रोमी 2:24 - जिरेल

²⁴ “यहूदीओनगी खाबाते काम थोङला ज्‍येन ज्‍येन जातकी मिकी थेबे परमेश्‍वर चुकस्‍यिक ईन्‍दाका सिन परमेश्‍वर विरोध खिओ,” सिन परमेश्‍वर बातला टिबा ओता च्‍योकराङ ख्‍योकोनगी खिदुक।

रोमी 2:24 Iomraidhean Croise

मत्ती 18:7

पापताङ लोभकी खित्‍सादु दि सा लुङबे मिओनला आउदी मेलेबा ओङगो। मिला पापताङ लोभ खिता सेम मालाङच्‍येते मेन। थोक ईन्‍सीनोङ ज्‍येनला पाप खित च्‍युत्‍ला ङे छ्य्‌वापेई ठाल ज्‍युत्‍कान्‍तेकी आउदी छ्येज्‍यीक सजाय ङेत्‍क्‍यो।

१ तिमोथी 5:14

थेबेकी थोक खिन माख्‍याम्‍स्‍यीत सिन ङा च्‍यि सिते सासीन थोरूमोङ उमेर ओताते ख्‍योबो स्‍याप्‍ते फेम्‍मे मिओनगीचेन बरू याङराङ फाङमा खासीन लेमु ईन। थोक खाला थेबेते फुज्‍युङ फुमु ओङला थेबेकी खाम्‍बा खाला सारस्‍यीत। थोक खासीन येशू ख्रीष्‍ट मिओनला विरोध खित्‍कान्‍ते मिओनगी बात खित्‍च्‍येते लाम छ्याःङ मेङेदो।

१ तिमोथी 6:1

थेमे येशूला विश्‍वास खित्‍कान्‍ते मिओन नाङ योक्‍पो योङमु गाङेकी खोपरोङ मालिकओनगी साबाते ङेन्‍ला थेबाला मान खिता फाप्‍क्‍यो। थेबेकी थोक माक्‍याबाते ज्‍येनगी थोङसीन परमेश्‍वर विरोध खिओ थेमे ङुरूङगी लोप्‍कीन ओताते बात लेमु मेन सिओ।

तीतस 2:5

दोस्‍यिककामा मेन, थेबेकी स्‍यार्मुतेबाला दाक्‍पोन सेम काबूला ज्‍य्‌वाबा फाप्‍क्‍यो, थेबे बानी बिवारा लेमु ओङा फाप्‍क्‍यो, खाम्‍बा खाला सा थुपा फाप्‍क्‍यो, ज्‍येनला दया खिता फाप्‍क्‍यो थेमे ख्‍योबोतेकी साबाते ङेन्‍कान ओङा फाप्‍क्‍यो सिन लोपा थुप्‍क्‍यो। स्‍यार्मुतेबेकी दोक दोक खासीन परमेश्‍वर बात लेमु मेन सिन सुङगीङ सिरा मुथुबो।

तीतस 2:8

खुई लोप्‍च्‍येते बातला दि मेन्‍दे बात ईन सिन सुङगीङ सिरा मेङेत्‍स्‍यीत सिन लेमु खाला लोप। दोक दोक खासीन ङुरूङ विरोध खित्‍कान्‍ते मिओनगी थेबेकी दि दि मेलेबा खासुङ सिरच्‍येते लाम छ्याःङ माङेत्‍ला खोपरोङराङ खर्के देइओ।

२ पत्रुस 2:2

थेबे बात ङेन्‍ला मि काल्‍बेईकी होथेबेकी खाबा च्‍योकराङ खिता ओङच्‍या मेङच्‍या आउदी ङोचा लाङच्‍येते काम खिओ। थेबेकी थोक खाबा थोङला ज्‍येनगी परमेश्‍वर बात लेमु मेन्‍दाक्‍वा सिन सिओ।