रोमी 16:21 - जिरेल

²¹ थेमे ङात्ताङराङ येशू ख्रीष्‍ट काम खित्‍कान्‍ते तिमोथीते ख्‍योकोनला नमस्‍ते ओत्‍लो। थोकराङ खाला ङाराङ मि फाप्‍च्‍येते लुसियस, यासोनताङ सोसिपेटरतेङ ख्‍योकोनला नमस्‍ते ओत्‍लो।

रोमी 16:21 Iomraidhean Croise

शक्ति काम 13:1

एन्‍टिओखियादु जम्‍मा ओङकान्‍ते येशू ख्रीष्‍ट मिओन नाङ कोई परमेश्‍वर बात खित्‍कान थेमे कोईचेन परमेश्‍वर बात लोप्‍कान ओतान। थेबाचेन बारनाबास, काला सिराते शिमियोन, साइरेनीपे लुसियस थेमे मनेनताङ शावल ओतान। मनेनचेन हेरोद गेल्‍बोताङराङ हुर्के खाबा ओतान।

शक्ति काम 17:14

थोक ओङनामेई थेरू आज्‍यो न्‍वाओनगी पावलला थेरू मोज्‍योकी सिन थेला ज्‍येननापा तोङाला समुन्‍द्रे छेउनामा केल ताङसुङ। सिलासताङ तिमोथीचेन थेरूराङ देत्‍सुङ।

शक्ति काम 17:5

थोक खाईन मि काल्‍बेई थेबे छ्य्‌वापा लै खाबा थोङगीन ज्‍येन यहूदीओनचेन थेबा ङिबोताङ आउदी खाईन स्‍येदाङ खासुङ। थोगी थेबेकी थे सारगी नाङले कोई कोई मेलेबाते मि रूकीन होहल्‍ला खिताला स्‍यूसुङ। थेमे थेबा ङिबोला जुम्‍ला गाङे मि दोन्‍दु खेरा फाप्‍क्‍यो सिन यासोन सिराते मि खाम्‍बापा गाल्‍सुङ।

शक्ति काम 18:5

सिलासताङ तिमोथी म्‍यासिडोनियादुकी थेरू वानामेकीचेन ज्‍येनते काम ताङगीन पावलगी खालि गा लाङच्‍येते बातकामा लोपाला स्‍यूसुङ। थेकी यहूदीओनला येशूराङ परमेश्‍वरगी तोङगो साबाते ख्रीष्‍ट ईन सिन ठोके खाईन लाप्‍सुङ।

शक्ति काम 19:22

थेमे थेकी थे खोरोङताङ येशू बात लोप्‍च्‍येते काम खित्‍कान्‍ते तिमोथीताङ इरास्‍तसला टिक्‍पी गोमा म्‍यासिडोनियापा ताङसुङ। थे खोरोङचेन टिक्‍पी दिन थेरू एशिये अञ्‍चल नाङलाराङ देत्‍सुङ।

शक्ति काम 20:4

थेजीन थेत्ताङ ज्‍येन ज्‍येन मिङ ङ्योम्‍बुराङ ओतान। थेबाचेन बेरियापे पाईरस सिराते मि फुज्‍युङ सोपाटर, थिस्‍सलोनिकापे अरिस्‍तार्खसताङ सिकन्‍डस, डर्बीपे गायस थोकराङ खाईन तिमोथी थेमे एशिये अञ्‍चल टाइकिकसताङ त्रोफिमस सिरातेबा ओतान।

रोमी 16:11

ङे मि फाप्‍च्‍येते हेरोदियनला ङेते नमस्‍ते ओत सि। थेमे नर्सिसस खाम्‍बे मिओन नाङ प्रभु ख्रीष्‍टला विश्‍वास खित्‍कान्‍ते मिओनलाङ ङेते नमस्‍ते ओत्‍लो सि।

