रोमी 2:27 - जिरेल

²⁷ थोगी होथोक्‍ते ज्‍येन ज्‍येन जातकी मिकी ख्‍योकोनला दोषी ईन सिओ। च्‍यिला सासीन थेबेकी परमेश्‍वर नियम ङेता मेत्‍सीनोङ थेमे खतकी चिनु जोबा मेत्‍सीनोङ परमेश्‍वर नियमला खि साबा च्‍योकराङ खिदुक। तर दोक दोक खि सिन टिबाते परमेश्‍वर नियम ङेता ओत्‍सीनोङ थेमे खतकी चिनु जोकान ईन्‍सीनोङ ख्‍योकोनचेन थे नियमला खि साबाच्‍योक खितराङ मिक्‍किदुक।

रोमी 2:27 Iomraidhean Croise

मत्ती 3:15

थेकी थोक खित्‍जीन येशूकी “मेन, जे ईन्‍सीनोङ खुई ङाला बप्‍तिस्‍मा नाङ। च्‍यिला सासीन परमेश्‍वरगी खि साबातेबरी ङेन्‍दाला ङुरूङगी दोकराङ खाला काम खिता फाप्‍क्‍यो,” सिन सिदुक। थेमे यूहन्‍नेकी थेला छ्युला लुगीन बप्‍तिस्‍मा बिन्‍सुङ।

शक्ति काम 13:22

परमेश्‍वरगी थे लाःक्‍तुकी गेल्‍बो अधिकार ठ्वासुङ। थेमे थे साटोला दाऊदला गेल्‍बो जोसुङ। दाऊद चुक्‍ते मि ईन्‍दे सिन बात खिन परमेश्‍वरगी ‘यिशै फुज्‍युङ दाऊदचेन ङेते मन परे खाबाते मि ईन, दिकीचेन ङे खि साबा साबा च्‍योकराङ खिओ,’ सिन साबा ओतान।

रोमी 13:10

दोक खाला ज्‍येनतेबाला ङिङज्‍ये खित्‍कान्‍ते मिकीचेन ज्‍येनला छ्याःङ मेलेबा मिक्‍किओ। थोगी ज्‍येनतेबाला ङिङज्‍ये खित्‍कान्‍ते मिओनगीचेन परमेश्‍वर नियम गाङे लेमु खाईन ङेन्‍दाते ईन।

रोमी 2:15

दि बात ताजीन परमेश्‍वर नियमचेन थेबा खोपरोङ सेमगी नाङदुराङ ओताच्‍योक थोङगीदुक। चुक खाला सासीन खइँदा लेमुते काम खित्‍जीन थेबा ङे दोक खाबाते ठीक ईन सिन गा खिदुक, खइँदा मेलेबा काम खासीनचेन ङे थोक खिता ओङच्‍या मेतान सिराच्‍योक खिदुक।

रोमी 2:20

थेमे लेमु मेलेबा च्‍यि ईन्‍दे सिन छ्याःङ डेला मुथुप्‍कान्‍ते मिओनला चुक चुक खिता फाप्‍कीते सिन लाप्‍ला तेरकान्‍ते थेमे परमेश्‍वर बात लेमु खाला छ्या मेताते मिओनला थे बात लोप्‍कान्‍तेङ खेराङराङ ईन खिदुक। च्‍यिला सासीन परमेश्‍वर नियम ङेता ओतेकी खेराङगी परमेश्‍वर सु ईन्‍दे, चुक्‍ते ईन्‍दे थेमे थेकी मिओनला च्‍यि च्‍यि खि साबा ओते सिरच्‍येते सत्‍यते बात लेमु खाईन छ्या स्‍येबा ओत खिदुक।

रोमी 2:25

थेमे जीउला खतकी चिनु जोच्‍येते बात लोक्‍ला चुक सासीन ख्‍योकोनगी परमेश्‍वर नियम ङेन्‍दा ईन्‍सीन परमेश्‍वरगी छाने खाबाते मि ईन सिन ख्‍योकोनगी थे चिनु जोबाते काम लै खित्‍च्‍या ओतान। परमेश्‍वर नियम माङेन्‍नामेकी परमेश्‍वर दोन्‍दु ख्‍योकोननी थे चिनु माजोबाते ज्‍येन ज्‍येन जातकी मि छेतराङ ईन।

रोमी 2:26

बरू यहूदी मेन्‍गीन खतकी चिनु जोबा मेत्‍सीनोङ परमेश्‍वर नियम ङेन्‍कान्‍तेबाचेन परमेश्‍वर दोन्‍दु खतकी चिनु जोबाते मि च्‍योकराङ ईन।

