रोमी 16:7 - जिरेल

⁷ थेमे ङे मि फाप्‍च्‍येते गोमा ङात्ताङराङ जेलदु देताते एन्‍ड्रोनिकसताङ युनियसलाङ ङेते नमस्‍ते ओत सि। थेबाचेन येशू ख्रीष्‍टकी खटे खाबाते मिओन नाङ मिन चले खाबाते मि ईन। थेबेकी ङे भन्‍दा गोमामेकीराङ ख्रीष्‍टला विश्‍वास खिताला स्‍यूबाते ईन।

रोमी 16:7 Iomraidhean Croise

यूहन्‍ना 14:20

ङाला थोङे छोमु आबाताङ ङा दोक्‍पोईराङ दुका, ङा ख्‍योकोन सेमगी नाङ देत्‍च्‍याक्‍वा थेमे ख्‍योकोनोङ ङात्ताङ जीउज्‍यीकराङ ओङा ओताक्‍वा सिन ख्‍योकोनगी लेमु खाला छ्या स्‍येक्‍यो।

यूहन्‍ना 15:2

थेकी अंगूर मोगोन्‍च्‍येते हाँगा गाङे ठेला क्‍युरग्‍यो। थेमे लेमु खाला गोन्‍च्‍येते हाँगातेबाचेन झन लेमु खाला गोन्‍स्‍यीत सिन कलमी खाला तेरग्‍यो।

यूहन्‍ना 6:56

ङे स्‍या साकान्‍तेताङ ठाक थुङकान्‍ते मिचेन ङात्ताङ डिक्‍लाराङ देत्‍क्‍यो। थेमे ङाङ थेत्ताङ डिक्‍लाराङ देत्‍क्‍यो।

रोमी 16:10

अपेल्‍लेसला ङेते नमस्‍ते ओत सि। थेचेन जस्‍तोराङ ओङजीनोङ येशू ख्रीष्‍टला विश्‍वास खिता तोङराङ मोतोङकान्‍ते मि ईन सिन ङुरूङला छ्या ओत। थेमे अरिस्‍तोबुलस खाम्‍बे मिओनलाङ ङेते नमस्‍ते ओत सि।

रोमी 16:11

ङे मि फाप्‍च्‍येते हेरोदियनला ङेते नमस्‍ते ओत सि। थेमे नर्सिसस खाम्‍बे मिओन नाङ प्रभु ख्रीष्‍टला विश्‍वास खित्‍कान्‍ते मिओनलाङ ङेते नमस्‍ते ओत्‍लो सि।

रोमी 16:21

थेमे ङात्ताङराङ येशू ख्रीष्‍ट काम खित्‍कान्‍ते तिमोथीते ख्‍योकोनला नमस्‍ते ओत्‍लो। थोकराङ खाला ङाराङ मि फाप्‍च्‍येते लुसियस, यासोनताङ सोसिपेटरतेङ ख्‍योकोनला नमस्‍ते ओत्‍लो।

रोमी 16:3

थेमे गोमा ङात्ताङराङ येशू ख्रीष्‍ट काम खित्‍कान्‍ते अक्‍वीलाताङ प्रिस्‍किलाबा जाप्राङ ङिबोला ङेते नमस्‍ते ओत सि।

रोमी 16:6

थेमे मरियमलाङ ङेते नमस्‍ते ओत सि। थेकी ख्‍योकोन लाईदु थोई दुक्‍पा खाईन काम खाबा ओताने सिन टोक माज्‍येत।

रोमी 16:8

थेमे प्रभु ख्रीष्‍टताङ जीउज्‍यीकराङ ओङाते ङे ङिङज्‍येते र्‍वा एमप्‍लिआतसलाङ ङेते नमस्‍ते ओत सि।

रोमी 16:9

थोकराङ खाला ङ्योकोन च्‍योकराङ ख्रीष्‍टकी काम खित्‍कान्‍ते उर्बानसला ङेते नमस्‍ते सि। ङे ङिङज्‍येते र्‍वा स्‍ताकिसलाङ ङेते नमस्‍ते ओत सि।

रोमी 8:1

जो जो येशू ख्रीष्‍टताङ जीउज्‍यीकराङ ओङला दुक था थेबेकी परमेश्‍वर सजाय ङेतराङ मेङेदो।

