रोमी 2:1 - जिरेल

¹ दि बात थोजीन छ्यि थेबा मेलेबा मि ईन सिरकान्‍तेबा ख्‍योकोन जोराङ ईन्‍सीनोङ ङेनी छ्याःङ मेलेबा खाबा मेत सिन सुङगीङ सिरा मेङेदो। थेबेकी मेलेबा काम खाबेकी सजाय ङेताराङ फाप्‍क्‍यो सिन साबेकी ख्‍योकोनोङ दोषी ईन। च्‍यि ख्‍योकोनोङ होथेबेकी खित्‍च्‍येते च्‍योक्‍ते कामराङ खित्‍कान मेनरो?

रोमी 2:1 Iomraidhean Croise

लूका 12:14

थेकी थोक सिरजीन येशूकी “ए होइ, ङे काम अंशे बात डिक्‍पा खाला तेरच्‍येते मेन। थोगी ङाला दि बात मासेर,” सिन सिदुक।

लूका 19:22

थेकी थोक सिरजीन थे गेल्‍बोकी ‘खो चुक मेलेबा मि ओता ईन्‍दाका। खुई खेकी खित्‍सादु ङा खोल्‍ला सजाय तेरग्‍यो। ङाचेन ङाराङते ईनराङ मेन्‍दातेङ ङाराङगी ङेत्‍च्‍या जोकान्‍ते थेमे ङाराङगी लै माक्‍याबाते बालीनालीङ रूक्‍कान्‍ते खोक्‍पोते मि ईन सिन खोल्‍ला छ्या ओतानरो?

लूका 6:37

थेमे ख्‍योकोनगी ज्‍येनला फलाना दोक्‍ते, थे थोक्‍ते सिन मासेर। थोक खासीन परमेश्‍वरगी ख्‍योकोन दोषी ईन सिन सिओ। थेमे ख्‍योकोनगी फलानेकी थोक खाबेकी थेकी सजाय ङेताराङ फाप्‍क्‍यो सिन मासेर। दोक खासीन परमेश्‍वरगीङ ख्‍योकोनला खेराङ कामगी सजाय तेरग्‍यो। बरू ख्‍योकोनला सुइँदेकी खइँदा मेलेबा खासीन थेबाला माफ बिन। दोक खासीन परमेश्‍वरगी ख्‍योकोन पापोङ माफ तेरग्‍यो।

रोमी 14:22

जे सोसीन थुसीनोङ पा मोफोगो सिन खेराङगी छ्या स्‍येबाते बात परमेश्‍वरगीकामा छ्या स्‍येसीन लेमु ईन। ख्‍योकोनगी सोकीन थुकीन खानामेई थरिङ ङे थोक खाबाते ठीक खाताकाना माक्‍याताका सिन विचार खित्‍जीन ङे थोक खाबाते ठीकराङ ईन सिराच्‍योक लासुङ सासीन ख्‍योकोनगी पाप खाबाते मेन। ख्‍योकोन भाग्‍यमानी ईन।

रोमी 2:2

परमेश्‍वरगी होथोक्‍ते मेलेबाते काम खित्‍कान्‍ते मिओनला सजाय तेरा डिक्‍च्‍येतेराङ ईन सिरच्‍येते बात ङुरूङ सुङ मेन मिसिरो।

रोमी 2:3

दि बात छ्या ओत्‍लाङ ज्‍येनलाचेन पापी ईन सिन साला थेबेकी च्‍योक्‍ते मेलेबाते कामराङ खित्‍कान्‍ते ख्‍योकोन खेराङगीचेन सजाय मेङेदो सिन चुक खाला विचार खिते? परमेश्‍वर सजायदुकी ख्‍योकोनोङ उम्‍केराङ मिक्‍किओ।

रोमी 3:9

थेमे था ङुरूङ चुक सिरच्‍ये ओना? च्‍यि ङुरूङ यहूदीओन ज्‍येन ज्‍येन जातकी मि भन्‍दा लेमु मि ईन सिरच्‍या? चुक खाला दोक सिरच्‍येरो? च्‍यिला सासीन यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत गाङेराङ मेलेबा कामताङ पाप खित्‍कान्‍ते ईन सिन ङुरूङगी लेमु खाईन छ्या स्‍येसुङ मेन?

रोमी 9:20

ख्‍योकोन दोक सिरकान्‍तेबाला ङा च्‍यि सिते सासीन परमेश्‍वरगी ठीक काम माक्‍यासुङ सिन थेला खा खित्‍कान्‍ते खोका सु ईन्‍देरो? च्‍यि सबी स्‍यीकी कुमालेला खुई ङाला च्‍यिला दोकस्‍यिक खाईन जोबे सिन सिओतरो?

१ कोरिन्‍थी 4:5

थोगी ङा ख्‍योकोनला च्‍यि सिते सासीन प्रभु येशू ग्‍युरगीन मावाथुप ख्‍योकोन सुङगीङ दि दोक्‍तेताङ थे थोक खित्‍कान्‍ते सिन ज्‍येनगी गल्‍ती मातेन। था वाला च्‍याला प्रभु येशूकी मिकी ज्‍येनगी छ्या मेस्‍येबा खाईन खाबाते काम ईन्‍स्‍यीत, खोपरोङ सेमलाकामा विचार खाबाते बात ईन्‍स्‍यीत, लेमु मेलेबा चुक ईन्‍दे सिन डेल्‍ग्‍यो। थेमे लेमु काम खित्‍कानलाचेन गाङेला परमेश्‍वरगी खुई आउदी लेमु खासुङ सिन सिओ।

१ कोरिन्‍थी 7:16

ख्‍योकोन येशूला विश्‍वास खित्‍कान्‍ते फेम्‍मे मिकी दाक्‍पोन ख्‍योबो खेराङताङ माठाल्‍सीन थेकीङ येशूला विश्‍वास खाला पापकी सजायदुकी थारग्‍यो सिन चुक खाला सिरा थुप्‍कीते? थोकराङ खाला ख्‍योओ मिकीङ ङात्ताङ ङ्योम्‍बु देत्‍सीन ङे फेम्‍मेकीङ ङीमाई येशूला विश्‍वास खाला पापकी सजायदुकी थारग्‍यो सिन चुक खाला सिरा थुप्‍कीतेरो?

याकूब 2:20

खो चुक लेम्‍बा ईन्‍दाका। येशू ख्रीष्‍टला विश्‍वास खिओ सिन खेकीकामा साला थेकी साबाच्‍योक खाईन काम माक्‍यासीन खुई थेला विश्‍वास खिओ सिन साबातेनी छ्याःङ कामराङ लै मिक्‍किओ।

याकूब 4:11

आज्‍यो न्‍वावे, ख्‍योकोनगी फलाना दोक्‍तेताङ थोक्‍ते सिन दोक्‍पोईकी ज्‍येनज्‍यीक बात माकेत। दाक्‍पोन आज्‍यो न्‍वाकी बात खिन ख्‍याम्‍कान्‍ते कि खो दोषी ईन सिन सिरकान्‍ते मिकीचेन परमेश्‍वर नियमला साबाते दि दि बात लेमु मेन सिन थे नियमराङ ठीक मेन साबाते ईन। थोक खित्‍कान्‍ते मिकीनी थे नियम ङेन्‍दा साटोला थे लेमु मेन सिनका साबाते ईन।