रोमी 16:23 - जिरेल

²³ थेमे गायसतेङ ख्‍योकोनला नमस्‍ते ओत्‍लो। ङा पावल थे खाम्‍बादुराङ डोम्‍बो ओङगीन देता ओत। देङला ओताते येशू ख्रीष्‍ट मिओन दि खाम्‍बादुराङ जम्‍मा ओङगीदुक। थेमे इरास्‍तसतेङ ख्‍योकोनला नमस्‍ते ओत्‍लो। थेचेन दि सारदु च्‍यि च्‍यि खिता फाप्‍च्‍या दुका, थोई खर्च लै खित्‍च्‍या दुका सिन ताकान्‍ते मि ईन। थोकराङ खाला ङुरूङ न्‍वा क्‍वार्टसतेङ ख्‍योकोनला नमस्‍ते ओत्‍लो।

रोमी 16:23 Iomraidhean Croise

शक्ति काम 19:22

थेमे थेकी थे खोरोङताङ येशू बात लोप्‍च्‍येते काम खित्‍कान्‍ते तिमोथीताङ इरास्‍तसला टिक्‍पी गोमा म्‍यासिडोनियापा ताङसुङ। थे खोरोङचेन टिक्‍पी दिन थेरू एशिये अञ्‍चल नाङलाराङ देत्‍सुङ।

शक्ति काम 19:29

थेबेकी थोक खाला छेरा खित्‍जीन थे सारराङ थर्के खासुङ। थेमे च्‍यि ओङका सिन सार खाङ हल्‍ला खल्‍ला मच्‍चे खासुङ। थेमे थेरू मिओनगी पावलताङ र्‍वा खाईन ख्‍याम्‍बाते मेन्‍दा ङि मिला जुम्‍गीन ठुत्‍कीनकामा खेरगीन मि गाङेराङ जम्‍मा ओङला तेमु ताच्‍येते ठाउँदु क्‍याल्‍सुङ। थेबा ङिबोचेन म्‍यासिडोनिये लुङबे गायसताङ अरिस्‍तार्खस सिरातेबा ओतान।

शक्ति काम 20:4

थेजीन थेत्ताङ ज्‍येन ज्‍येन मिङ ङ्योम्‍बुराङ ओतान। थेबाचेन बेरियापे पाईरस सिराते मि फुज्‍युङ सोपाटर, थिस्‍सलोनिकापे अरिस्‍तार्खसताङ सिकन्‍डस, डर्बीपे गायस थोकराङ खाईन तिमोथी थेमे एशिये अञ्‍चल टाइकिकसताङ त्रोफिमस सिरातेबा ओतान।

रोमी 16:24

ङुरूङ प्रभु येशू ख्रीष्‍टकी ख्‍योकोन गाङेला दया खिनराङ देत्‍स्‍यीत। आमेन।

१ कोरिन्‍थी 1:14

दि बातकी लाईदु ङा परमेश्‍वरला धन्‍यवाद सिओ। च्‍यि सासीन क्रिस्‍पसताङ गायसला बाई ङे ख्‍योकोन सुङलाङ बप्‍तिस्‍मा बिन्‍दा मेत।

२ तिमोथी 4:20

इरास्‍तस कोरिन्‍थ सारदुराङ देत्‍सुङ। त्रोफिमसचेन नाबेकी मिलेटस सारदुकी ङा थेत्ताङ ठाल्‍गीन देपा ओङा फाप्‍सुङ।