रोमी 2:15 - जिरेल

¹⁵ दि बात ताजीन परमेश्‍वर नियमचेन थेबा खोपरोङ सेमगी नाङदुराङ ओताच्‍योक थोङगीदुक। चुक खाला सासीन खइँदा लेमुते काम खित्‍जीन थेबा ङे दोक खाबाते ठीक ईन सिन गा खिदुक, खइँदा मेलेबा काम खासीनचेन ङे थोक खिता ओङच्‍या मेतान सिराच्‍योक खिदुक।

रोमी 2:15 Iomraidhean Croise

यूहन्‍ना 8:9

थेकी थोक सानामेकी थेबा गोमा गान्‍दा गान्‍दातेबा थेमे थे तिरी ज्‍येनतेबा रेरे रेरे खाईन थेरूकी गाङे गाल्‍सुङ। थे फेम्‍मे मिचेन येशू दोन्‍दु गोमा थे मिओनगी ज्‍याक्‍सादुराङ ठाङे लाकीन देता ओतान।

शक्ति काम 23:1

थोक खाईन यहूदीओन छ्ये छ्ये मि गाङे दोन्‍दु क्‍याल्‍नामेकी छ्याःङ ज्‍यीबाराङ मिक्‍किता खाईन थेबा ओत्‍सापाला ताकीन पावलगी “आज्‍यो न्‍वावे, परमेश्‍वरते छ्याःङ विरोध मिक्‍किता खाईन ङे जुनी खाङ थेला लेमु खाईन माने खाबा ओत,” सिन बात खिताला स्‍यूसुङ।

शक्ति काम 24:16

ङीमाई पक्‍काराङ दोक ओङगो सिन ङा दि जुनीला थुपासम्‍म जहिलेङ परमेश्‍वरगी साबा साबा च्‍योकराङ खित्‍च्‍येते थेमे ज्‍येनला लेमु ओङच्‍येते कामकामा खिता छोल्‍ग्‍यो।

रोमी 2:14

ज्‍येन ज्‍येन जातकी मिला परमेश्‍वर नियम बिन्‍दा मेतेकी थेबाला थे नियम छ्या मेत। दोक ईन्‍सीनोङ थेबेकी थे नियमला खि सिन साबाते बातताङ डिक्‍च्‍येते कामओन खिदुक। थेबेकी थोक खाबा थोङजीन खाङ काम लेमु ईन्‍दे, खाङ मेलेबा ईन्‍दे सिन थेबा खोपरोङगीराङ डेला थुपाते बात दाक छ्या स्‍येकीदुक।

रोमी 2:27

थोगी होथोक्‍ते ज्‍येन ज्‍येन जातकी मिकी ख्‍योकोनला दोषी ईन सिओ। च्‍यिला सासीन थेबेकी परमेश्‍वर नियम ङेता मेत्‍सीनोङ थेमे खतकी चिनु जोबा मेत्‍सीनोङ परमेश्‍वर नियमला खि साबा च्‍योकराङ खिदुक। तर दोक दोक खि सिन टिबाते परमेश्‍वर नियम ङेता ओत्‍सीनोङ थेमे खतकी चिनु जोकान ईन्‍सीनोङ ख्‍योकोनचेन थे नियमला खि साबाच्‍योक खितराङ मिक्‍किदुक।

रोमी 9:1

थेमे येशू ख्रीष्‍टताङ जीउज्‍यीकराङ ओङाते मि ईन्‍देकी ङा ईन्‍दाते बातकामा खिओ। ङे खिन ओताते दि बात ढाँर खाबाते मेन सिन ङाराङ सेमगी नाङ ओताते परमेश्‍वर आत्‍मेकीङ ङाला छ्या स्‍ये च्‍युता ओत।

२ कोरिन्‍थी 1:12

थेमे दि बात ङ्योकोन छ्याःङ ज्‍यीबा मिक्‍किता खाला सिरा थुप्‍क्‍यो। च्‍यि सासीन ज्‍येनगी दोन्‍दु ईन्‍स्‍यीत, ख्‍योकोन दोन्‍दु ईन्‍स्‍यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्‍योबा खाईन परमेश्‍वरगी खि साबा च्‍योकराङ खाईन लेमुते कामताङ साँचोते बातकामा खाबा ओत। ङेराङ स्‍येतताङ बुद्धिकी खित्‍सादु ङ्योकोनगी थोक खिता थुपाते मेन। परमेश्‍वर दयेकी खित्‍सादुराङ थोक खिता थुपाते ईन।

२ कोरिन्‍थी 5:11

दोक खाला ङीमा लेनज्‍यीक प्रभु येशू दोन्‍दु दाक्‍पोनगी खाबाते लेमु मेलेबा कामगी हर हिसाब तेरा फाप्‍क्‍यो सिन छ्या ओतेकी ङेराङ मेलेबा काम मिक्‍किओ सिन ङ्योकोन मिओनला छ्याःङ शंका मालाङच्‍या खाला लोप्‍क्‍यो। ङ्योकोन चुक्‍ते ईन्‍दे सिन परमेश्‍वरला गाङे छ्या ओत। दि बात ख्‍योकोनगीङ लेमु खाईन छ्या स्‍येबाराङ ओतासीन।

१ तिमोथी 4:2

ढाँर खित्‍कान्‍तेबेकी होथे ल्‍हन्‍डीक स्‍यिन्‍डीपकी जोबाते मेन्‍दा मेन्‍दे बात लेमु बात ईन सिन ज्‍येनला लोप्‍क्‍यो। थोक्‍ते मि सेमचेन स्‍यिङ दो च्‍योकराङ स्‍येन्‍दे गाला ओतेकी खोपरोङगी थोक मेलेबा बात लोप्‍जीनोङ छ्याःङ च्‍योक मालाङो।

तीतस 1:15

सेमला मेलेबा मेताते मिओन लाईदु दि सा मेङगो, दि खिता मेङगो सिरच्‍येते रीतिथिति छ्याःङ मेन। थोक्‍ते मिओनगी होदोक्‍ते रीतिथिति माने माक्‍यासीनोङ पा मोफोगो। येशूला विश्‍वास मिक्‍किकान, सेमला पाप ओताते मिओनगीचेन दि सोसीन, दोक खासीन पा फोइओ सिरच्‍येते ईन्‍देकी थोक्‍ते मिओन लाईदु जेसुकै मेलेबाराङ ओङगो। खोपरोङ सेम लेमु मेतेकी खिता मेङच्‍येते काम खासीनोङ थेबाला छ्याःङ मेलेबा खाबाच्‍योक मालाङो।