रोमी 16:3 - जिरेल

³ थेमे गोमा ङात्ताङराङ येशू ख्रीष्‍ट काम खित्‍कान्‍ते अक्‍वीलाताङ प्रिस्‍किलाबा जाप्राङ ङिबोला ङेते नमस्‍ते ओत सि।

रोमी 16:3 Iomraidhean Croise

शक्ति काम 18:26

गाल्‍गीन ज्‍यीबाराङ मिक्‍किता खाईन थेरू जम्‍मा ओङाते मिओनला येशू बात लोपाला स्‍यूसुङ। प्रिस्‍किलाताङ अक्‍वीलाङ थेरू ओतान। थेकी थेरू लापाते बात थोनामेई दि मिकी येशू बात गाङे लेमु खाईन छ्या स्‍येबा मेताक्‍वा सिन छ्या स्‍येकीन थेबा ङिबोकी थेला खोपरोङ खाम्‍बापा खेरगीन थेकी छ्या मास्‍येबाते बातओन लेमु खाईन लाप्‍कीन बिन्‍सुङ।

रोमी 16:10

अपेल्‍लेसला ङेते नमस्‍ते ओत सि। थेचेन जस्‍तोराङ ओङजीनोङ येशू ख्रीष्‍टला विश्‍वास खिता तोङराङ मोतोङकान्‍ते मि ईन सिन ङुरूङला छ्या ओत। थेमे अरिस्‍तोबुलस खाम्‍बे मिओनलाङ ङेते नमस्‍ते ओत सि।

रोमी 16:4

थेबेकी ङाला जोए खिताला झन्‍दै खोपरोङ ज्‍यानोङ तेरा फापा ओतान। ङाला थेबेकी थोक लेमु खाबा ओतान। थेबेकी थोक खाबाते बात ठाउँ ठाउँला जम्‍मा ओङकान्‍ते ज्‍येन ज्‍येन जातकी येशू ख्रीष्‍ट मिओनगीङ गाङेकी खिदुक।

रोमी 16:7

थेमे ङे मि फाप्‍च्‍येते गोमा ङात्ताङराङ जेलदु देताते एन्‍ड्रोनिकसताङ युनियसलाङ ङेते नमस्‍ते ओत सि। थेबाचेन येशू ख्रीष्‍टकी खटे खाबाते मिओन नाङ मिन चले खाबाते मि ईन। थेबेकी ङे भन्‍दा गोमामेकीराङ ख्रीष्‍टला विश्‍वास खिताला स्‍यूबाते ईन।

रोमी 16:9

थोकराङ खाला ङ्योकोन च्‍योकराङ ख्रीष्‍टकी काम खित्‍कान्‍ते उर्बानसला ङेते नमस्‍ते सि। ङे ङिङज्‍येते र्‍वा स्‍ताकिसलाङ ङेते नमस्‍ते ओत सि।

रोमी 8:1

जो जो येशू ख्रीष्‍टताङ जीउज्‍यीकराङ ओङला दुक था थेबेकी परमेश्‍वर सजाय ङेतराङ मेङेदो।

रोमी 8:11

परमेश्‍वर थे खोरोङ आत्‍मा ख्‍योकोन सेमदु ओतेकी येशू ख्रीष्‍टला स्‍यिसादुकी सोम्‍बो लोक्‍कान्‍ते परमेश्‍वरगीराङ था स्‍यिनामेई रूल्‍ला डोच्‍येते ख्‍योकोन जीउ खुदुक जोला सोम्‍बो लोइओ। दोकचेन थेकी ख्‍योकोन सेमदु ओताते थे खोरोङ आत्‍मे छ्य्‌वापेई खिओ।

रोमी 8:2

परमेश्‍वर आत्‍मेकी ङाला पाप खित्‍च्‍येते बानीदुकी टाल्‍गीन ङे पाप खाबेकी स्‍या फाप्‍च्‍येते सजायदुकीङ जोए खाईन बिन्‍सुङ। थेमे ङा येशू ख्रीष्‍टताङ जीउज्‍यीकराङ ओङा ओतेकी थेकी ङाला नोमुङ मिसिन्‍च्‍येते जुनीङ बिन्‍दा ओत।

