रोमी 2:4 - जिरेल

⁴ ख्‍योकोनलाचेन खेराङ लेमु मि ईन्‍गीनका परमेश्‍वरगी आउदी दया खाला लेमु खिन ओताते ईन सिराच्‍योक लाङगीतासीन। तर बात दोक मेन। ख्‍योकोनगी खेराङ पापी दुका सिन छ्या स्‍येला थे खोरोङ छ्य्‌वापा लै खित्‍स्‍यीत सिनका परमेश्‍वरगी थरिङसाक छ्याःङ मिक्‍किता खाईन देताते ईन सिन ख्‍योकोनगी छ्या स्‍येबा खि।

रोमी 2:4 Iomraidhean Croise

रोमी 10:12

होदि बातओन यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत मि गाङे लाईदु ईन। परमेश्‍वर दोन्‍दु मि गाङे थोजोराङ ईन। थेमे थेबा गाङेते मालिकचेन प्रभु येशू ख्रीष्‍टराङ ईन। थे खोरोङ छ्य्‌वापा लै खाला थेला मद्धत नाङ सिरकान गाङेला थेकी आउदी खाला आशी बिन्‍ला लेमु खिओ।

रोमी 11:22

थोगी दि बात ताला परमेश्‍वरगी मिओनला कडा खित्‍च्‍येतेताङ ङिङज्‍ये खित्‍च्‍येते चुक खाला खित्‍च्‍या ईन्‍दाका सिन ख्‍योकोनगी लेमु खाला छ्या स्‍येबा खि। थेला विश्‍वास मिक्‍किकान्‍ते मिओनला थेकी सजाय बिन्‍सुङ। ख्‍योकोनलाचेन थेकी ङिङज्‍ये खिन ओत। थेला विश्‍वास खिन देत्‍सीनकामा थेकी ख्‍योकोनला दोक खिन देत्‍क्‍यो। थोक खिता ताङसीन थेकी ख्‍योकोनलाङ थे खोरोङ मि ईन सिरा तोङगो।

रोमी 11:33

परमेश्‍वरगी खित्‍च्‍येते काम थोई बुद्धि पुरे खाईन खाला दुका। थे च्‍योकराङ जे बादोङ छ्या स्‍येकान्‍ते ज्‍येन सुङ मेत। थेमे थेकी मिओनला सजाय तेरच्‍येतेताङ ङिङज्‍ये खित्‍च्‍येते चुक खाला खित्‍च्‍या ईन्‍दाका सिन खोबा चाल्‍सीनोङ सुङगीङ खोबाराङ मुथुबो।

रोमी 3:25

मिओन पाप माफ ओङस्‍यीत सिन स्‍याप्‍ला परमेश्‍वरगी येशू ख्रीष्‍टला देमा ताङाते ईन। थेमे येशू ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु खोपरोङ पाप माफ ओङगो सिन थेला विश्‍वास खित्‍कान्‍ते मिओन पाप परमेश्‍वरगी माफ तेरग्‍यो। परमेश्‍वरचेन मिओनगी गोमामेकी खाबाते पापकी सजाय मेतेरा खाईन देता ओतान। येशू ख्रीष्‍टकी खाबाते कामगी खित्‍सादु थेबे पाप माफ तेराप सिन थे थोक खाईन देत्‍कीन थेकी थे खोरोङ जे खित्‍जीनोङ ठीक खाला खित्‍कान्‍ते ईन सिन मिओनला छ्या स्‍ये च्‍युत्‍सुङ।

रोमी 6:1

परमेश्‍वरगी मिओनला दया खित्‍च्‍येते बात दोकराङ ईन्‍सीनका थोरूमोङ ङुरूङगी पाप खिनराङ देता लेमु ईन्‍दासीन। च्‍यिला सासीन दोक खित्‍जीनका ङुरूङगी खाबाते पाप माफ खिताला परमेश्‍वरगी झन दया खित्‍च्‍येते मौका ङेत्‍च्‍याक्‍वा सिन ङुरूङगी सिरा मेङगो।

रोमी 6:15

परमेश्‍वर नियम अधीनला मेन, परमेश्‍वरगी दया खाबेकी थे अधीनलाका ओतेकी था ङुरूङगी थे नियम मेङेन्‍दा खाला जे खासीनोङ ओङगीतासीन सिनोङ ङुरूङगी सिरा मेङगो। पाप सिराते ङुरूङगी खिताराङ मेङगो।

२ कोरिन्‍थी 8:2

खोपरोङगी आउदी खाईन दुक्‍पा ङेता ओत्‍सीनोङ थेमे ज्‍येनगी तेरासम्‍म दुक्‍पा बिन्‍सीनोङ थेबा आउदी गा खिन देत्‍सुङ। दोक खाला गा खिन देत्‍कीन थेबेकी खोपरोङताङ छ्याःङ मेत्‍सीनोङ दुक्‍पा ङेताते ज्‍येनला मद्धत खिताला खोपरोङगी तेरा थुपासम्‍म बिन्‍सुङ।

