रोमी 2:19 - जिरेल

¹⁹ ख्‍योकोनचेन खेराङला परमेश्‍वर नियम छ्या मेस्‍येकान अन्‍ध च्‍योक्‍ते मिओनला थे नियम लोप्‍कान्‍ते थेमे पापताङ लोभकी खाङाते मिओनला परमेश्‍वर नाम्‍दाक तेन्‍ला तेरकान्‍ते मि ईन खिदुक।

रोमी 2:19 Iomraidhean Croise

मत्ती 15:14

दोक ईन्‍देकी थेबा जेसुकै खित्‍स्‍यीत। खेराङ खाराक्‍पा देत। थेबेकी खोपरोङला परमेश्‍वर नियम छ्या मेस्‍येकान अन्‍ध च्‍योक्‍ते मिओनला थे नियम लोप्‍कान्‍ते मि ईन खिदुक। ईन्‍दालाचेन थेबा खोपरोङका होथोक्‍ते अन्‍ध च्‍योक्‍ते ईन। च्‍यि अन्‍धेकी ज्‍येनज्‍यीक अन्‍धला खइँसाला टीला खेरा चाल्‍सीन ङिकाराङ गाराम गुरूम मिरिलोतरो?” सिन सिदुक।

मत्ती 4:16

थेबा पापताङ लोभकी खाङाते मुन्‍दाकते ठाउँदु देता ओतान। थानी थेबेकी स्‍वर्गनेई वाबाते जोदाज्‍यीक नाम्‍दाक थोङा ङेत्‍सुङ। मुन्‍दाकते ठाउँदु देत्‍कीन स्‍याप छेतराङ गाला ओताते मिओनगी नाम्‍दाक छ्याङे गाला थोङसुङ,” सिन साबा ओतान।

मत्ती 5:14

दि सा लुङबे मि दोन्‍दु नाम्‍दाक सिरातेङ ख्‍योकोनराङ ईन। बोमगी लाक्‍तु जोबाते सार गाङेपेकी गाङेकी थोङगो।

मत्ती 6:23

तर मिक लेमु मेत्‍सीन मुन्‍दाकलाकामा देत्‍ला ख्‍योकोनगी छ्याःङ लेमु खिता मुथुबो। थोगी मिक लेमु मेत्‍सीन नाम्‍दाकला मेन्‍देकी आउदी ज्‍यीबा लाङच्‍या मुन्‍दाकलाकामा देता फाप्‍ला ख्‍योकोन खालि मेलेबा मेलेबा कामकामा खित्‍कान डुइओ।

मर्कूस 10:15

फिजाओन च्‍योक मिक्‍किता खाला ङा ङाराङ ईन सिराच्‍योक खित्‍कान्‍ते मिचेन सुङ परमेश्‍वर राज्‍यने स्‍यूक्‍पा मेङेदो। दि बात ख्‍योकोनगी टोक माज्‍येत,” सिन सिदुक।

लूका 1:79

थेकी वाला परमेश्‍वरताङ ठाल्‍गीन थे लाईदु स्‍याप छेतराङ गाला ओताते मिओनला दि पापताङ लोभकी खाङाते मुन्‍दाकते ठाउँदुकी डेल्‍ग्‍यो। दोक खाला थेकी ङुरूङला छ्याःङ ज्‍यीबा मिक्‍किता खाला जुनीकाल्‍बा क्‍योङ ज्‍युत्‍क्‍यो,” सिन सिदुक।

यूहन्‍ना 9:34

थोक सिरजीन थेबेकी “खोनी केजीनमेईराङ पापदु नुपा ओतान। खोङ ङ्योकोनला च्‍यि लोपा छोल्‍गीते?” सिन सिदुक। थेमे थेबेकी थेला मिटिङ खित्‍च्‍येते खाम्‍बे नाङ स्‍यूक्‍पा मेङेत्‍च्‍या खाईन तेन्‍गीन ताङसुङ।

