रोमी 2:2 - जिरेल

² परमेश्‍वरगी होथोक्‍ते मेलेबाते काम खित्‍कान्‍ते मिओनला सजाय तेरा डिक्‍च्‍येतेराङ ईन सिरच्‍येते बात ङुरूङ सुङ मेन मिसिरो।

रोमी 2:2 Iomraidhean Croise

शक्ति काम 17:31

च्‍यिला सासीन थेकी ङीमा लेनज्‍यीक सुङलाङ काका पाका मिक्‍किता खाला मि गाङेते न्‍याय खिओ। थे छोमु सु सुला चुक चुक खिता फाप्‍कीका सिरच्‍येते टुङ्गोचेन थेकी छाने खाबाते मिज्‍यीगी खिओ। थे मि थे खोरोङगीराङ छाने खाबाते ईन सिन मिओनगी छ्या स्‍येस्‍यीत सिन थेकी थेला स्‍यिसादुकी सोम्‍बो लोक्‍पा ओत,” सिन बात खासुङ।

रोमी 2:1

दि बात थोजीन छ्यि थेबा मेलेबा मि ईन सिरकान्‍तेबा ख्‍योकोन जोराङ ईन्‍सीनोङ ङेनी छ्याःङ मेलेबा खाबा मेत सिन सुङगीङ सिरा मेङेदो। थेबेकी मेलेबा काम खाबेकी सजाय ङेताराङ फाप्‍क्‍यो सिन साबेकी ख्‍योकोनोङ दोषी ईन। च्‍यि ख्‍योकोनोङ होथेबेकी खित्‍च्‍येते च्‍योक्‍ते कामराङ खित्‍कान मेनरो?

रोमी 2:3

दि बात छ्या ओत्‍लाङ ज्‍येनलाचेन पापी ईन सिन साला थेबेकी च्‍योक्‍ते मेलेबाते कामराङ खित्‍कान्‍ते ख्‍योकोन खेराङगीचेन सजाय मेङेदो सिन चुक खाला विचार खिते? परमेश्‍वर सजायदुकी ख्‍योकोनोङ उम्‍केराङ मिक्‍किओ।

रोमी 2:5

परमेश्‍वरगी दोक दया खासीनोङ थेकी साबाते मेङेन्‍दा खाईन ख्‍योकोन डेब्रो खाईन देत्‍ला दुक। थेमे मेलेबाते काम खिताङ ताङा मिन्‍दुक। दोक खिन देता ओतेकी था तिरी परमेश्‍वरगी स्‍येदाङगी चूर गाल्‍ला सुङलाङ काका पाका मिक्‍किता खाला न्‍याय खिता छोमु ख्‍योकोनगी झन छ्येज्‍यीक सजाय ङेत्‍क्‍यो।

रोमी 9:14

बात दोक ईन्‍सीन च्‍यि परमेश्‍वरगीराङ कोईला काका कोईला पाका खित्‍च्‍याक्‍वा सिन सिरच्‍या ओना? मेन मेन, परमेश्‍वरगी दोक खितराङ मिक्‍किओ।

छ्या स्‍ये च्‍युताते बात 16:5

दोक ओङनामेकी छ्युई लाक अधिकार खित्‍कान्‍ते छ्येते दूतकी “प्रभु परमेश्‍वर, खो गोमाराङ ओतान, थरिङोलाङ ओत। सेमला पाप सिराते छ्याःङ मेताते खोकामा ईन। खुई सुङलाङ काका पाका मिक्‍किता खाईन न्‍याय खाईन दि सजाय बिन्‍दाते ठीक ईन।

छ्या स्‍ये च्‍युताते बात 19:2

सुङलाङ काका पाका मिक्‍किता खाला सु सुला च्‍यि सजाय तेरा फाप्‍च्‍येते ईन्‍दे थे सजायराङ बिन्‍ला न्‍याय खित्‍कान्‍ते थेराङ ईन। थे मोरोङगी खिन ओताते खिता मेङच्‍येते ङोचा लाङच्‍येते काम खित च्‍युत्‍ला दि सा लुङबा खाङगी मिला ङ्ये ज्‍युत्‍कान्‍ते छ्याःङ ङोचा मेताते रन्‍डीला थेकी सोई खित्‍च्‍याज्‍यीकराङ सजाय बिन्‍दा ओत। थे खोरोङ काम खित्‍कान्‍ते मिओनला सेतेकी थेकी थेला सजाय बिन्‍दा ओत,” सिन ओतान।