एफिसी 1:18

ङा ज्‍येनोङ च्‍यि सिन प्रार्थना खिते सासीन परमेश्‍वरगी ख्‍योकोनला थे खोरोङ दोन्‍दु स्‍योक सिन कातोङजीन तिरी ख्‍योकोनते च्‍यि आश ओते सिन साबाते बात थेमे थे खोरोङ सन्‍तान ज्‍येनतेबाताङराङ तिरी ख्‍योकोनगी ङेत्‍च्‍येते जति चुक लेमु ईन्‍दे सिरच्‍येते बात थेकी ख्‍योकोनला लेमु खाला खो ज्‍युत्‍स्‍यीत सिन प्रार्थना खिओ।

एफिसी 1:7

थेमे ङुरूङला पापकी सजायदुकी डेलाला थेकी ख्रीष्‍टला स्‍याप्‍ला दुरू ताङसुङ। ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु थेकी ङुरूङगी खाबाते पाप गाङे माफ बिन्‍दा ओत। थे खोरोङ आउदी खाला दया खित्‍कान्‍ते ईन्‍देकी

एफिसी 2:4

तर परमेश्‍वर आउदी लेमु खित्‍कान्‍ते ईन्‍देकी थेकी ङुरूङला आउदी ङिङज्‍ये खाईन

एफिसी 2:7

ङुरूङला ङिङज्‍ये खाईन थे खोरोङगी येशू ख्रीष्‍ट छ्य्‌वापेई खाबाते होदि गाङे काम चुक दया खाईन खाबाते ईन्‍दे सिन परमेश्‍वरगी जुग जुगसाकराङ गाङेला छ्या स्‍ये ज्‍युत्‍क्‍यो।

एफिसी 3:16

थे आउदी खाला दया खित्‍कान्‍ते ईन्‍देकी थेमे थेत्ताङ छ्येज्‍यीक शक्ति ओतेकी थेकी थे खोरोङ आत्‍मेकी ख्‍योकोन सेमगी नाङ शुरू खाबाते काम खिन देत्‍ला ख्‍योकोनला थे खोरोङगी ज्‍वा चालाच्‍योक ओङाला झन शक्ति तेरस्‍यीत

एफिसी 3:8

दि काम खिताला परमेश्‍वर सन्‍तान गाङे नाङ ङा सोईराङ मिक्‍किकान्‍ते मि ईन्‍सीनोङ परमेश्‍वरगी ङालाराङ दि काम खित्‍च्‍येते जिम्‍मा बिन्‍सुङ। ङे कामचेन ख्रीष्‍टकी ङुरूङ लाईदु खाबाते कामतेबा खोबा चाल्‍ला खोबा मुथुप्‍च्‍या चुक अचम्‍ब खाईन खाबाते ईन्‍दे सिन ज्‍येन ज्‍येन जातकी मिला लोप्‍च्‍येते

फिलिप्‍पी 4:19

ङे माने खिन ओताते परमेश्‍वरताङ ङुरूङगी विचारराङ खिता मुथुप्‍च्‍या जेसुकै ओत। थेकीराङ ख्‍योकोनला गोच्‍येते जति येशू ख्रीष्‍ट छ्य्‌वापेकी पूरो खाला तेरग्‍यो।

कलस्‍सी 1:27

ज्‍येन ज्‍येन जातकी मिला चुक अचम्‍ब खाला आशी बिन्‍ला लेमु खिते सिरच्‍येते बात थे खोरोङ सन्‍तानओनगी छ्या स्‍येबा फाप्‍क्‍यो सिन परमेश्‍वरगी थेबाला छ्या स्‍ये च्‍युत्‍कीन बिन्‍सुङ। परमेश्‍वरगी गोमा छ्या स्‍ये च्‍युता मेताते होथे बात च्‍यि ईन्‍दे सासीन ख्रीष्‍टचेन ख्‍योकोन ज्‍येन ज्‍येन जातकी मि सेमगी नाङ देत्‍क्‍यो। थे थोक खाईन ख्‍योकोन सेमगी नाङ देत्‍नामेई परमेश्‍वरगी तिरी ख्‍योकोनला मान बिन्‍ला थे खोरोङगी ज्‍वा चाला च्‍योकराङ लेमु जोइओ सिरच्‍येते बात पक्‍काराङ दुका सिन आश खाला गुला देता थुप्‍क्‍यो।

कलस्‍सी 2:2

ख्‍योकोन थेमे होथेबा ज्‍येन गाङेकी आँट ङेत्‍ला दोक्‍पोईकी ज्‍येनज्‍यीकला ङिङज्‍ये खिन गाङेराङ सेमज्‍यीकराङ खाला डिक्‍ला देत्‍स्‍यीत थेमे परमेश्‍वरगी गोमा सुङलाङ छ्या स्‍ये च्‍युता मेताते बात च्‍यि ईन्‍दाका सिन ख्‍योकोन गाङेकी लेमु खाला छ्या स्‍येला पूरो खाला खोबा थुप्‍स्‍यीत सिनराङ ङा दोक दुक्‍पा खाला खाला काम खिन ओत। होथे बात लेमु खाला छ्या स्‍येच्‍या साबातेचेन ख्रीष्‍टला छ्या स्‍येच्‍येतेराङ ईन।

