रोमी 2:5 - जिरेल

⁵ परमेश्‍वरगी दोक दया खासीनोङ थेकी साबाते मेङेन्‍दा खाईन ख्‍योकोन डेब्रो खाईन देत्‍ला दुक। थेमे मेलेबाते काम खिताङ ताङा मिन्‍दुक। दोक खिन देता ओतेकी था तिरी परमेश्‍वरगी स्‍येदाङगी चूर गाल्‍ला सुङलाङ काका पाका मिक्‍किता खाला न्‍याय खिता छोमु ख्‍योकोनगी झन छ्येज्‍यीक सजाय ङेत्‍क्‍यो।

रोमी 2:5 Iomraidhean Croise

रोमी 1:18

बात चुक सासीन मिओनगी परमेश्‍वरगी माकेत साबाते मेलेबा मेलेबा काम खाईन पाप खाबेकी खित्‍सादु थेकी स्‍येदाङगी चूर गाल्‍गीन स्‍वर्गनेकी थेबाला सजाय तेराला स्‍यूबा ओत। परमेश्‍वरगी सत्‍यते बात छ्या स्‍येबा खाईन बिन्‍दा ओत्‍सीनोङ थे मेङेन्‍दा खाला मिओनचेन पापकामा खिन दुक।

रोमी 11:25

थेमे याङराङ आज्‍यो न्‍वावे, परमेश्‍वरगी इस्राएलीओनला चुक चुक खिते सिरच्‍येते बात ख्‍योकोनगी छ्या स्‍येस्‍यीत सिन ङा दि बातज्‍यीक सिरामीन। दि बात ख्‍योकोनगी खेराङ बुद्धि खिये खाला छ्या स्‍येबा मुथुबो। थेकी गोमा सुङलाङ छ्या स्‍ये च्‍युता मेताते बात च्‍यि ईन्‍दे सासीन काल्‍बा च्‍योक इस्राएलीकी परमेश्‍वरगी साबाते पटक्‍क ङेन्‍च्‍ये सेम माक्‍यासीनोङ थेबा तिरीसाक दोकराङ खिन मेदेदो। परमेश्‍वरगी ज्‍येन ज्‍येन जातकी मि नाङदुकी थे खोरोङला विश्‍वास खिओ साबाते मि जति थे खोरोङ छ्य्‌वापा लै खाईन मासिनथुपकामा थेबा दोक खिन देत्‍क्‍यो।

रोमी 9:22

होथोकराङ खाला परमेश्‍वरलाङ थे खोरोङला जस्‍तो खिता सेम लाङगीदुक उस्‍तोराङ खित्‍च्‍येते अधिकार ओतेकी थेकी कोई कोई मिला स्‍येदाङगी चूर गाल्‍ला थे खोरोङगी तेरच्‍येते सजाय चुक मेलेबाज्‍यीक ओङगीते थेमे थे खोरोङताङ चुक छ्येज्‍यीक शक्ति ओते सिन तेन्‍गीन बिन्‍दा ओत। थेबा परमेश्‍वरगी स्‍येदाङगी चूर गाल्‍ला नरककुण्‍डमा लुबा फाप्‍च्‍येते मि ओता ईन्‍सीनोङ थे थेबाताङ होत्ता स्‍येदाङ मिक्‍किता खाईन काल्‍बासाक खपे खाईन देता ओतान।

२ कोरिन्‍थी 5:10

च्‍यिला सासीन ख्रीष्‍टकी न्‍याय खिते छोमु छ्ये टेक्‍टे जोराङ ईन्‍सीनोङ ङुरूङ गाङेराङ थे दोन्‍दु ड्वा फाप्‍क्‍यो। थेमे थे छोमु थेकी ङुरूङगी दि जुनीला लेमु मेलेबा चुक खाला दुका थे ताला सु सुला च्‍यि खिता फाप्‍च्‍या दुका थोकराङ खिओ।

२ थिस्‍सलोनिकी 1:5

ख्‍योकोनगी थोक खिन ओताते ताला परमेश्‍वरगी सुङलाङ काका पाका मिक्‍किता खाला न्‍याय खिओ सिन छ्या स्‍येक्‍यो। चुक सासीन परमेश्‍वर राज्‍यने देता ङेत्‍क्‍यो सिन ख्‍योकोनगी थरिङोला दुक्‍पा भोगे खिन ओताते ताला ख्‍योकोनगी लेमु खासुङ सिन परमेश्‍वरगी ख्‍योकोनला थे खोरोङ राज्‍यने देत ज्‍युत्‍क्‍यो।

