रोमी 2:14 - जिरेल

¹⁴ ज्‍येन ज्‍येन जातकी मिला परमेश्‍वर नियम बिन्‍दा मेतेकी थेबाला थे नियम छ्या मेत। दोक ईन्‍सीनोङ थेबेकी थे नियमला खि सिन साबाते बातताङ डिक्‍च्‍येते कामओन खिदुक। थेबेकी थोक खाबा थोङजीन खाङ काम लेमु ईन्‍दे, खाङ मेलेबा ईन्‍दे सिन थेबा खोपरोङगीराङ डेला थुपाते बात दाक छ्या स्‍येकीदुक।

रोमी 2:14 Iomraidhean Croise

शक्ति काम 10:35

थेमे जातला छ्ये टेक्‍टे जे ईन्‍सीनोङ थेला माने खित्‍कानताङ थेकी खि साबा साबाच्‍योक खित्‍कान गाङेला परमेश्‍वरगी मन परे खिओ सिन ङे लेमु खाईन छ्या स्‍येसुङ।

शक्ति काम 14:16

गोमा गोमाबाचेन थेकी लुङबा लुङबे मि गाङेला खोपरोङ खुशी खिन ख्‍याम्‍सीनोङ छ्याःङ माक्‍यासुङ।

शक्ति काम 17:30

ईन्‍दानी मिओनगी थे सु ईन्‍दे, चुक्‍ते ईन्‍दे सिन लेमु खाईन छ्या मास्‍येकीन मूर्तितेबा जोकीन थेला माने खासीनोङ थातासाक थेकी सजाय माबिन्‍सुङ। थाचेन थेकी गाङेपा मि गाङेला खोपरोङ पापी दुका सिन छ्या स्‍येला थे छ्य्‌वापा लै खि सिन साबा ओत।

रोमी 1:32

होथोक्‍ते मेलेबा काम खित्‍कान्‍ते गाङेकी सजाय ङेत्‍ला स्‍या फाप्‍क्‍यो सिन परमेश्‍वर नियमला साबाते बात छ्या ओत्‍कीन ओत्‍कीनोङ मिओनगीचेन खोपरोङकामा मेलेबाते काम खिन देत्‍च्‍येते मेनगी ज्‍येनगी थोक्‍ते काम खाबा थोङजीन थेबेकी चुक लेमु खासुङा सिन गाका खिओ।

रोमी 2:12

परमेश्‍वर नियम छ्या मेताते ज्‍येन ज्‍येन जातकी मि न्‍याय खित्‍जीन परमेश्‍वरगी थे नियम ङेन्‍सुङाना माङेन्‍सुङा सिन माताओ। थेबेकी पाप खाबा ओत्‍सीन थेबा सजाय ङेत्‍ला नरककुण्‍डमा डुइओ। थे नियम छ्या ओताते यहूदीओन न्‍याय खित्‍जीनचेन परमेश्‍वरगी थे नियमराङ लै खाला न्‍याय खिओ। थे नियम मेङेन्‍दा खाईन पाप खाबा ओत्‍सीन थेबेकीङ सजाय ङेत्‍क्‍यो।

रोमी 2:15

दि बात ताजीन परमेश्‍वर नियमचेन थेबा खोपरोङ सेमगी नाङदुराङ ओताच्‍योक थोङगीदुक। चुक खाला सासीन खइँदा लेमुते काम खित्‍जीन थेबा ङे दोक खाबाते ठीक ईन सिन गा खिदुक, खइँदा मेलेबा काम खासीनचेन ङे थोक खिता ओङच्‍या मेतान सिराच्‍योक खिदुक।

रोमी 2:27

थोगी होथोक्‍ते ज्‍येन ज्‍येन जातकी मिकी ख्‍योकोनला दोषी ईन सिओ। च्‍यिला सासीन थेबेकी परमेश्‍वर नियम ङेता मेत्‍सीनोङ थेमे खतकी चिनु जोबा मेत्‍सीनोङ परमेश्‍वर नियमला खि साबा च्‍योकराङ खिदुक। तर दोक दोक खि सिन टिबाते परमेश्‍वर नियम ङेता ओत्‍सीनोङ थेमे खतकी चिनु जोकान ईन्‍सीनोङ ख्‍योकोनचेन थे नियमला खि साबाच्‍योक खितराङ मिक्‍किदुक।

१ कोरिन्‍थी 11:14

थेमे च्‍यि ख्‍योओ मिकी टा रीम्‍बु खाईन सोसीन थे थेला सोई खिदुकरो?

१ कोरिन्‍थी 9:21

लोक्‍ला परमेश्‍वरगी थे खोरोङ नियम बिन्‍दा मेताते मिओनताङ देत्‍जीनचेन होथेबेकीङ येशूला विश्‍वास खित्‍स्‍यीत सिन ङाङ होथेबा च्‍योकराङ खाईन देतान। दोक साबाते ङा परमेश्‍वर नियम मेङेनो साबाते मेन, ङानी ख्रीष्‍टकी कोताते ङेन्‍ग्‍यो।

एफिसी 2:12

ख्‍योकोनगी टोक ज्‍येता मेङच्‍येते बात च्‍यि सासीन ख्‍योकोन गोमा ख्रीष्‍टकी छ्य्‌वापेई छ्याःङ मेङेत्‍कान्‍ते मि ओतान, परमेश्‍वरगी छाने खाबाते इस्राएली नाङ फाप्‍कीन मेतान थेमे परमेश्‍वरगी जमान खाईन थेबाला तेरग्‍यो साबातेबा ङेत्‍च्‍येते ख्‍योकोनते छ्याःङ हक मेतान। दोस्‍यिककामा मेन, तिरी जुनीला लेमु ओङच्‍येते ख्‍योकोनते छ्याःङ आश मेतान थेमे परमेश्‍वरला छ्या मास्‍येकीन दि सा लुङबादु खेराङला लेमु खित्‍कान्‍ते सुङ मेताच्‍योक खाईन देता ओतान।

एफिसी 2:3

ईन्‍दाका गोमाबा ङुरूङ गाङेराङ ज्‍येन च्‍योकराङ दाक्‍पोन खुशीला ख्‍याम्‍गीन दाक्‍पोनला च्‍यि च्‍यि खिता सेम लाङगीका थोकराङ खिन खिता मेङच्‍येते कामताङ बात खिन ओतान। थोक खाबेकी ङुरूङगीङ होथेबा ज्‍येनगी च्‍योकराङ खाला परमेश्‍वरगी स्‍येदाङगी चूर गाल्‍ला तेरच्‍येते सजाय ङेता फाप्‍च्‍या ओतान।

फिलिप्‍पी 4:8

थोगी बात चुक सासीन आज्‍यो न्‍वावे, ख्‍योकोनगी लेमुते थेमे खिता ओङच्‍येते कामताङ बातकीतेकामा विचार खि। चुक सासीन ख्‍योकोनगी साँचोते बातकामा खित्‍च्‍येते, लेमुते कामताङ बातकामा खित्‍च्‍येते, अन्‍याय मिक्‍किच्‍येते, मेलेबाते कामताङ बात छ्याःङ मिक्‍किच्‍येते, लेमु लाङच्‍येते थेमे मि सेमला डोच्‍येते कामताङ बातकीतेकामा विचार खि।