ देत्‍क्‍यो।

२ थिस्‍सलोनिकी 1:6

थेकी सु सुला चुक खिता फाप्‍च्‍या दुका थे ताला थरिङोला ख्‍योकोनला दुक्‍पा तेरकान्‍ते मिओनला सजाय बिन्‍ला दुक्‍पा तेरग्‍यो।

१ पत्रुस 4:17

थेमे था परमेश्‍वरगी मि गाङे न्‍याय खित्‍च्‍येते बेला लेपा खासुङ। था थेकी गोमा ङुरूङ न्‍याय खिओ। दोक खाला थे खोरोङ मिओनतेनी थेकी न्‍याय खिओ सासीन झन थे खोरोङ गा लाङच्‍येते बात मेङेन्‍कान्‍ते मिओनला चुकका खाओङा।