हिब्रू 3:13

थोगी परमेश्‍वर बात ङेन्‍दा ताङला पाप खाला परमेश्‍वर छ्य्‌वापेई ठाला माफाप्‍स्‍यीत सिन परमेश्‍वर बात ङेन्‍दा फाप्‍क्‍यो सिन ख्‍योकोनगी दोक्‍पोईकी ज्‍येनज्‍यीकला ङीमे ठाङमा सिन देत। खेराङगी “थरिङ दिन” सिरा ङेत ङेतसाकराङ ख्‍योकोनगी दोक खिनराङ देत।

हिब्रू 3:15

आनाङ भर्खरकामा ङे ख्‍योकोनला परमेश्‍वर बातला “थरिङ परमेश्‍वरगी खेराङला च्‍यि सिका थे थोनामेई ख्‍योकोनगी खेराङ पुर्खेकी खाबाच्‍योक माकेत। थेबेकीचेन परमेश्‍वर बातला नामज्‍योकराङ मेसेता खाईन अटेरी खाबा ओतान,” सिन टिबा ओताते बात साबा ओतान।

हिब्रू 4:7

थोक खिओ सिन परमेश्‍वरगी याङराङ समयज्‍यीक तोके खाईन थे समयला “थरिङ दिन” सिन सासुङ। होदि समय बात खिन गेल्‍बो दाऊदकी “थरिङ परमेश्‍वरगी खेराङला च्‍यि सिका थे थोनामेई ख्‍योकोन अटेरी खाला मादेत,” सिन साबाते बात परमेश्‍वर बातला टिला दुक।

याकूब 5:3

थोकराङ खाला ख्‍योकोनताङ ओताते सेरताङ चाँदीङ खिये खाला डुइओ। था परमेश्‍वरगी मि गाङे न्‍याय खिते छोमु ख्‍योकोन सेर चाँदी थोक खाईन खिये खाबाते थोङजीन ख्‍योकोनगी खेराङला लेमु ओङच्‍येते कामकामा खादुक सिन परमेश्‍वरगी छ्या स्‍येक्‍यो। ख्‍योकोन सेर चाँदी थोक डोच्‍या खाईन ज्‍याक्‍पेकी ख्‍योकोन मेकी छिक्‍ला सोला डुइओ। ख्‍योकोनगी था परमेश्‍वरगी मि गाङे न्‍याय खिते छोमु सजाय ङेताला सम्‍पत्ति साकीन ज्‍याक्‍ला दुक।

२ पत्रुस 2:9

प्रभु परमेश्‍वरगी गोमा दोक दोक खाबाते बात विचार खित्‍जीन थे खोरोङगी खि साबा साबाच्‍योक खित्‍कानला मेलेबा लाङजीन, दुक्‍पा ओङजीन थेबाला चुक खाला थे छ्य्‌वापेई डेला फाप्‍कीते थेमे मेलेबा काम खित्‍कानलाचेन चुक खाला सजाय तेरा फाप्‍कीते सिन थेला छ्या ओत सिरच्‍येते बात लेमु खाला छ्या स्‍येबा थुप्‍कीदुक।

२ पत्रुस 3:7

थेकी दोक ओङस्‍यीत, थोक ओङस्‍यीत सानामेई गोमा गाङे ओङाच्‍योक खाला थरिङोला ओताते दि साताङ नामोङ परमेश्‍वरगी दि छोमुसाक लेमु ओङस्‍यीत साबा छोमुसाककामा देत्‍क्‍यो। थेमे थे खोरोङगी साबाते माङेन्‍ला मेलेबा काम खित्‍कान्‍ते मिओनला सजाय बिन्‍ला न्‍याय खिते छोमु थेकी दि सा नाम मेकी थाला जोइओ।

यहूदा 1:6

थेमे परमेश्‍वरगी मान बिन्‍गीन ज्‍याक्‍पाते ठाउँदु मेदेता खाला दाक्‍पोन खुशीला ख्‍याम्‍कान्‍ते थे खोरोङ दूतओनलाङ थेकी नोमुङ ठोला मुथुप्‍च्‍या खाईन साङलोकी ठाकीन मि गाङे न्‍याय खित्‍च्‍येते दिन मालेपथुप नरककुण्‍डमा गाङे भन्‍दा मुन्‍दाकते ठाउँनामा लुगीन ज्‍याक्‍पा ओत।

छ्या स्‍ये च्‍युताते बात 2:21

ङे थेला थोक माकेत साकीन थोक खिता थोङ सिन याङ याङ मौकाङ बिन्‍दाप। तर थेकी माङेन्‍सुङ।

छ्या स्‍ये च्‍युताते बात 6:17

च्‍यिला सासीन था थेबेकी स्‍येदाङगी चूर गाल्‍ला सजाय तेरच्‍येते दिन लेप्‍सुङ। थेबे दोन्‍दुकी था सुचेन थारा थुप्‍कीतेरो? था सुङ मि थारा मुथुबो,” सिन सासुङ।