रोमी 2:23 - जिरेल

²³ ख्‍योकोन चुक्‍तेन्‍दे ईन्‍दाका। परमेश्‍वरगी ङ्योकोनला थे खोरोङ नियम बिन्‍दा ओत सिन छ्ये खित्‍कान्‍तेबा ख्‍योकोनगीराङ थे नियम माङेन्‍ला परमेश्‍वरला छ्याःङ च्‍योक गने मिक्‍किदुक।

रोमी 2:23 Iomraidhean Croise

लूका 18:11

थेमे थे फरिसी पाटी मिकीचेन मन्‍दिर नाङ स्‍यूकीन लाकीन देत्‍कीन ‘ए परमेश्‍वर, ङा खोल्‍ला धन्‍यवाद तेरग्‍यो। च्‍यिला सासीन ज्‍येन मि च्‍योक खाला पापताङ लोभ खाला ङा पैसा मोजोओ, ज्‍येनला मेलेबाङ मिक्‍किओ। ङा मि फेम्‍मेताङ माङ्यालो। ङा उथे कर लिन्‍कान्‍ते मि च्‍योक्‍ते पापीङ मेन।

यूहन्‍ना 5:45

आबे दोन्‍दु ङे ख्‍योकोन दोषी ईन सिन सितासीन सिन विचार माकेत। ङ्योकोनलानी मोशेकी परमेश्‍वर नियम लेमु खाला ङेन्‍कान ईन सिओ सिन आश खाईन देता ओत्‍सीनोङ आबे दोन्‍दुनी ङे मेन, होथे मोशेकीका ख्‍योकोन दोषी ईन सिन सिओ।

रोमी 2:17

थेमे था ङा ख्‍योकोन नाङ यहूदीओन बात खितामीन। ख्‍योकोनचेन ङेतनी यहूदी ईन, ङेल्‍ला परमेश्‍वरगी थे खोरोङ नियम बिन्‍दा ओत थेमे थेकी ङ्योकोनला थे खोरोङ मि सिन छाने खाबाते ईन सिन छ्ये खिदुक।

रोमी 3:2

थोक सिरकानला ङा च्‍यि सिते सासीन यहूदी ओङाला काल्‍बेई फाइदा ओत। गाङे भन्‍दा गोमानी परमेश्‍वरगी थेबाताङ बात खाईन थेबाला थे खोरोङ बात बिन्‍दा ओत।

रोमी 3:27

बात दोक ईन्‍देकी परमेश्‍वर नियम ङेन्‍गीनका थेकी ङुरूङला दोषी मेन साबाते ईन सिन ङुरूङ सुङगीङ छ्ये खिता मेङेदो। च्‍यिला छ्ये खिता मेङेत्‍ते सासीन परमेश्‍वर नियम ङेन्‍गीन धर्मती ओङेकी खित्‍सादु मेन, येशूला विश्‍वास खाबेकी खित्‍सादुकामा परमेश्‍वरगी ङुरूङला दोषी मेन साबाते ईन।

रोमी 9:4

थेबानी परमेश्‍वरगी थे खोरोङ मि सिन साबाते इस्राएलीओनराङ ईन। थेबाचेन परमेश्‍वरगी थे खोरोङ धर्म-पुत्र जोबाते मि ईन। थेबेकी परमेश्‍वरला मिगी ताराङ मुथुप्‍च्‍या झिलिमिली नाम्‍दाकला देता ओता थोङा ओतान। थे खोरोङगी च्‍यि च्‍यि खिते सिन परमेश्‍वरगी थेबाताङ पालोताङ पालो जमान खाबा ओतान। थेमे थेबेकी चुक चुक खिता फाप्‍कीते सिन नियमओनोङ बिन्‍दा ओतान। थे खोरोङला चुक खाला माने खिता फाप्‍कीते सिन लाप्‍कीन बिन्‍गीन थेकी थेबाला आशी बिन्‍ला लेमु खिओ सिनोङ याङ याङराङ साबा ओतान।