रोमी 2:13 - जिरेल

¹³ च्‍यिला सासीन परमेश्‍वर नियम छ्या ओत्‍जीनमेईराङ सुङलाङ परमेश्‍वरगी दोषी मेन मिसिरो। जसकी परमेश्‍वर नियमला साबा च्‍योकराङ खाईन काम खाला दुक होथोक्‍ते मिओनलाराङ थेकी दोषी मेन सिओ।

रोमी 2:13 Iomraidhean Croise

लूका 18:14

ङा ख्‍योकोनला च्‍यि सिते सासीन खाम्‍बाला ग्‍युरला डोजीन थेबा ङिबो नाङ परमेश्‍वरगी कर लिन्‍कान्‍ते मि पापचेन माफ बिन्‍दा ओतान। फरिसी पाटी मिचेन पापीकी पापीराङ ओतान। च्‍यिला सासीन ङा ङाराङ ईन सिरकानला परमेश्‍वरगी छ्ये ईन सिन मिसिरो। छ्ये मिक्‍किकान्‍ते मिलाचेन परमेश्‍वरगी छ्ये जोइओ,” सिन सिदुक।

लूका 8:21

थेकी थोक सिरजीन येशूकी थेरू ओताते मि गाङेला “परमेश्‍वर बात ङेन्‍ला थेरू खि साबा साबाच्‍योक खित्‍कान्‍ते मिओनराङ ङेते आमाताङ न्‍वाओन ईन,” सिन सिदुक।

यूहन्‍ना 13:17

दि बात ख्‍योकोनगी छ्या स्‍येबा ओत। खेराङगी छ्या स्‍येबा ओताच्‍योक खाईन कामोङ खासीन परमेश्‍वरगी ख्‍योकोनला आशी तेरग्‍यो।

शक्ति काम 13:39

येशूला विश्‍वास खित्‍कान गाङेला परमेश्‍वरगी थेबे पापबरी माफ बिन्‍ला थेबाला दोषी मेन सिन सिओ। मोशेकी टिबाते परमेश्‍वर नियम तालाचेन परमेश्‍वरगी ख्‍योकोनला दोक खाला दोषी मेन सिरा थुप्‍च्‍या मेतान।

रोमी 10:5

थोगी परमेश्‍वर नियम ङेन्‍ला दाक्‍पोनला परमेश्‍वरगी दोषी मेन सिओ सिरकान्‍ते मि बात खिन मोशेकी चुक साबा ओते सासीन “परमेश्‍वर नियमला खि साबाते गाङे साबा साबाच्‍योक खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो,” सिन साबा ओत।

रोमी 2:25

थेमे जीउला खतकी चिनु जोच्‍येते बात लोक्‍ला चुक सासीन ख्‍योकोनगी परमेश्‍वर नियम ङेन्‍दा ईन्‍सीन परमेश्‍वरगी छाने खाबाते मि ईन सिन ख्‍योकोनगी थे चिनु जोबाते काम लै खित्‍च्‍या ओतान। परमेश्‍वर नियम माङेन्‍नामेकी परमेश्‍वर दोन्‍दु ख्‍योकोननी थे चिनु माजोबाते ज्‍येन ज्‍येन जातकी मि छेतराङ ईन।

रोमी 3:20

च्‍यिला सासीन परमेश्‍वर नियमला खि साबाते ङेन्‍लानी सुङलाङ परमेश्‍वरगी दोषी मेन सिरराङ मिसिरो। परमेश्‍वर नियम तालाचेन खालि थे नियम माङेन्‍गीन दाक्‍पोनगी पाप खाबा ओताक्‍वा सिनकामा छ्या स्‍येक्‍यो।

रोमी 3:23

च्‍यिला सासीन मि गाङेकी पाप खाबेकी खित्‍सादु सुङ परमेश्‍वर दोन्‍दु जस्‍तो लेमु ओङा फाप्‍च्‍या ओतान उस्‍तोराङ मायाङसुङ।