शक्ति काम 26:18

थेबा पापताङ लोभदुकी ठाल्‍ला परमेश्‍वर नाम्‍दाकला देता ङेत्‍स्‍यीत, दोक खाला शैतान लाःक्‍तुकी ठोल्‍ला परमेश्‍वर छ्य्‌वापा लै खित्‍स्‍यीत सिन खुई थेबाला ङे बात छ्या स्‍येबा खाला तेरा फाप्‍क्‍यो। थेमे थेबेकी ङाला विश्‍वास खानामेई परमेश्‍वरगी थेबे पाप गाङे माफ तेरग्‍यो। थेमे परमेश्‍वरगी सेम खुदुक जोबाते मि ज्‍येनतेबेकी ङेत्‍च्‍येते जति गाङे थेबेकीङ ङेत्‍क्‍यो,’ सिन सिरा थोसुङ।

रोमी 2:18

परमेश्‍वरगी च्‍यि च्‍यि खि साबा ओते सिन ख्‍योकोनला छ्या ओत थेमे परमेश्‍वर नियम छ्या ओतेकी ख्‍योकोन खाङ काम मेलेबा ईन्‍दे, च्‍यि लेमु ईन्‍दे सिन डेला थुप्‍कान्‍ते मिङ ईन।

रोमी 2:20

थेमे लेमु मेलेबा च्‍यि ईन्‍दे सिन छ्याःङ डेला मुथुप्‍कान्‍ते मिओनला चुक चुक खिता फाप्‍कीते सिन लाप्‍ला तेरकान्‍ते थेमे परमेश्‍वर बात लेमु खाला छ्या मेताते मिओनला थे बात लोप्‍कान्‍तेङ खेराङराङ ईन खिदुक। च्‍यिला सासीन परमेश्‍वर नियम ङेता ओतेकी खेराङगी परमेश्‍वर सु ईन्‍दे, चुक्‍ते ईन्‍दे थेमे थेकी मिओनला च्‍यि च्‍यि खि साबा ओते सिरच्‍येते सत्‍यते बात लेमु खाईन छ्या स्‍येबा ओत खिदुक।

१ कोरिन्‍थी 3:18

ख्‍योकोन सुङगीङ दाक्‍पोनगी ठुबाते डालुम नाङ दाक्‍पोनराङ स्‍यूक्‍च्‍येते काम माकेत। च्‍यि सासीन दि सा लुङबे मिकी कोईला आउदी बुद्धि ओताते मि ईन सिओ। ख्‍योकोन नाङ सुइँदाला खेराङ होथेबेकी साबा च्‍योक्‍ते मि ईन सिराच्‍योक लाङगीदुक सासीन बरू ख्‍योकोनगी ङानी छ्याःङ मेस्‍येकान्‍ते मि ईन सिराच्‍योक खि। दोक खाला छ्ये मिक्‍किकान्‍ते मिराङ बुद्धि ओताते मि ईन।

१ कोरिन्‍थी 4:10

ख्रीष्‍टकी मि ईन्‍देकी ङ्योकोनचेन छ्याःङ मेस्‍येकान्‍ते लेम्‍बाते मि च्‍योक ओङा ओत। तर ख्रीष्‍टकी खित्‍सादु ख्‍योकोननी आउदी च्‍याङबो गाल्‍दुक। थेमे ङ्योकोन छ्याःङ खिता मुथुप्‍कान्‍ते मि ईन। ख्‍योकोनचेन जेङ खिता थुप्‍कान्‍ते ईन। थोकराङ खाला मिओनगी ङ्योकोनला दिबाङ सु ईन्‍देरो सिराच्‍योक खिदुक। ख्‍योकोनलाचेन गाङेकी मान खिओ।

फिलिप्‍पी 2:15

होथोक मिक्‍किता खाईन काम खासीन परमेश्‍वरगी साबाते मेङेन्‍दा खाला दाक्‍पोन खुशी खिन मनपरी खित्‍कान्‍ते मिओन नाङ देता ओत्‍सीनोङ सुङगीङ ख्‍योकोनला दिबा दोक दोक गल्‍ती खित्‍कान्‍ते मि ईन सिन सिरा मुथुबो, ख्‍योकोनचेन सेमला मेलेबा मेताते मि ओङगो थेमे ख्‍योकोन परमेश्‍वरगी लाःपा कोताते ङेन्‍कान्‍ते थे फुज्‍युङ फुमु ओङगो। दोक खाला ख्‍योकोनगी दि सा लुङबे मिओनगी चुक खिता फाप्‍कीते सिन तेन्‍ला तेरा थुप्‍क्‍यो।