रोमी 2:17 - जिरेल

¹⁷ थेमे था ङा ख्‍योकोन नाङ यहूदीओन बात खितामीन। ख्‍योकोनचेन ङेतनी यहूदी ईन, ङेल्‍ला परमेश्‍वरगी थे खोरोङ नियम बिन्‍दा ओत थेमे थेकी ङ्योकोनला थे खोरोङ मि सिन छाने खाबाते ईन सिन छ्ये खिदुक।

रोमी 2:17 Iomraidhean Croise

मत्ती 3:9

ख्‍योकोनचेन ङ्योकोननी अब्राहाम सन्‍तान ईन्‍देकी सजाय भोगेराङ खिता माफाबो सिराच्‍योक खाला छ्ये खिदुक। दि बात ङेन। परमेश्‍वरगी खिता चाल्‍सीन ख्‍योकोन साटोलानी उदेङला ओताते दोईतेराङ अब्राहाम सन्‍तान ज्‍वा थुप्‍क्‍यो।

लूका 10:28

थेकी थोक सिरजीन येशूकी थेला “खुई ठीकराङ सिदुक। खो परमेश्‍वर नियमला खि साबा ओता च्‍योकराङ खि। थेमे नोमुङ मिसिन्‍च्‍येते जुनी ङेत्‍क्‍यो,” सिन सिदुक।

यूहन्‍ना 5:39

परमेश्‍वर बातला साबाच्‍योक खासीन नोमुङ मिसिन्‍च्‍येते जुनी ङेत्‍क्‍यो सिन ख्‍योकोन थे बाततेबा आउदी लेमु खाला पढे खिदुक। थे बातला ङा सु ईन्‍दे सिन लेमु खाईन टिबा ओत।

यूहन्‍ना 5:45

आबे दोन्‍दु ङे ख्‍योकोन दोषी ईन सिन सितासीन सिन विचार माकेत। ङ्योकोनलानी मोशेकी परमेश्‍वर नियम लेमु खाला ङेन्‍कान ईन सिओ सिन आश खाईन देता ओत्‍सीनोङ आबे दोन्‍दुनी ङे मेन, होथे मोशेकीका ख्‍योकोन दोषी ईन सिन सिओ।

यूहन्‍ना 7:19

च्‍यि मोशेकी ख्‍योकोनला परमेश्‍वर नियम बिन्‍दा मेतरो? ईन्‍सीनोङ ख्‍योकोन खाङगीङ थे नियम मेङेन्‍दुक। थेमे ङालाचेन ख्‍योकोन च्‍यिला सेता छोल्‍गीते?” सिन सिदुक।

यूहन्‍ना 8:33

थोक सिरजीन थेबेकी “ङ्योकोननी अब्राहाम सन्‍तान ईन। थेमे थातासाक सुङगीङ योक्‍पो योङमु ओङा मेत सासीन खो चुक खाला ङ्योकोनला योक्‍पो योङमु खिन ओत्‍सादुई डेल्‍च्‍ये बात खिते?” सिन सासुङ।

यूहन्‍ना 8:41

ख्‍योकोनचेन खेराङ आबेकी खित्‍च्‍येते च्‍योक्‍ते काम खिदुक,” सिन सिदुक। थेकी साबाच्‍योक ईनराङ मेन सिन थेबेकी “ङ्योकोननी ज्‍येन मि फिजा मेन। ङ्योकोनते आबाज्‍यीककामा ओत, थेचेन परमेश्‍वरराङ ईन,” सिन सिदुक।

रोमी 2:23

ख्‍योकोन चुक्‍तेन्‍दे ईन्‍दाका। परमेश्‍वरगी ङ्योकोनला थे खोरोङ नियम बिन्‍दा ओत सिन छ्ये खित्‍कान्‍तेबा ख्‍योकोनगीराङ थे नियम माङेन्‍ला परमेश्‍वरला छ्याःङ च्‍योक गने मिक्‍किदुक।

रोमी 3:27

बात दोक ईन्‍देकी परमेश्‍वर नियम ङेन्‍गीनका थेकी ङुरूङला दोषी मेन साबाते ईन सिन ङुरूङ सुङगीङ छ्ये खिता मेङेदो। च्‍यिला छ्ये खिता मेङेत्‍ते सासीन परमेश्‍वर नियम ङेन्‍गीन धर्मती ओङेकी खित्‍सादु मेन, येशूला विश्‍वास खाबेकी खित्‍सादुकामा परमेश्‍वरगी ङुरूङला दोषी मेन साबाते ईन।

