रोमी 2:8 - जिरेल

⁸ परमेश्‍वरगी छ्या स्‍ये च्‍युताते सत्‍यते बात मेङेन्‍दा खाला खोपरोङ खुशी खिन मेलेबा काम खित्‍कान्‍ते मिओनलाचेन थेकी स्‍येदाङगी चूर गाल्‍ला सजाय तेरग्‍यो।

रोमी 2:8 Iomraidhean Croise

रोमी 1:18

बात चुक सासीन मिओनगी परमेश्‍वरगी माकेत साबाते मेलेबा मेलेबा काम खाईन पाप खाबेकी खित्‍सादु थेकी स्‍येदाङगी चूर गाल्‍गीन स्‍वर्गनेकी थेबाला सजाय तेराला स्‍यूबा ओत। परमेश्‍वरगी सत्‍यते बात छ्या स्‍येबा खाईन बिन्‍दा ओत्‍सीनोङ थे मेङेन्‍दा खाला मिओनचेन पापकामा खिन दुक।

रोमी 10:16

थोक खाईन इस्राएलीओनगी थे बात थोबा ओता ईन्‍सीनोङ थोकान्‍तेबा गाङेकी थे गा लाङच्‍येते बातला नामज्‍योकराङ मासेत्‍सुङ। थेबेकी थोक खासुङ सिन यशैयेकी “ए प्रभु परमेश्‍वर, ङ्योकोनगी साबाते बात गाङेकी थोसीनोङ सुई नामज्‍योक सेत्‍सुङारो?” साबाते बातताङराङ डिइओ।

रोमी 15:18

ङे लापाते बात ङेन्‍गीन ज्‍येन ज्‍येन जातकी मिकी परमेश्‍वरगी खि साबाते ङेन्‍दाला स्‍यूसुङ। ङाराङगी स्‍याप स्‍याप खाईन खाबाते कामगी खित्‍सादुका थेबेकी दोक खिताला स्‍यूबाते ईन सिनचेन ङा नोउ छ्ये मिक्‍किओ। च्‍यिला सासीन ङे थेबे नाङ खाबाते कामताङ बात गाङे ख्रीष्‍टकी शक्ति छ्य्‌वापेकी खाबाते ईन।

रोमी 6:17

गोमा ख्‍योकोन पापकी योक्‍पो च्‍योकराङ ओता ईन्‍सीनोङ थाचेन ख्‍योकोनगी खेराङला लापाते परमेश्‍वर बात सत्‍यते दुका सिन लेमु खाईन ङेन्‍गीन थेरू खि साबा च्‍योकराङ खिताला स्‍यूसुङ। ख्‍योकोन दोक खुदुक गालाते बातकी लाईदु परमेश्‍वरला धन्‍यवाद तेरगी।

रोमी 9:22

होथोकराङ खाला परमेश्‍वरलाङ थे खोरोङला जस्‍तो खिता सेम लाङगीदुक उस्‍तोराङ खित्‍च्‍येते अधिकार ओतेकी थेकी कोई कोई मिला स्‍येदाङगी चूर गाल्‍ला थे खोरोङगी तेरच्‍येते सजाय चुक मेलेबाज्‍यीक ओङगीते थेमे थे खोरोङताङ चुक छ्येज्‍यीक शक्ति ओते सिन तेन्‍गीन बिन्‍दा ओत। थेबा परमेश्‍वरगी स्‍येदाङगी चूर गाल्‍ला नरककुण्‍डमा लुबा फाप्‍च्‍येते मि ओता ईन्‍सीनोङ थे थेबाताङ होत्ता स्‍येदाङ मिक्‍किता खाईन काल्‍बासाक खपे खाईन देता ओतान।

१ कोरिन्‍थी 11:16

ङे साबाते दि बातला सुइँदा टेकाटेउरी खिता छोल्‍गीदुक सासीन खित्‍स्‍यीत। परमेश्‍वरगी सिर च्‍युताते बात सिरजीन थेमे प्रार्थना खित्‍जीन चुक खित्‍च्‍ये सिरच्‍येते बातला दि बाई ङ्योकोनगी सिरच्‍येते छ्याःङ बात मेत। थेमे ठाउँ ठाउँला जम्‍मा ओङकान्‍ते परमेश्‍वर मिओनतेङ ज्‍येन खुदुक चलन ओतराङ मेत।