रोमी 16:7

थेमे ङे मि फाप्‍च्‍येते गोमा ङात्ताङराङ जेलदु देताते एन्‍ड्रोनिकसताङ युनियसलाङ ङेते नमस्‍ते ओत सि। थेबाचेन येशू ख्रीष्‍टकी खटे खाबाते मिओन नाङ मिन चले खाबाते मि ईन। थेबेकी ङे भन्‍दा गोमामेकीराङ ख्रीष्‍टला विश्‍वास खिताला स्‍यूबाते ईन।

२ कोरिन्‍थी 1:1

दि चिट्ठी टिक्‍कान्‍ते ङा पावल थेमे ङुरूङ न्‍वा तिमोथी ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङ्योकोन दि चिट्ठी कोरिन्‍थ सारदु जम्‍मा ओङकान्‍ते परमेश्‍वर मिओन थेमे अखैये लुङबा खाङ ओताते परमेश्‍वर सन्‍तान ख्‍योकोन गाङेला टिगीन ओत।

२ कोरिन्‍थी 1:19

च्‍यिला सासीन सिल्‍वानस, तिमोथी थेमे ङे ख्‍योकोनला छ्या स्‍येबा खाईन बिन्‍दाते परमेश्‍वर फुज्‍युङ येशू ख्रीष्‍टचेन साँचोतेङ मेन्‍दातेङ परी ङि बात खित्‍कान्‍ते मेन। थे खालि साँचोते बातकामा खित्‍कान्‍ते ईन।

फिलिप्‍पी 1:1

दि चिट्ठी टिक्‍कान्‍ते ङा पावल थेमे तिमोथी ईन। ङ्योकोन येशू ख्रीष्‍ट काम खित्‍कान्‍ते मि ईन। ङ्योकोन दि चिट्ठी फिलिप्‍पी सारदु ओताते परमेश्‍वर सन्‍तानओनला ताकान्‍तेबे नाङ छ्येते मिओन थेमे थेबाला थोक खिताला मद्धत तेरकान्‍ते मिओनला टिगीन ओत। थेबालाकामा मेन्‍देकी दि चिट्ठी येशू ख्रीष्‍टताङ जीउज्‍यीकराङ ओङाते परमेश्‍वर सन्‍तान ख्‍योकोन गाङेला टिगीन ओत।

कलस्‍सी 1:1

दि चिट्ठी टिक्‍कान्‍ते ङा पावल थेमे ङुरूङ न्‍वा तिमोथी ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत।

१ थिस्‍सलोनिकी 1:1

दि चिट्ठीचेन ङ्योकोन पावल, सिल्‍वानसताङ तिमोथी डिक्‍ला ख्‍योकोन थिस्‍सलोनिका सारदु जम्‍मा ओङकान्‍ते येशू ख्रीष्‍ट मिओनला टिगीन ओत। ख्‍योकोनचेन आबा परमेश्‍वर थेमे प्रभु येशू ख्रीष्‍टताङ जीउज्‍यीकराङ ओङाते मि ईन। आबा परमेश्‍वरताङ प्रभु येशू ख्रीष्‍टकी ख्‍योकोनला दया खाला लेमु खिनराङ देत्‍स्‍यीत।

१ थिस्‍सलोनिकी 3:2

ङुरूङ न्‍वा तिमोथीला ख्‍योकोन ओत्‍सापा ताङा ओतान। तिमोथीङ ङ्योकोनताङराङ परमेश्‍वर काम खिन मिओनला ख्रीष्‍टते गा लाङच्‍येते बात लोप्‍कान्‍ते मिराङ ईन सिन ख्‍योकोनला सिरा माफाप्‍तासीन। ज्‍येनगी दुक्‍पा तेरजीन ख्‍योकोन सुङगीङ प्रभु येशूला विश्‍वास खिता तोङा मेङगो, बरू जति दुक्‍पा ओङसीनोङ सेम मेसेता खाला थेला विश्‍वास खिनराङ देता फाप्‍क्‍यो सिन आँट तेराला ङ्योकोनगी तिमोथीला थेपा ताङा ओतान। प्रभु येशूला विश्‍वास खाबेकी खित्‍सादु ङुरूङगी दुक्‍पा भोगे खिता फाप्‍क्‍यो सिन ख्‍योकोनला लेमु खाला छ्याराङ ओत।