१ कोरिन्‍थी 16:16

ख्‍योकोनगी स्‍तिफनासबा च्‍योक्‍ते मि अधीनला देत्‍ला थेबेकी साबाते ङेन।

१ कोरिन्‍थी 16:19

एशिये अञ्‍चलदु ठाउँ ठाउँला जम्‍मा ओङकान्‍ते येशू ख्रीष्‍ट मिओनगी ख्‍योकोनला नमस्‍ते ओत्‍लो। अक्‍वीलाताङ प्रिस्‍का थेमे थेबे खाम्‍बादु जम्‍मा ओङकान्‍ते येशू ख्रीष्‍ट मिओनतेङ प्रभु येशू छ्य्‌वापेई ख्‍योकोनला काल्‍बेई नमस्‍ते ओत्‍लो।

२ कोरिन्‍थी 12:2

च्‍यि सासीन लो च्‍युप्‍स्‍यी गोमे बात ईन। ख्रीष्‍टला विश्‍वास खित्‍कान्‍ते मिज्‍यीकला ङा लेमु खाला छ्या स्‍येक्‍यो। थे मिला टेप तुकीन स्‍वर्गने परमेश्‍वर देत्‍सासाकराङ खेरसुङ। ईन्‍दाका थेलाराङ थेने खेराते ईन्‍दा ना ठामासोमुला मिलाम खित ज्‍युताच्‍योक खाईन थेने खेराते ईन्‍दा ङाला छ्याःङ छ्या मेत। दि बात परमेश्‍वरलाकामा छ्या ओत।

२ कोरिन्‍थी 5:17

च्‍यिला सासीन ख्रीष्‍टताङ जीउज्‍यीकराङ ओङाते मिचेन साम्‍बाते जुनी ङेताते मि ईन। थोगी गोमे बात तोरगीन था थे मिकी गोमा च्‍योक दाक्‍पोन खुशी मिक्‍किता खाला परमेश्‍वरगी खि साबा साबाच्‍योक खिओ।

गलाती 1:22

थोगी यहूदिये अञ्‍चलदु ठाउँ ठाउँला जम्‍मा ओङकान्‍ते येशू ख्रीष्‍ट मिओनगीनी ङे छ्येदोङ थोङा मेतान।

फिलिप्‍पी 2:25

थेमे ङाला ङाराङ न्‍वा इपाफ्रोडिटसला ख्‍योकोन ओत्‍सापा ग्‍युरला तोङा लेमु ईन सिराच्‍योक लाबेकी ङे दिला थेपा ताङा ओत। दि ङात्ताङ डिक्‍ला गा लाङच्‍येते बात लोप्‍कान्‍ते थेमे ङाराङ च्‍योकराङ दुक्‍पा खाला ज्‍येनला दि बात लोप्‍च्‍येते काम खित्‍कान्‍ते मि ईन। ङाला मद्धत खित्‍स्‍यीत सिन ख्‍योकोनगी दिला ङा ओत्‍सापा ताङा ओतान।

कलस्‍सी 4:11

थेमे युस्‍तस सिराते येशूतेङ नमस्‍ते ओत्‍लो। येशू ख्रीष्‍टला विश्‍वास खित्‍कान्‍ते यहूदी नाङ अरिस्‍तार्खस, मर्कूस थेमे युस्‍तस दिबा सुमबोकामा ज्‍येनगीङ परमेश्‍वर राज्‍य बात छ्या स्‍येला ङेन्‍स्‍यीत सिन ङात्ताङ डिक्‍ला ख्रीष्‍टकी बात लोप्‍कीन ओत। दिबेकी दोक खाईन मद्धत खाबाते ङाला लेमु ओङसुङ।

२ तिमोथी 4:19

लो अक्‍वीलाताङ प्रिस्‍काबा जाप्राङ ङिबोला थेमे ओनेसिफरसताङ थे खाम्‍बे मि गाङेला ङेते नमस्‍ते ओत्‍लो सि।