रोमी 9:32

च्‍यिला सासीन थेबेकी खोपरोङला दोषी मेन सिरच्‍येते परमेश्‍वर काम ईन सिन थेला विश्‍वास माक्‍यासुङ। थोक खिता साटोला बरू थेबेकीचेन परमेश्‍वर नियम ङेन्‍ला धर्म कर्म खालाराङ थे दोन्‍दु थोक्‍ते मि ओङा चाल्‍सुङ। थेबेकी थोक खाबेकी खित्‍सादु येशू ख्रीष्‍टचेन थेबे लाईदु नार्दोक ग्‍याप्‍ला रिल्‍च्‍येते दो च्‍योकराङ ओङसुङ।

२ कोरिन्‍थी 11:22

थेबा हिब्रू ईन खिदुक। ङाङ हिब्रूराङ ईन। थेबेकी खोपरोङ इस्राएली ईन खिदुक। ङाङ इस्राएलीराङ ईन। थेबेकी खोपरोङ अब्राहाम सन्‍तान ईन खिदुक। ङाङ थे सन्‍तानराङ ईन।

गलाती 2:15

ईन्‍दाका ङुरूङ यहूदी ईन्‍देकी होथे नियम मेङेन्‍कान्‍ते ज्‍येन ज्‍येन जातकी मि च्‍योक पापी मेन।

एफिसी 2:11

बात दोक दोक ईन्‍देकी ख्‍योकोन ज्‍येन ज्‍येन जातकी मिकी खेराङ गोमा चुक ओताने सिन टोक माज्‍येत। खोपरोङचेन परमेश्‍वरगी छाने खाबाते मि ईन सिन जीउला खतकी चिनु जोकान्‍ते इस्राएलीओनगी ख्‍योकोनला खोपरोङ च्‍योक खतकी चिनु मोजोकान्‍ते मि ईन सिन सिओ। ईन्‍दानी जीउला जोच्‍येते थे खतकी चिनु मि खोपरोङगीराङ जोच्‍येते ईन।

छ्या स्‍ये च्‍युताते बात 2:9

च्‍यि सासीन ख्‍योकोनला ज्‍येनगी दुक्‍पा बिन्‍दाते बात ङाला छ्या ओत। थेमे ख्‍योकोनला दाङच्‍या ख्‍योप्‍च्‍या मेत सिनोङ ङाला छ्या ओत। ईन्‍सीनोङ ख्‍योकोन छ्याःङ मेताते मि मेन। खोपरोङ यहूदी ईन सिन सिरकान तर लेमुते काम मिक्‍किकान्‍ते मिओनगी ईन्‍दा मेन्‍दे दोष लै खाईन ख्‍योकोन विरोध खाबाते बात ङाला छ्या ओत। थेबाचेन शैतानताङ डिक्‍कान्‍ते मि ईन।

छ्या स्‍ये च्‍युताते बात 3:1

सार्डिस सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन परमेश्‍वर आत्‍मा दुईनबो ङ्योम्‍बु ओताते थेमे लाःक्‍तु कार्मा दुईन ओताते ङा सिन ओत। च्‍यि सासीन थेपा ख्‍योकोनगी च्‍यि च्‍यि खाबा ओते सिन गाङे बात ङाला छ्या ओत। मिओनगी ख्‍योकोनला परमेश्‍वरताङ डिक्‍कान्‍ते आउदी लेमु मि ईन खिदुक। दोक ईन्‍सीनोङ ख्‍योकोन थोक्‍ते मि मेन, ख्‍योकोननी परमेश्‍वर लाईदु स्‍याप छेतराङ गाल्‍ला दुक।

छ्या स्‍ये च्‍युताते बात 3:9

दि बात ङेन। चुक सासीन खोपरोङ यहूदी ईन सिन छ्ये खित्‍कान्‍ते मिओन परमेश्‍वरगी साबाते ङेन्‍कान्‍ते मि मेन। थेबानी शैतानताङ डिक्‍कान्‍ते मिका ईन। ङा थेबाला ख्‍योकोन तिङबे ओक्‍तु दुल्‍ला ख्‍योकोन काम्‍बाला से खित ज्‍युत्‍क्‍यो। थेमे थेबेकी ङे ख्‍योकोनला ङिङज्‍ये खाबा ओताक्‍वा सिन छ्या स्‍येक्‍यो।