१ थिस्‍सलोनिकी 3:6

थेमे तिमोथी भर्खर थेपेकी ग्‍युरगीन वाकीन ङ्योकोनला आउदी लेमुते लोन लाःप्‍सुङ। चुक सासीन ख्‍योकोन प्रभु येशूला विश्‍वास खिनराङ दुक्‍लो, ज्‍येनला ङिङज्‍ये खिताङ ताङा मिन्‍दुक्‍लो थेमे ङ्योकोनगी ख्‍योकोनला ठेता सेम खाबा च्‍योकराङ ख्‍योकोनगीङ ङ्योकोनला आउदी खाला सम्‍झे खिन नाम ठेता ङेदोङा सिराच्‍योक खाईन गुकीन देत्‍ला दुक्‍लो सिन थेपे लोनतेबा गाङे लाःप्‍सुङ।

२ थिस्‍सलोनिकी 1:1

दि चिट्ठीचेन ङ्योकोन पावल, सिल्‍वानसताङ तिमोथी डिक्‍ला ख्‍योकोन थिस्‍सलोनिका सारदु जम्‍मा ओङकान्‍ते येशू ख्रीष्‍ट मिओनला टिगीन ओत। ख्‍योकोनचेन ङुरूङ आबा परमेश्‍वर थेमे प्रभु येशू ख्रीष्‍टताङ जीउज्‍यीकराङ ओङाते मि ईन।

१ तिमोथी 1:2

ङा दि चिट्ठी तिमोथी खोल्‍ला टिगीन ओत। ङे खित्‍सादु येशू ख्रीष्‍टला विश्‍वास खाबेकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरताङ ङुरूङ प्रभु येशू ख्रीष्‍टकी खोल्‍ला दया खिन थेमे ङिङज्‍ये खाला लेमु खिनराङ देत्‍स्‍यीत।

१ तिमोथी 6:11

तर खोचेन परमेश्‍वरगी खि साबाते काम खित्‍कान्‍ते मि ईन। थोगी खुई थोक्‍ते मेलेबा काम छ्याःङ माकेत। खुईचेन परमेश्‍वरगी खि साबा च्‍योकराङ खिन देत, थेला चुक खाला माने खिता फाप्‍च्‍येते ईन्‍दे थोकराङ खाला माने खि, येशू ख्रीष्‍टला विश्‍वास खिन देत। दोस्‍यिककामा मेन, ज्‍येनला ङिङज्‍ये खि, दुक्‍पा ओङसीनोङ खपे खिन देत थेमे गाङेताङ खा छ्येत लेमु खि। खुई होदोक दोक खित्‍च्‍ये छ्य्‌वापाकामा सेम लै खि।

१ तिमोथी 6:20

लो तिमोथी, परमेश्‍वरगी खोरोङला जिम्‍मा बिन्‍दाते काम खि साबा च्‍योकराङ खाला खिन देत। परमेश्‍वर बातताङ डिकराङ मिडिक्‍च्‍येते कामराङ लै मिक्‍किच्‍येते बातला नामज्‍योक मासेत। च्‍यि बात चुक ईन्‍दे सिन लेमु खाईन छ्या स्‍येबा ओताच्‍योक खाला सत्‍यते बात ईन सिन मेन्‍दे बात लोप्‍कान्‍ते मि बात नोमुङ माङेन।

२ तिमोथी 1:2

ङा दि चिट्ठी ङे ङिङज्‍येते फुज्‍युङ तिमोथी खोल्‍ला टिगीन ओत। आबा परमेश्‍वरताङ ङुरूङ प्रभु येशू ख्रीष्‍टकी खोल्‍ला दया खिन थेमे ङिङज्‍ये खाला लेमु खिनराङ देत्‍स्‍यीत।

हिब्रू 13:23

ज्‍येन बात च्‍यि सासीन ङुरूङ न्‍वा तिमोथी जेलदुकी थेन्‍गीन सिन्‍सुङ। था थे होत्ता ङा ओत्‍सादु वासीन ङ्योकोन ङिकाराङ ख्‍योकोन ओत्‍सापा ओङामीन।