२ कोरिन्‍थी 12:20

था ङा थेपा ओङजीन ङे साबा ओताच्‍योक मेन्‍देकी ख्‍योकोनगी खुदुकराङ काम खिन ओताते थोङा फाप्‍कीता सिन ङाला पीर लाबा ओत। थोकराङ खाला ख्‍योकोनगीङ ङाला खुदुकराङ गालाते च्‍योक थोङगीता सिनोङ ङाला पीर लाबा ओत। च्‍यि सासीन थोरूमोङ ख्‍योकोन थोम्‍मु जीङगा खिन ओताते, मिला डार खिन ओताते, मित्ताङ स्‍येदाङ खित्‍च्‍येते, ज्‍येनगी वास्‍ता मिक्‍किता खाला दाक्‍पोन फाइदाकामा ताच्‍येते, मिला मोत्‍च्‍येते, मि पनी खित्‍च्‍येते, ङा ङाराङ ईन सिराच्‍योक खित्‍च्‍येते थेमे गाङेराङ डिक्‍ला थुन्‍ला काम खिता साटोला आफूराङस्‍ये खाला ख्‍याम्‍गीन ओताते थेप्‍कीता सिन ङाला सुर्ता लाबा ओत।

गलाती 5:20

ल्‍हा लुला माने खिओ थेमे स्‍युत्‍च्‍या फुत्‍च्‍याताङ मन्‍तर तन्‍तर खिओ। थेकी ज्‍येनला ङिङमार खिओ, थोम्‍मु जीङगा खिओ, डार खिओ, पालोईला स्‍येदाङ फुङ पुङगो, दाक्‍पोनकामा छ्ये ओङा छोल्‍ग्‍यो, डिक्‍ला थुन्‍ला देता माचाल्‍ला फाटो ओङच्‍येते कामकामा खिओ

फिलिप्‍पी 1:17

ङाला डार खाला ख्रीष्‍टते गा लाङच्‍येते बात लोप्‍कान्‍तेबेकीचेन लेमु सेमगी लापाते मेन। मिओन खोपरोङ छ्य्‌वापा लै खाला खोपरोङला मान खित्‍स्‍यीत सिन थेमे मिओन थेबे छ्य्‌वापा लै खादुक सिन ङा जेलदु देते लाक्‍तुङ झन पीर खित्‍स्‍यीत सिन थेबेकी थोक खित्‍च्‍येते ईन।

फिलिप्‍पी 2:3

ख्‍योकोन सुङगीङ च्‍यि खासीन दाक्‍पोनला फाइदा ओङगीका थे ताला काम माकेत। ज्‍येनगी खेराङला मान खित्‍स्‍यीत सिरच्‍ये सेमगी काम माकेत, ङे छेत ज्‍येनगी खिताराङ मुथुबो सिराच्‍योक मिक्‍किता खाला बरू ज्‍येनला मान खि।

२ थिस्‍सलोनिकी 1:8

परमेश्‍वरला माने मिक्‍किकान्‍ते थेमे ङुरूङ प्रभु येशूते गा लाङच्‍येते बात मेङेन्‍कान्‍ते मिओनला थेबेकी ङेता फाप्‍च्‍येते सजाय तेरग्‍यो।

तीतस 3:9

तर बात खाला नोमुङ डिक्‍पा मुथुप्‍च्‍येते छ्याःङ काम लै मिक्‍किच्‍येते थाङबो थाङबोमे वंशावली बातओन खित्‍च्‍येते थेमे परमेश्‍वर नियम बात खाला टेकाटेउरी खिन थोम्‍मु खित्‍च्‍येतेचेन नोमुङ माकेत। थोक्‍ते बात खाला डिक्‍च्‍येतेताङ सुइँदाला लेमु ओङच्‍येते सिराते नोमुङ छ्याःङ मेङगो।

हिब्रू 10:27

दोक खाला पाप खित्‍कान्‍ते मिकीनी परमेश्‍वरगी मि गाङे न्‍याय खिते छोमु थे खोरोङ शत्रुओनला सजाय तेराला ठीक खाबाते आउदी ज्‍यीबा लाङच्‍येते मे नाङमा स्‍यूक्‍पा फाप्‍क्‍यो सिरच्‍येते बातकामा ठेम्‍बा खासीन ओङगो।