रोमी 8:11

परमेश्‍वर थे खोरोङ आत्‍मा ख्‍योकोन सेमदु ओतेकी येशू ख्रीष्‍टला स्‍यिसादुकी सोम्‍बो लोक्‍कान्‍ते परमेश्‍वरगीराङ था स्‍यिनामेई रूल्‍ला डोच्‍येते ख्‍योकोन जीउ खुदुक जोला सोम्‍बो लोइओ। दोकचेन थेकी ख्‍योकोन सेमदु ओताते थे खोरोङ आत्‍मे छ्य्‌वापेई खिओ।

१ कोरिन्‍थी 1:30

परमेश्‍वरगी खित्‍सादुकामा ख्‍योकोन येशू ख्रीष्‍टताङ जीउज्‍यीकराङ ओङाते ईन। येशू ख्रीष्‍टला ताला परमेश्‍वर चुक बुद्धि पुरे खाला काम खित्‍कान्‍ते ईन्‍दे सिन छ्या स्‍येक्‍यो। च्‍यि सासीन ख्रीष्‍टकी खित्‍सादु परमेश्‍वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।

२ कोरिन्‍थी 11:23

थेबेकी खोपरोङ येशू ख्रीष्‍ट काम खित्‍कान्‍तेबा ईन खिदुक। ङाङ येशू ख्रीष्‍ट काम खित्‍कान्‍तेराङ ईन। ईन्‍दानी दोक्‍ते बात खित्‍च्‍येते लेम्‍बे बात च्‍योक्‍ते ईन सिन ङाला छ्या ओत। ईन्‍सीनोङ ङा च्‍यि सिते सासीन थेबेकी भन्‍दा ङे खापान खापान ल्‍हाक्‍पा काम खाबा ओत। ङा पालो थोई जेलदु देते सिन टुङ्गो मेत। मिओनगी ङाला दुबाते बात खाला छ्याःङ साँधी मेत। पालोताङ पालो ङा कालगी खादुकी थाराते ईन।

२ कोरिन्‍थी 12:2

च्‍यि सासीन लो च्‍युप्‍स्‍यी गोमे बात ईन। ख्रीष्‍टला विश्‍वास खित्‍कान्‍ते मिज्‍यीकला ङा लेमु खाला छ्या स्‍येक्‍यो। थे मिला टेप तुकीन स्‍वर्गने परमेश्‍वर देत्‍सासाकराङ खेरसुङ। ईन्‍दाका थेलाराङ थेने खेराते ईन्‍दा ना ठामासोमुला मिलाम खित ज्‍युताच्‍योक खाईन थेने खेराते ईन्‍दा ङाला छ्याःङ छ्या मेत। दि बात परमेश्‍वरलाकामा छ्या ओत।

२ कोरिन्‍थी 5:17

च्‍यिला सासीन ख्रीष्‍टताङ जीउज्‍यीकराङ ओङाते मिचेन साम्‍बाते जुनी ङेताते मि ईन। थोगी गोमे बात तोरगीन था थे मिकी गोमा च्‍योक दाक्‍पोन खुशी मिक्‍किता खाला परमेश्‍वरगी खि साबा साबाच्‍योक खिओ।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

गलाती 1:22

थोगी यहूदिये अञ्‍चलदु ठाउँ ठाउँला जम्‍मा ओङकान्‍ते येशू ख्रीष्‍ट मिओनगीनी ङे छ्येदोङ थोङा मेतान।

गलाती 2:2

परमेश्‍वरगीराङ ङाला थेने ग्‍युक सिन साबेकी ङे थेने गाल्‍गीन येशू ख्रीष्‍ट मिओनगी छ्येते मि ईन साबाते मिओनताङ ठेता खाबाप। थेबाताङकामा ठेत्‍कीन ङाराङगी ज्‍येन ज्‍येन जातकी मिला गा लाङच्‍येते बात लोप्‍जीन चुक चुक सिन लोप्‍कीते सिन ङे थेबाला गाङे साबाप। ङाराङगी लोप्‍कीन ओताते बातला खइँदा बात ठाल्‍दुक सिता ना खइँदा बात मायाङसुङ साला ङाराङगी दुक्‍पा खाईन खाईन खाबाते थेमे खिन ओताते काम थाराङ खेरोला मोन्‍डोस्‍यीत सिनराङ ङे थेबाताङ थोक खाईन बात खाबाप।