रोमी 2:29

परमेश्‍वरगी छाने खाबाते मि ओङालानी जीउला थे खतकी चिनु जोला मेन, दाक्‍पोन सेमका लेमु ओङा फाप्‍क्‍यो। परमेश्‍वर नियमला खतकी चिनु जो सिन टिबाते बात ङेन्‍ला मि सेम लेमु ओङच्‍येते मेन। परमेश्‍वर आत्‍मेकीकामा मि सेम लेमु जोइओ। होदोक्‍ते मिलाचेन ज्‍येनगी मान माक्‍यासीनोङ परमेश्‍वर थेबाताङ खुशी ओङला थेबाला मान तेरग्‍यो।

रोमी 3:30

मि गाङेते परमेश्‍वर दोक्‍पोईकामा ओत। यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत येशू ख्रीष्‍टला विश्‍वास खित्‍कान गाङेला परमेश्‍वरगी दोषी मेन सिओ।

रोमी 8:4

दोक ओङा ओतेकी थाचेन ङुरूङगी परमेश्‍वर नियमला खि साबातेताङ माकेत साबाते गाङे साबा च्‍योकराङ खिता थुप्‍क्‍यो। था ङुरूङ गोमाबा च्‍योकराङ दाक्‍पोन खुशीला माख्‍यामो। बरू परमेश्‍वर आत्‍मेकी चुक खित ज्‍युता छोल्‍गीका थोकराङ खिओ।

१ कोरिन्‍थी 7:19

जीउला खतकी चिनु जोच्‍येतेताङ मोजोच्‍येते छ्येते बात छ्याःङ मेन। छ्येते बातनी परमेश्‍वरगी खि साबा साबा खित्‍च्‍येतेराङ ईन।

२ कोरिन्‍थी 3:6

थेकीराङ ङ्योकोनला थे खोरोङगी मिओनताङ तिरी खिओ सिन साबाते जमान बात ज्‍येनला लोप सिन जिम्‍मा बिन्‍सुङ। ङ्योकोनगी लोप्‍च्‍येते होदि जमान बातचेन थाङबो मोशे पालोला दोई पाटीला टिबाते परमेश्‍वर नियम च्‍योक्‍ते मेन, परमेश्‍वर आत्‍मे बात ईन। होथे दोई पाटीला टिबाते नियमला खि साबाच्‍योक मिक्‍किकान्‍ते मिओनचेन पापकी सजाय ङेत्‍ला स्‍यिइओ। परमेश्‍वर आत्‍मेकीचेन मिओनला नोमुङ मिसिन्‍च्‍येते जुनी तेरग्‍यो।

गलाती 5:14

च्‍यिला सासीन “दाक्‍पोन ज्‍यानला माया खिता च्‍योकराङ ज्‍येनलाङ ङिङज्‍ये खि,” सिन साबाते होदि नियमज्‍यीक ङेन्‍नामेई परमेश्‍वर नियम गाङे ङेन्‍दाते ईन।

एफिसी 2:11

बात दोक दोक ईन्‍देकी ख्‍योकोन ज्‍येन ज्‍येन जातकी मिकी खेराङ गोमा चुक ओताने सिन टोक माज्‍येत। खोपरोङचेन परमेश्‍वरगी छाने खाबाते मि ईन सिन जीउला खतकी चिनु जोकान्‍ते इस्राएलीओनगी ख्‍योकोनला खोपरोङ च्‍योक खतकी चिनु मोजोकान्‍ते मि ईन सिन सिओ। ईन्‍दानी जीउला जोच्‍येते थे खतकी चिनु मि खोपरोङगीराङ जोच्‍येते ईन।

२ तिमोथी 3:15

थेमे च्‍याक फिजामेईराङ खोरोङगी दि बात चुक खाईन ङेन्‍गीन वाबाते ईन्‍दे सिन टोक माज्‍येत। परमेश्‍वर बात ताला येशू ख्रीष्‍टला विश्‍वास खित्‍कान्‍ते मिओनला थेकी पापदुकी डेल्‍ग्‍यो सिन खुई लेमु खाला छ्या स्‍येक्‍यो।

हिब्रू 11:3

परमेश्‍वरला विश्‍वास खितेकी खित्‍सादु थेकी दुरू दोक ओङस्‍यीत, थेरू थोक ओङस्‍यीत सिन सानामेई साबा च्‍योकराङ खाईन दि सा नाम थेमे सा नाम खाङ ओताते जति गाङे उत्‍पन्‍न ओङा ओतान सिन ङुरूङ पत्ते खिओ। दोक खाईन जोबाते थरिङोला मि मिगी थोङच्‍येते जति गोमा ओतराङ मेत्‍सीनोङ परमेश्‍वरगी दुरू दोक ओङस्‍यीत, थेरू थोक ओङस्‍यीत साकीन जोबा ओतान।