हिब्रू 11:8

अब्राहामोङ परमेश्‍वरगी थे खोरोङला ज्‍येनज्‍यीक लुङबा तेरग्‍यो, थेपा ग्‍युक सिन सानामेई थेला विश्‍वास खाईन थे खोरोङ लुङबा ताङगीन ख्‍याम्‍सुङ। थोक खाला ख्‍याम्‍जीन ङा दि ठाउँदुराङ डुइन ओत सिन थेला छ्याःङ छ्या मेतान।

हिब्रू 5:9

दोक खाईन परमेश्‍वरगी खि साबाते जति पूरो खाबा ओतेकी थे खोरोङ बात ङेन्‍कान्‍तेबाला थेकी पूरो खाला पापदुकी टाल्‍ला सधैँ स्‍वर्गने देत ज्‍युत्‍क्‍यो।

याकूब 3:14

तर ख्‍योकोनगी ज्‍येनला आउदी खाला डार खित्‍च्‍येते थेमे दाक्‍पोनकामा छ्ये ओङा छोल्‍च्‍येते खासुङ सासीन खेराङ आउदी बुद्धि ओताते मि ईन सिन छ्ये माकेत। खेराङताङ बुद्धि ओत सिन ख्‍योकोनगी साँचोते बात खाबाते मेन।

याकूब 3:16

ज्‍येनला डार खित्‍कान्‍ते थेमे दाक्‍पोनकामा छ्ये ओङा छोल्‍कान्‍ते मि ओत्‍नामेकीराङ दाक्‍पोन दाक्‍पोन नाङ माडिक्‍ला फाटो ओङच्‍येते थेमे मिकी मेलेबाते कामताङ बात खित्‍च्‍येते ईन।

१ पत्रुस 3:1

थोकराङ खाला फेम्‍मे मिवे, ख्‍योकोनगी दाक्‍पोन ख्‍योबो अधीनला देत्‍ला थेबाला मान खि। थेबा कोईकी परमेश्‍वर बात ङेन्‍दा मेत्‍सीनोङ ख्‍योकोन चालचलनताङ बानी लेमु थोङनामेई थेबाला थे बात ङेन सिन सिराराङ माफापा खाला थेबेकीङ प्रभु येशूला विश्‍वास खिता थुप्‍क्‍यो।

१ पत्रुस 4:17

थेमे था परमेश्‍वरगी मि गाङे न्‍याय खित्‍च्‍येते बेला लेपा खासुङ। था थेकी गोमा ङुरूङ न्‍याय खिओ। दोक खाला थे खोरोङ मिओनतेनी थेकी न्‍याय खिओ सासीन झन थे खोरोङ गा लाङच्‍येते बात मेङेन्‍कान्‍ते मिओनला चुकका खाओङा।

छ्या स्‍ये च्‍युताते बात 14:10

मिकीङ परमेश्‍वरगी कचौराला लुक्‍पा ओताते कन्‍देते अंगूर छ्याङ थुङा फाप्‍क्‍यो। थे कचौरे छ्याङ थुङच्‍या सिरातेचेन परमेश्‍वरगी स्‍येदाङगी चूर गाल्‍ला तेरच्‍येते सजाय ईन। थोक्‍ते मिकीचेन सधैँभरि परमेश्‍वर दूतओन थेमे लुई रीउ दोन्‍दु गन्‍धक बारसादु छिगीन देता फाप्‍क्‍यो।

छ्या स्‍ये च्‍युताते बात 16:19

थे सेदेर्मुकी खित्‍सादु थे जोदाते सार टुक्रा सुम गाल्‍सुङ। थोकराङ खाईन लुङबा लुङबे सारतेबाङ राम्‍गीन गाङे नाश गाल्‍सुङ। दि जोदाते सार बेबिलोनला परमेश्‍वरगी टोक ज्‍येता मेतान। थोगी थेकी बेबिलोनला कचौराला लुक्‍पाते अंगूर छ्याङ थुङ च्‍युत्‍सुङ। थे कचौरे छ्याङ थुङच्‍या सिरातेचेन परमेश्‍वरगी स्‍येदाङगी चूर गाल्‍ला तेरच्‍येते सजाय ईन।