गलाती 2:6

येशू ख्रीष्‍ट मिओनगी छ्येते मि ईन साबाते होथे मिओनगीचेन ङे लोप्‍कीन ओताते बातकी लाक्‍तु ज्‍येनोङ दोक दोक सिन लोप सिन सुङगीङ छ्याःङ मासासुङ। ईन्‍दानी थेबा गोमामेकी छ्ये टेक्‍टे जस्‍तो मि ईन्‍सीनोङ दोक्‍ते बात ङाला छ्याःङ मेन सिराच्‍योक लाङगीदुक। परमेश्‍वरगी मि छ्येत ताला काम मिक्‍किओ।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

गलाती 6:15

च्‍यिला सासीन खतकी चिनु जोला फाइदा ओङच्‍येतेताङ थे चिनु माजोला घटी ओङच्‍येते बात छ्याःङ मेत। साम्‍बाते जुनी ङेत्‍कीन थोक्‍ते मिकी खित्‍च्‍येते च्‍योक्‍ते काम खिकाना मिक्‍किका सिरच्‍येते बातकामा छ्येते बात ईन।

एफिसी 2:10

येशू ख्रीष्‍टकी खाबाते कामगी खित्‍सादु परमेश्‍वरगीराङ ङुरूङला लेमुते काम खिता थुप्‍स्‍यीत सिन साम्‍बाते जुनी बिन्‍गीन खुदुक जोबाते ईन। ङुरूङगी खिता फाप्‍च्‍येते लेमुते कामतेबा थेकी गोमाकाराङ ठीक खाईन ज्‍याक्‍पा ओतान।

कलस्‍सी 4:10

दुरू ङात्ताङराङ जेलदु ओताते अरिस्‍तार्खसते ख्‍योकोनला नमस्‍ते ओत्‍लो। थेमे बारनाबास न्‍वा फाप्‍च्‍येते मर्कूसतेङ नमस्‍ते ओत्‍लो। मर्कूसला च्‍यि सिसे थेमे थेला चुक खिता फाप्‍कीते सिन ङे ख्‍योकोनला गोमाकाराङ साकीन सिन्‍दा ओत। था थे ख्‍योकोन ओत्‍सापा वासीन थेला लेमु खि।

फिलेमोन 1:23

येशू ख्रीष्‍टकी खि साबाते काम खिन ओतेकी ङात्ताङराङ जेलदु ओताते इपाफ्रासते ख्‍योकोनला नमस्‍ते ओत्‍लो।

१ यूहन्‍ना 4:13

परमेश्‍वरगी ङुरूङला थे खोरोङ आत्‍मा बिन्‍दा ओतेकी ङुरूङ परमेश्‍वरताङ डिक्‍ला देत्‍क्‍यो थेमे थे ङुरूङताङ ङ्योम्‍बुराङ देत्‍क्‍यो सिन लेमु खाला छ्या स्‍येक्‍यो।

१ यूहन्‍ना 5:20

ङुरूङला ज्‍येनोङ बात च्‍यि छ्या ओते सासीन परमेश्‍वर फुज्‍युङगी दुरू वाकीन परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍सुङ। थेकी दोक खानामेई ङुरूङ सत्‍यते परमेश्‍वरताङ डिक्‍पा थुप्‍सुङ थेमे परमेश्‍वर फुज्‍युङ येशू ख्रीष्‍टताङ डिक्‍पा थुप्‍सुङ। येशू ख्रीष्‍टचेन सत्‍यते परमेश्‍वर ईन, नोमुङ मिसिन्‍च्‍येते जुनी तेरकान्‍तेङ थेराङ ईन।

छ्या स्‍ये च्‍युताते बात 1:9

ङा ख्‍योकोन आज्‍यो यूहन्‍नाङ ख्‍योकोन च्‍योकराङ येशूताङ जीउज्‍यीकराङ ओङाते मि ईन। थोगी ङेङ ख्‍योकोनगी च्‍योकराङ खाईन दुक्‍पा ङेता ओत। थेमे ङाङ परमेश्‍वर राज्‍यदु ख्‍योकोनताङ ङ्योम्‍बुराङ देता ङेत्‍क्‍यो। जस्‍तो दुक्‍पा ङेत्‍सीनोङ ङाङ ख्‍योकोन च्‍योकराङ खपे खाईन देता ओत। ज्‍येनला परमेश्‍वर बात लापेकी थेमे येशू ख्रीष्‍ट सु ईन्‍दे, थेकी च्‍यि खिते सिन लापेकी खित्‍सादु ङाला समुन्‍द्रे किल्‍दु ओताते पत्‍मोस लुङबापा उरगीन ताङा ओतान।