रोमी 2:25 - जिरेल

²⁵ थेमे जीउला खतकी चिनु जोच्‍येते बात लोक्‍ला चुक सासीन ख्‍योकोनगी परमेश्‍वर नियम ङेन्‍दा ईन्‍सीन परमेश्‍वरगी छाने खाबाते मि ईन सिन ख्‍योकोनगी थे चिनु जोबाते काम लै खित्‍च्‍या ओतान। परमेश्‍वर नियम माङेन्‍नामेकी परमेश्‍वर दोन्‍दु ख्‍योकोननी थे चिनु माजोबाते ज्‍येन ज्‍येन जातकी मि छेतराङ ईन।

रोमी 2:25 Iomraidhean Croise

शक्ति काम 7:51

ङे थाल्‍लासाक खाबाते बात थोकान ख्‍योकोन गाङेराङ जति सासीनोङ टेरेराङ मिक्‍किच्‍या स्‍यिङ दो च्‍योकराङ गाल्‍ला दुक। ख्‍योकोनते नामज्‍योक थुक्‍पु गाल्‍ला दुक। ख्‍योकोनचेन परमेश्‍वरगी साबाते ङेनराङ मेङेन्‍दुक। ख्‍योकोन खेराङ ज्‍युज्‍यु पुर्खा च्‍योकराङ गाल्‍ला दुक। थेबेकी खाबा च्‍योकराङ ख्‍योकोनोङ परमेश्‍वर आत्‍मेकी साबाते ङेनराङ मेङेन्‍दुक।

रोमी 2:13

च्‍यिला सासीन परमेश्‍वर नियम छ्या ओत्‍जीनमेईराङ सुङलाङ परमेश्‍वरगी दोषी मेन मिसिरो। जसकी परमेश्‍वर नियमला साबा च्‍योकराङ खाईन काम खाला दुक होथोक्‍ते मिओनलाराङ थेकी दोषी मेन सिओ।

रोमी 2:23

ख्‍योकोन चुक्‍तेन्‍दे ईन्‍दाका। परमेश्‍वरगी ङ्योकोनला थे खोरोङ नियम बिन्‍दा ओत सिन छ्ये खित्‍कान्‍तेबा ख्‍योकोनगीराङ थे नियम माङेन्‍ला परमेश्‍वरला छ्याःङ च्‍योक गने मिक्‍किदुक।

रोमी 2:26

बरू यहूदी मेन्‍गीन खतकी चिनु जोबा मेत्‍सीनोङ परमेश्‍वर नियम ङेन्‍कान्‍तेबाचेन परमेश्‍वर दोन्‍दु खतकी चिनु जोबाते मि च्‍योकराङ ईन।

रोमी 2:27

थोगी होथोक्‍ते ज्‍येन ज्‍येन जातकी मिकी ख्‍योकोनला दोषी ईन सिओ। च्‍यिला सासीन थेबेकी परमेश्‍वर नियम ङेता मेत्‍सीनोङ थेमे खतकी चिनु जोबा मेत्‍सीनोङ परमेश्‍वर नियमला खि साबा च्‍योकराङ खिदुक। तर दोक दोक खि सिन टिबाते परमेश्‍वर नियम ङेता ओत्‍सीनोङ थेमे खतकी चिनु जोकान ईन्‍सीनोङ ख्‍योकोनचेन थे नियमला खि साबाच्‍योक खितराङ मिक्‍किदुक।

रोमी 2:28

बात दोक ईन्‍देकी यहूदी ओङला केजीनमेईराङ थेमे जीउला खतकी चिनु जोजीनमेईराङ सुङगीङ ङ्योकोन परमेश्‍वरगी छाने खाबाते मि ईन सिन सिरा मुथुबो।

१ कोरिन्‍थी 7:19

जीउला खतकी चिनु जोच्‍येतेताङ मोजोच्‍येते छ्येते बात छ्याःङ मेन। छ्येते बातनी परमेश्‍वरगी खि साबा साबा खित्‍च्‍येतेराङ ईन।

गलाती 6:13

थेबा खोपरोङगी खतकी चिनु जोबा ओत्‍सीनोङ परमेश्‍वर नियमला खि साबाते ज्‍येन ज्‍येन नियमचेन थेबेकी मेङेनो। खोपरोङगी साबाते ङेन्‍गीन ख्‍योकोन थेबे छ्य्‌वापा लै खाबा ओत सिन नोउ छ्ये खिता ङेत्‍स्‍यीत सिनका थेबेकी ख्‍योकोनला खतकी चिनु ज्‍वा फाप्‍क्‍यो सिरच्‍येते ईन।

गलाती 6:15

च्‍यिला सासीन खतकी चिनु जोला फाइदा ओङच्‍येतेताङ थे चिनु माजोला घटी ओङच्‍येते बात छ्याःङ मेत। साम्‍बाते जुनी ङेत्‍कीन थोक्‍ते मिकी खित्‍च्‍येते च्‍योक्‍ते काम खिकाना मिक्‍किका सिरच्‍येते बातकामा छ्येते बात ईन।