रोमी 3:30

मि गाङेते परमेश्‍वर दोक्‍पोईकामा ओत। यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत येशू ख्रीष्‍टला विश्‍वास खित्‍कान गाङेला परमेश्‍वरगी दोषी मेन सिओ।

१ कोरिन्‍थी 4:4

ङाराङ काम खित्‍जीन ङे खइँदा गल्‍ती खाबा ओत सिराच्‍योक ङाला मालाङदुक। दोक सिरजीनमेईराङ ङे छ्याःङ गल्‍ती खाबा मेत सिन साबाते मेन। ङे खाबाते काम खाङ ठीक ईन्‍दे, खाङ ठीक मेन्‍दे सिन डेल्‍कान्‍ते प्रभु येशूकामा ईन।

गलाती 2:16

यहूदी ईन्‍सीनोङ परमेश्‍वर नियमला खि साबाते ङेन्‍ला सुङलाङ परमेश्‍वरगी दोषी मेन सिरच्‍येते मेन, खालि येशू ख्रीष्‍टला विश्‍वास खित्‍कान्‍ते मिओनलाकामा थेकी दोषी मेन सिओ सिन ङुरूङगी लेमु खाईन छ्या स्‍येबा ओत। थोगी ङुरूङोङ परमेश्‍वर नियम ङेन्‍नामेई थेकी दाक्‍पोनला दोषी मेन सिओ सिन मिसिरो। बरू येशू ख्रीष्‍टकी खाबाते कामगी खित्‍सादुका थेकी ङुरूङला दोषी मेन सिओ सिन ङुरूङगी येशू ख्रीष्‍टला विश्‍वास खाबाते ईन। च्‍यिला सासीन परमेश्‍वर नियमला खि साबाते ङेन्‍लानी सुङ परमेश्‍वर दोन्‍दु गल्‍ती मिक्‍किकान्‍ते मि ओङाराङ मुथुबो।

गलाती 5:4

परमेश्‍वर नियम ङेन्‍सीन परमेश्‍वरगी खेराङला दोषी मेन सिओ सिन विचार खित्‍कान ख्‍योकोननी ख्रीष्‍टताङ ठाल्‍गीन सिन्‍दाते मि ईन। थोगी परमेश्‍वरगी ख्‍योकोनला दया खाला लेमु खिता मुथुबो।

याकूब 1:27

आबा परमेश्‍वरगी खि साबाच्‍योक खित्‍च्‍या सिरातेनी सुङ मेत्‍कीन दुक्‍पा ङेता ओताते ट्वारा टिङग्रेताङ ख्‍योबो स्‍याप्‍ते फेम्‍मे मिओन दुक्‍पा थोङला थेबाला लेमु खित्‍च्‍येते थेमे परमेश्‍वरला छ्या मेस्‍येकान्‍ते दि सा लुङबे मिओनगी खिताच्‍योक मेलेबा काम मिक्‍किच्‍येते ईन।

१ यूहन्‍ना 2:29

थेकी मेलेबा कामताङ बात सिराते नोमुङ छ्याःङ खाबा मेत सिन ख्‍योकोनला छ्याराङ ओत। थोगी लेमुते कामताङ बात खित्‍कान्‍ते मिचेन गाङे परमेश्‍वर फुज्‍युङ फुमु ओङाते मि ईन सिनोङ ख्‍योकोनला छ्याराङ ओत।

१ यूहन्‍ना 3:7

फिजावे, सुङगीङ ख्‍योकोनला छक्‍के खाला येशू ख्रीष्‍ट छ्य्‌वापेई ठाल मुज्‍युत्‍स्‍यीत। परमेश्‍वरगी खि साबाच्‍योक खित्‍कान्‍ते मिकीचेन येशू ख्रीष्‍टकी खाबा च्‍योकराङ खिओ। येशू ख्रीष्‍टचेन लेमुते कामताङ बातकामा खित्‍कान्‍ते ईन।