रोमी 2:12 - जिरेल

¹² परमेश्‍वर नियम छ्या मेताते ज्‍येन ज्‍येन जातकी मि न्‍याय खित्‍जीन परमेश्‍वरगी थे नियम ङेन्‍सुङाना माङेन्‍सुङा सिन माताओ। थेबेकी पाप खाबा ओत्‍सीन थेबा सजाय ङेत्‍ला नरककुण्‍डमा डुइओ। थे नियम छ्या ओताते यहूदीओन न्‍याय खित्‍जीनचेन परमेश्‍वरगी थे नियमराङ लै खाला न्‍याय खिओ। थे नियम मेङेन्‍दा खाईन पाप खाबा ओत्‍सीन थेबेकीङ सजाय ङेत्‍क्‍यो।

रोमी 2:12 Iomraidhean Croise

मत्ती 11:22

थोगी ङा ख्‍योकोनला च्‍यि सिते सासीन परमेश्‍वरगी न्‍याय खिते छोमु ख्‍योकोनला छेत सजायनी थेकी टायरताङ सीदोन सारगी मिलाङ मेतेरो।

मत्ती 11:24

थोगी ङा ख्‍योकोनला च्‍यि सिते सासीन था न्‍याय खिते छोमु ख्‍योकोनला छेत सजायनी परमेश्‍वरगी सदोम सारगी मिलाङ मेतेरो,” सिन सिदुक।

यूहन्‍ना 19:11

थोक सिरजीन येशूकी “स्‍वर्गने ओताते परमेश्‍वरगी ङाला दोक खि सिन खोल्‍ला अधिकार बिन्‍देकी खित्‍सादुकामा खुई ङे न्‍याय खिता ङेताते ईन। ङाला खुई लाःक्‍तु सोम्‍पे खित्‍कान्‍ते मिकी झन आउदी पाप खाबाते ईन,” सिन सिदुक।

शक्ति काम 2:23

थोक ईन्‍सीनोङ ख्‍योकोनगीचेन थेला पापीओन लाःक्‍तु सोम्‍पे खाईन लाक्‍पा काम्‍बाला काँटी ग्‍याप्‍कीन स्‍यिङगी थामला टाँए खाईन सेत च्‍युत्‍सुङ। ईन्‍दानी थेकी थोक खाला स्‍या फाप्‍क्‍यो सिन परमेश्‍वरगी गोमाका साबा ओतान।

रोमी 1:32

होथोक्‍ते मेलेबा काम खित्‍कान्‍ते गाङेकी सजाय ङेत्‍ला स्‍या फाप्‍क्‍यो सिन परमेश्‍वर नियमला साबाते बात छ्या ओत्‍कीन ओत्‍कीनोङ मिओनगीचेन खोपरोङकामा मेलेबाते काम खिन देत्‍च्‍येते मेनगी ज्‍येनगी थोक्‍ते काम खाबा थोङजीन थेबेकी चुक लेमु खासुङा सिन गाका खिओ।

रोमी 4:15

च्‍यिला सासीन मिओन परमेश्‍वर नियम मेङेन्‍कान्‍ते ईन्‍देकी परमेश्‍वरगीनी थेबाला थे नियमला साबा च्‍योकराङ खाला स्‍येदाङगी चूर गाल्‍ला सजायका तेरग्‍यो। दोक खि, थोक माकेत सिरच्‍येते परमेश्‍वर नियम मेता ईन्‍सीनचेन गल्‍ती खासुङ सिन सुङलाङ सिरा ङेत्‍च्‍या मेतान।

रोमी 8:3

ङुरूङ परमेश्‍वरगी खि साबाच्‍योक खिता मुथुप्‍कान्‍ते मि ईन्‍देकी ङुरूङला पापदुकी डेल्‍च्‍येते थेमे स्‍यिसादुकी जोए खित्‍च्‍येते काम परमेश्‍वर नियम छ्य्‌वापेकी ओङा थुपा मेतान। थोगी दि काम खिताला मि जुनीराङ लाला केला च्‍याला स्‍याप्‍ला परमेश्‍वरगी थे खोरोङ फुज्‍युङराङ देमा ताङसुङ। मि जुनी लासीनोङ थेकी नोमुङ छ्याङ पाप खाबा मेतान। थेमे पापकी सजाय जति परमेश्‍वरगी थेलाराङ भोगे खित च्‍युत्‍सुङ। थे थोक खाईन स्‍याप्‍की खित्‍सादु परमेश्‍वरगी मिओनला पाप खित्‍च्‍येते बानीदुकी टाल्‍गीन बिन्‍सुङ।

१ कोरिन्‍थी 9:21

लोक्‍ला परमेश्‍वरगी थे खोरोङ नियम बिन्‍दा मेताते मिओनताङ देत्‍जीनचेन होथेबेकीङ येशूला विश्‍वास खित्‍स्‍यीत सिन ङाङ होथेबा च्‍योकराङ खाईन देतान। दोक साबाते ङा परमेश्‍वर नियम मेङेनो साबाते मेन, ङानी ख्रीष्‍टकी कोताते ङेन्‍ग्‍यो।

गलाती 3:10

परमेश्‍वर नियम ङेन्‍सीन परमेश्‍वरगी खोपरोङला दोषी मेन सिओ सिन विचार खित्‍कान्‍ते मिलाचेन गाङेला थेकी सराप बिन्‍ला सजाय तेरग्‍यो। च्‍यिला सासीन परमेश्‍वर नियमला चुक साबा ओते सासीन “नियमला खि साबाते दोक्‍पोईओङ मोतोङा खाला गाङे साबा साबा च्‍योकराङ खिन मादेत्‍सीन थोक्‍ते मिला परमेश्‍वरगी सराप बिन्‍ला सजाय तेरग्‍यो,” सिन टिबा ओत।

गलाती 3:22

बरू बात चुक सासीन सा लुङबा खाङगी मि गाङेराङ परमेश्‍वर नियम माङेन्‍ला पापकामा खित्‍च्‍येते बानी थ्‍वाबाते ईन सिन परमेश्‍वर बातला साबा ओत। थोक ईन्‍देकी थेकी जमान खाईन तेरग्‍यो साबाते आशीचेन परमेश्‍वरगी येशू ख्रीष्‍टला विश्‍वास खित्‍कान्‍ते मिओनलाकामा तेरग्‍यो सिरच्‍येते बात पत्ते खित्‍कान्‍ते मिओनला तेरग्‍यो।

याकूब 2:10

सुइँदेकी परमेश्‍वर नियम नाङ ज्‍येन जति गाङे ङेन्‍गीन दोक्‍पोईकामा माङेन्‍सुङ सासीन थे नियम गाङे माङेन्‍दा छेतराङ ईन।