१ तिमोथी 1:16

ङा थोक्‍ते मि ईन्‍सीनोङ पापीओनला थे खोरोङगी चुक खिते सिरच्‍येते बात गाङेकी छ्या स्‍येस्‍यीत सिन येशू ख्रीष्‍टकी ङा च्‍योक्‍ते मिलाङ स्‍येदाङ सिराते बान्‍दा मिक्‍किता खाईन दया खासुङ। ङे तिरी थे खोरोङला विश्‍वास खाला नोमुङ मिसिन्‍च्‍येते जुनी ङेत्‍कान्‍ते मिओनगीङ थेकी थेबा खोपरोङला ङाला खाबा च्‍योकराङ स्‍येदाङ खिता साटोला दया खिओ सिन छ्या स्‍येस्‍यीत सिन थेकी ङाला थोक खाबा ओतान।

१ तिमोथी 6:17

थेमे थरिङोला छ्युक्‍पु ओताते मिओनला दोक सिन कोत। थेबाला छ्ये माकेत सि, सम्‍पत्ति ओत्‍कीन ओत सिन ढुक्‍क खाला मादेत सि। थोक्‍ते सम्‍पत्तिनी नामसाक दाक्‍पोन लाःक्‍तु देत्‍कीते सिन छ्याःङ छ्या मेङगो। बरू थेबाला परमेश्‍वरला भर परे खिता लोप सिन सि। थेकीराङ ङुरूङला गोच्‍येतेबरी दाङच्‍या ख्‍योप्‍च्‍या खाला बिन्‍ला गा खिन देत ज्‍युत्‍क्‍यो।

१ पत्रुस 3:20

होथे मिओनगीचेन थाङबो अटेरी खाईन परमेश्‍वर बातला नामज्‍योकराङ सेता मेतान। थेजीन नूहेकी पानीजहाज जोला सिन सिनसाकराङ परमेश्‍वरचेन ना थेबेकी थे खोरोङ बात ङेन्‍गीता सिन गुकीनराङ देता ओतान। थेजीन थे पानीजहाज नाङ स्‍यूकीन मि टिक्‍पीस्‍यिक, खालि मेरा गेतकामा थे छ्युई भलदुई सोन्‍दा ओतान।

२ पत्रुस 1:11

थेमे ङुरूङला पापदुकी डेल्‍कान्‍ते प्रभु येशू ख्रीष्‍टकी गा खिनकामा ख्‍योकोनला थे खोरोङ राज्‍यदु स्‍यूक ज्‍युत्‍क्‍यो। थे राज्‍यचेन नोमुङ तोरला मोन्‍डोओ।

२ पत्रुस 3:15

मिओन पापकी सजायदुकी थारस्‍यीत सिनकामा प्रभु परमेश्‍वर थोरूमसाक सजाय मेतेरा खाईन गुकीन देताते ईन। परमेश्‍वरगी छ्या स्‍ये च्‍युत्‍कीन बिन्‍दा ओतेकी ङुरूङ ङिङज्‍येते आज्‍यो पावलगीङ परमेश्‍वर च्‍यिला गुकीन देताते ईन्‍दे सिन बात खित्‍जीन ख्‍योकोनला दि बातराङ टिबा ओत।

२ पत्रुस 3:3

दि बातज्‍यीक ख्‍योकोनगी लेमु खाला छ्या स्‍येबा खि। च्‍यि सासीन येशू ख्रीष्‍ट दुरू ग्‍युरला ओङा भन्‍दा गोमाचेन दाक्‍पोन खुशी खिन मेलेबा मेलेबा काम खित्‍कान्‍ते मिओनगी ख्‍योकोन खिस्‍यी खिन

२ पत्रुस 3:9

मि कोई कोईकी परमेश्‍वरगी खिओ साबाते बात थेकी खोले खोलेकामा खिओ सिन विचार खिदुक। तर बात दोक मेन। मि सुङ नरककुण्‍डमा स्‍यूक्‍पा माफाप्‍स्‍यीत, बरू थेबा गाङेकी खोपरोङ पापी दुका सिन छ्या स्‍येला थे खोरोङ छ्य्‌वापा लै खित्‍स्‍यीत सिनकामा सजाय मेतेरा खाईन थे गुकीन देताते ईन।

छ्या स्‍ये च्‍युताते बात 2:21

ङे थेला थोक माकेत साकीन थोक खिता थोङ सिन याङ याङ मौकाङ बिन्‍दाप। तर थेकी माङेन्‍सुङ।

छ्या स्‍ये च्‍युताते बात 3:20

लो लेमु खाला ङेन। ख्‍योकोन सेमगी नाङ देताला ओङगो सिन ङा ख्‍योकोन दोन्‍दु वाला कातोङगो। ङे थोक खित्‍जीन थे सेमगी नाङ स्‍योक सिन सिरकान्‍ते मि सेमगी नाङ स्‍यूला ङा थेत्ताङराङ देत्‍क्‍यो। थेमे थेत्ताङ ङा ङ्योम्‍बुराङ भोज सेइओ।