रोमी 2:3 - जिरेल

³ दि बात छ्या ओत्‍लाङ ज्‍येनलाचेन पापी ईन सिन साला थेबेकी च्‍योक्‍ते मेलेबाते कामराङ खित्‍कान्‍ते ख्‍योकोन खेराङगीचेन सजाय मेङेदो सिन चुक खाला विचार खिते? परमेश्‍वर सजायदुकी ख्‍योकोनोङ उम्‍केराङ मिक्‍किओ।

रोमी 2:3 Iomraidhean Croise

मत्ती 23:33

छ्यि ख्‍योकोन ङोचा क्‍ये मेतातेबा, था तिरी परमेश्‍वरगी नरककुण्‍डमा लुच्‍येते सजायदुकी चुक खाला उम्‍के खिता थुबोङ साबे? थे सजायदुकी ख्‍योकोननी थारराङ माथारो।

मत्ती 26:53

च्‍यि खुई ङे आबाला ङाला दिबे लाःक्‍तुकी जोए खाला नाङ सिन सासीन थेकी ङे लाईदु थाल्‍लाराङ ङोला ङ्वा मुथुप्‍च्‍याई थे खोरोङ दूतओन तोङा मुथुबो साबाप?

लूका 12:14

थेकी थोक सिरजीन येशूकी “ए होइ, ङे काम अंशे बात डिक्‍पा खाला तेरच्‍येते मेन। थोगी ङाला दि बात मासेर,” सिन सिदुक।

लूका 22:58

टिक्‍पी तिरी ज्‍येनज्‍यीगीङ पत्रुसला थोङगीन “थेत्ताङ ख्‍याम्‍कान्‍तेबे नाङ दोक्‍पोई खोङ ईन, मेन?” सिन सासुङ। थेकी थेलाङ “खो दोक्‍ते बात माकेत। ङानी मेन,” सिन सासुङ।

लूका 22:60

लोक्‍ला थेकी थेलाङ “ए खो च्‍यिला थोकस्‍यिक बात खिते? खुई सुई बात खाबाते ईन्‍दे सिन ङेनी छ्याःङ माखोसुङ,” सिन सासुङ। थेकी दोक साकीन सिन मासिन्‍लाराङ कुकुरी क्‍वाँ सिनकामा छ्योबोङ फोसुङ।

रोमी 1:32

होथोक्‍ते मेलेबा काम खित्‍कान्‍ते गाङेकी सजाय ङेत्‍ला स्‍या फाप्‍क्‍यो सिन परमेश्‍वर नियमला साबाते बात छ्या ओत्‍कीन ओत्‍कीनोङ मिओनगीचेन खोपरोङकामा मेलेबाते काम खिन देत्‍च्‍येते मेनगी ज्‍येनगी थोक्‍ते काम खाबा थोङजीन थेबेकी चुक लेमु खासुङा सिन गाका खिओ।

रोमी 2:1

दि बात थोजीन छ्यि थेबा मेलेबा मि ईन सिरकान्‍तेबा ख्‍योकोन जोराङ ईन्‍सीनोङ ङेनी छ्याःङ मेलेबा खाबा मेत सिन सुङगीङ सिरा मेङेदो। थेबेकी मेलेबा काम खाबेकी सजाय ङेताराङ फाप्‍क्‍यो सिन साबेकी ख्‍योकोनोङ दोषी ईन। च्‍यि ख्‍योकोनोङ होथेबेकी खित्‍च्‍येते च्‍योक्‍ते कामराङ खित्‍कान मेनरो?

रोमी 2:2

परमेश्‍वरगी होथोक्‍ते मेलेबाते काम खित्‍कान्‍ते मिओनला सजाय तेरा डिक्‍च्‍येतेराङ ईन सिरच्‍येते बात ङुरूङ सुङ मेन मिसिरो।

रोमी 9:20

ख्‍योकोन दोक सिरकान्‍तेबाला ङा च्‍यि सिते सासीन परमेश्‍वरगी ठीक काम माक्‍यासुङ सिन थेला खा खित्‍कान्‍ते खोका सु ईन्‍देरो? च्‍यि सबी स्‍यीकी कुमालेला खुई ङाला च्‍यिला दोकस्‍यिक खाईन जोबे सिन सिओतरो?

१ थिस्‍सलोनिकी 5:3

मिओनगी थानी खापाङ गोलमाल मेङगो, था छ्याःङ ज्‍यीबा मिक्‍किता खाला देता ङेत्‍क्‍यो सिरे बेलालाराङ चुक ओङगीते सासीन फुज्‍यीमा खुराते फेम्‍मे मिला एक्‍कासि फिजे सुक देक्‍पाच्‍योक खाला थोक सिरकान्‍ते मिओनगी छ्याःङ छ्या मेस्‍येबा खाला सजाय ङेत्‍क्‍यो। थेबा सुङ सजायदुकी थारराङ माथारो।

हिब्रू 12:25

थोगी ख्‍योकोनगी परमेश्‍वरगी साबाते बातला नामज्‍योक सेत। थेकी दुरू साबाते बातला नामज्‍योक मेसेत्‍कान्‍ते मिओनगीनी सजाय ङेता ओतान सासीन थेकी स्‍वर्गनेकी साबाते बात ङुरूङगी ङेन्‍दा ताङसीन च्‍यि झन ङुरूङ उम्‍के खिओतरो?

हिब्रू 2:3

थे नियम मेङेन्‍कान्‍तेबेकीनी सजाय ङेता ओतान सासीन परमेश्‍वरगी मिओनला पापकी सजायदुकी डेल्‍ग्‍यो सिरच्‍येते दोक लेमुते बात माङेन्‍सीन ङुरूङ चुक खाला सजाय छ्य्‌वापेई थारगीतेरो? परमेश्‍वरगी मिला पापकी सजायदुकी डेल्‍च्‍येते बात गोमा प्रभु येशूकी लापाते ईन। थेमे थेकी लापाते बात थोकान्‍तेबेकी थे बात सत्‍यते ईन सिन ङुरूङला लाप्‍कीन बिन्‍दा ओत।